Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightനി​ഖി​ൽ പൈ​ലി...

നി​ഖി​ൽ പൈ​ലി പാ​ന്‍റ്​​സി​ന്‍റെ കീശയി​ൽ സൂ​ക്ഷി​ച്ച ക​ത്തി എ​ടു​ത്ത്​ ധീരജിനെ കുത്തി; കൊല്ലാൻ തന്നെയെന്ന്​ റിമാൻഡ്​ റിപ്പോർട്ട്​

text_fields
bookmark_border
nkhil paily dheeraj murder
cancel
camera_altനിഖിൽ പൈലി, ധീരജ്

തൊ​ടു​പു​ഴ: ഇ​ടു​ക്കി ഗ​വ. എ​ൻ​ജി​നീ​യ​റി​ങ്​ കോ​ള​ജി​ൽ കൊ​ല്ല​പ്പെ​ട്ട എ​സ്.​എ​ഫ്.​ഐ പ്ര​വ​ർ​ത്ത​ക​ൻ ധീ​ര​ജി​നെ​യും ര​ണ്ട്​ സു​ഹൃ​ത്തു​ക്ക​ളെ​യും പ്ര​തി​ക​ൾ കു​ത്തി​യ​ത്​ കൊ​ല്ലാ​ൻ ല​ക്ഷ്യ​മി​ട്ടാ​ണെ​ന്ന്​ റി​മാ​ൻ​ഡ്​ റി​പ്പോ​ർ​ട്ട്.

യൂ​ത്ത്​ കോ​ൺ​ഗ്ര​സ്, കെ.​എ​സ്.​യു നേ​താ​ക്ക​ളാ​യ ഒ​ന്നു​മു​ത​ൽ ആ​റു​വ​രെ പ്ര​തി​ക​ൾ സം​ഘം ചേ​ർ​ന്നാ​ണ്​ കോ​ള​ജി​ന്​ പു​റ​ത്ത്​ എ​ത്തി​യ​തെ​ന്നും ഇ​ടു​ക്കി ജു​ഡീ​ഷ്യ​ൽ ഫ​സ്റ്റ്​​ക്ലാ​സ്​ മ​ജി​സ്​​ട്രേ​റ്റ്​ കോ​ട​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ടി​ൽ പ​റ​യു​ന്നു.

വി​ദ്യാ​ർ​ഥി​ക​ള​ല്ലാ​ത്ത​വ​ർ കോ​ള​ജി​ൽ പ്ര​വേ​ശി​ക്കു​ന്ന​ത്​ ധീ​ര​ജും സു​ഹൃ​ത്തു​ക്ക​ളാ​യ അ​ഭി​ജി​ത്തും അ​മ​ലും അ​ർ​ജു​നും ത​ട​യാ​ൻ ശ്ര​മി​ച്ചു. പ്ര​തി​ക​ൾ ഇ​വ​രെ കൈ​യേ​റ്റം ചെ​യ്യു​ക​യും നി​ഖി​ൽ പൈ​ലി പാ​ന്‍റ്​​സി​ന്‍റെ പോ​ക്ക​റ്റി​ൽ സൂ​ക്ഷി​ച്ചി​രു​ന്ന ക​ത്തി എ​ടു​ത്ത്​ അ​ഭി​ജി​ത്തി​ന്‍റെ ഇ​ട​ത്​ ക​ക്ഷ​ത്തി​ന്​ താ​ഴെ​യും ഇ​ട​ത്​ നെ​ഞ്ച്​ ഭാ​ഗ​ത്തും അ​മ​ലി​ന്‍റെ വ​ല​ത്​ നെ​ഞ്ച്​ ഭാ​ഗ​ത്തും ക​ഴു​ത്തി​ന്‍റെ ഇ​ട​തു​ഭാ​ഗ​ത്തും കു​ത്തി. തു​ട​ർ​ന്ന്, ജി​ല്ല പ​ഞ്ചാ​യ​ത്ത്​ ഓ​ഫി​സ്​ ഭാ​ഗ​ത്തേ​ക്ക്​ ഓ​ടി​പ്പോ​കാ​നൊ​രു​ങ്ങി​യ നി​ഖി​ലി​നെ പി​ടി​ച്ചു​നി​ർ​ത്താ​ൻ ശ്ര​മി​ച്ച ധീ​ര​ജി​ന്‍റെ നെ​ഞ്ചി​ന്‍റെ ഭാ​ഗ​ത്ത്​ ആ​ഞ്ഞു​കു​ത്തി കൊ​ല​പ്പെ​ടു​ത്തു​ക​യാ​യി​രു​ന്നു. നി​ഖി​ൽ പൈ​ലി​യും ര​ണ്ടാം പ്ര​തി ജെ​റി​ൻ ജോ​ജോ​യും കു​റ്റം സ​മ്മ​തി​ച്ചി​ട്ടു​ണ്ട്.

തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലു​ള്ള അ​ഭി​ജി​ത്തി​നെ​യും അ​മ​ലി​നെ​യും പ്ര​തി​ക​​​ളെ നേ​രി​ട്ട്​ കാ​ണി​ച്ച്​ തി​രി​ച്ച​റി​യ​ൽ ന​ട​ത്താ​നാ​യി​ട്ടി​ല്ല. മൂ​ന്നു​മു​ത​ൽ ആ​റു​വ​രെ പ്ര​തി​ക​ൾ ഒ​ളി​വി​ലാ​യ​തി​നാ​ൽ അ​റ​സ്റ്റ്​ ചെ​യ്യാ​നാ​യി​ട്ടി​ല്ലെ​ന്നും റി​മാ​ൻ​ഡ്​ റി​പ്പോ​ർ​ട്ടി​ലു​ണ്ട്.

അ​ന്വേ​ഷ​ണം​ പ്രാ​ഥ​മി​ക ഘ​ട്ട​ത്തി​ലാ​യ​തി​നാ​ൽ തെ​ളി​വ്​ ന​ശി​പ്പി​ക്കാ​നും സാ​ക്ഷി​ക​ളെ സ്വാ​ധീ​നി​ക്കാ​നും ഒ​ളി​വി​ൽ പോ​കാ​നും സാ​ധ്യ​ത​യു​ള്ള​തി​നാ​ൽ പ്ര​തി​ക​ൾ​ക്ക്​ ജാ​മ്യം ന​ൽ​ക​രു​തെ​ന്നാ​യി​രു​ന്നു അ​ന്വേ​ഷ​ണ സം​ഘ​ത്തി​ന്‍റെ ആ​വ​ശ്യം.

അതേസമയം, കൃത്യത്തിന്​ ശേ​ഷം പ്ര​തി​ക​ൾ ഉ​പേ​ക്ഷി​ച്ച ക​ത്തി ഇ​നി​യും ക​ണ്ടെ​ത്താ​നാ​യി​ല്ല. സം​ഭ​വ​ത്തി​നു​ശേ​ഷം തി​രി​ച്ചു​പോ​കു​മ്പോ​ൾ ക​ത്തി കാ​ട്ടി​ലെ​റി​ഞ്ഞു എ​ന്ന ഒ​ന്നാം പ്ര​തി നി​ഖി​ൽ പൈ​ലി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ ഇ​യാ​ളു​മാ​യി ബു​ധ​നാ​ഴ്ച കാ​ട്ടി​ൽ തി​ര​ച്ചി​ൽ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല.

Show Full Article
TAGS:Dheeraj murder Nikhil Paily 
News Summary - Dheeraj murder Remand report
Next Story