കോൺഗ്രസിന്‍റെ അഖിലേന്ത്യ നേതാവും അക്രമികളെ സംരക്ഷിക്കുന്നു -മുഖ്യമന്ത്രി

ചെ​റു​തോ​ണി: കോ​ൺ​ഗ്ര​സി​ന്‍റെ അ​ഖി​ലേ​ന്ത്യ നേ​താ​വു​വ​രെ അ​ക്ര​മി​ക​ളെ സം​ര​ക്ഷി​ക്കാ​ൻ ത​യാ​റാ​കു​ക​യാ​ണെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. കു​ത്തേ​റ്റ്​ മ​രി​ച്ച ഇ​ടു​ക്കി എ​ൻ​ജി​നീ​യ​റി​ങ് കോ​ള​ജ് വി​ദ്യാ​ർ​ഥി ധീ​ര​ജ് രാ​ജേ​ന്ദ്ര​ന്‍റെ കു​ടും​ബ​ത്തി​ന്​ സി.​പി.​എം സ​മാ​ഹ​രി​ച്ച തു​ക കൈ​മാ​റി ചെ​റു​തോ​ണി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

വി​വി​ധ മേ​ഖ​ല​ക​ളി​ൽ ക​ഴി​വ് തെ​ളി​യി​ച്ച വി​ദ്യാ​ർ​ഥി​യാ​യി​രു​ന്നു ധീ​ര​ജ്. എ​സ്.​എ​ഫ്.​ഐ​യു​ടെ വ​ള​ർ​ച്ച​യി​ൽ അ​സ്വ​സ്ഥ​രാ​യ​വ​രാ​ണ് ആ​ക്ര​മ​ണ​ത്തി​ന് പി​ന്നി​ൽ. വ്യ​ക്ത​മാ​യ ആ​സൂ​ത്ര​ണ​ത്തോ​ടെ​യാ​ണ് ധീ​ര​ജി​നെ കൊ​ല​പ്പെ​ടു​ത്തി​യ​ത്. ഗാ​ന്ധി ശി​ഷ്യ​ന്മാ​ർ​ക്ക് എ​ങ്ങ​നെ​യാ​ണ് ആ​ലു​വ​യി​ൽ സ​വ​ർ​ക്ക​റു​ടെ ചി​ത്രം വെ​ക്കാ​ൻ സാ​ധി​ച്ച​ത്. . ഭാ​ര​ത്​ ജോ​ഡോ യാ​ത്ര​യു​മാ​യി 19 ദി​വ​സം കേ​ര​ള​ത്തി​ൽ പ​ര്യ​ട​നം ന​ട​ത്തു​ന്ന രാ​ഹു​ൽ ഗാ​ന്ധി ബി.​ജെ.​പി​യു​ടെ ശ​ക്തി​കേ​ന്ദ്ര​ങ്ങ​ളെ ഒ​ഴി​വാ​ക്കി. ബി.​ജെ.​പി​യു​ടെ വ​ർ​ഗീ​യ​ത​യാ​ണ് രാ​ഹു​ൽ രൂ​പ​ത്തി​ലും ഭാ​വ​ത്തി​ലും സ്വീ​ക​രി​ക്കു​ന്ന​തെ​ന്നും മു​ഖ്യ​മ​ന്ത്രി കു​റ്റ​പ്പെ​ടു​ത്തി.

1.58 കോ​ടി​യാ​ണ്​ ധീ​ര​ജി​നാ​യി സ​മാ​ഹ​രി​ച്ച​ത്. 60 ല​ക്ഷം ധീ​ര​ജി​ന്‍റെ കു​ടും​ബ​ത്തി​നും അ​ഞ്ച്​ ല​ക്ഷം വീ​തം ആ​ക്ര​മ​ണ​ത്തി​ൽ പ​രി​ക്കേ​റ്റ അ​മ​ൽ, അ​ഭി​ജി​ത് എ​ന്നി​വ​രു​ടെ കു​ടും​ബാം​ഗ​ങ്ങ​ൾ​ക്കും കൈ​മാ​റി. ബാ​ക്കി തു​ക ധീ​ര​ജ് സ്മ​ര​ക മ​ന്ദി​ര നി​ർ​മാ​ണ​ത്തി​ന്​ ഉ​പ​യോ​ഗി​ക്കും. ജി​ല്ല സെ​ക്ര​ട്ട​റി സി.​വി. വ​ർ​ഗീ​സ് അ​ധ്യ​ക്ഷ​ത വ​ഹി​ച്ചു.