ഡി.ജി.പിയുടെ ഭൂമി ഇടപാട്: കേസും പരാതിയും സർക്കാർ പരിശോധിക്കുന്നു

തി​രു​വ​ന​ന്ത​പു​രം: ഭൂ​മി ഇ​ട​പാ​ടു​മാ​യി ബ​ന്ധ​പ്പെ​ട്ട കേ​സി​ൽ ഡി.​ജി.​പി എ​സ്. ദ​ർ​വേ​ശ്​ സാ​ഹി​ബി​നും ഭാ​ര്യ​ക്കും എ​തി​രാ​യ കോ​ട​തി വി​ധി​യും ബ​ന്ധ​പ്പെ​ട്ട പ​രാ​തി​യും സ​ർ​ക്കാ​ർ പ​രി​ശോ​ധി​ക്കു​ന്നു. ഡി.​ജി.​പി​യും ഭാ​ര്യ​യും ക​രാ​ർ വ്യ​വ​സ്ഥ ലം​ഘി​ച്ചെ​ന്ന് ആ​രോ​പി​ച്ച് ക​രാ​റി​ൽ ഉ​ൾ​പ്പെ​ട്ട വ്യ​ക്തി മു​ഖ്യ​മ​ന്ത്രി​ക്ക് ക​ഴി​ഞ്ഞ മാ​സം ഓ​ൺ​ലൈ​നാ​യി പ​രാ​തി ന​ൽ​കി​യി​രു​ന്നു. ഇ​ത് ആ​ഭ്യ​ന്ത​ര അ​ഡീ​ഷ​ന​ൽ ചീ​ഫ് സെ​ക്ര​ട്ട​റി പ​രി​ശോ​ധി​ക്കു​മെ​ന്ന മ​റു​പ​ടി​യാ​ണു ല​ഭി​ച്ച​ത്. ഇ​തേ ആ​വ​ശ്യ​വു​മാ​യി മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ൽ സെ​ക്ര​ട്ട​റി​യെ സ​മീ​പി​ച്ച കാ​ര്യ​വും പ​രാ​തി​ക്കാ​ര​ൻ വെ​ളി​പ്പെ​ടു​ത്തി. ഗു​രു​ത​ര സ്വ​ഭാ​വ​മു​ള്ള പ​രാ​തി പ​രി​ഗ​ണ​ന​യി​ലി​രി​ക്കെ​യാ​ണ് ക​ഴി​ഞ്ഞ​യാ​ഴ്ച​യി​ലെ മ​ന്ത്രി​സ​ഭാ​യോ​ഗം ഡി.​ജി.​പി​ക്ക്​ ഒ​രു വ​ർ​ഷം കൂ​ടി കാ​ലാ​വ​ധി നീ​ട്ടി ന​ൽ​കി​യ​ത്.

സം​സ്ഥാ​ന പൊ​ലീ​സ് മേ​ധാ​വി​ക്കെ​തി​രെ ഇ​ത്ര ഗു​രു​ത​ര പ​രാ​തി വ​രു​ന്ന​തും കോ​ട​തി​യു​ടെ ഇ​ട​പെ​ട​ലു​ണ്ടാ​കു​ന്ന​തും അ​സാ​ധാ​ര​ണ​മാ​ണ്. ആ​ഭ്യ​ന്ത​ര വ​കു​പ്പി​നെ​തി​രെ പാ​ർ​ട്ടി യോ​ഗ​ങ്ങ​ളി​ലും പു​റ​ത്തും വ​ലി​യ വി​മ​ർ​ശ​ന​ങ്ങ​ൾ ഉ​യ​രു​മ്പോ​ഴാ​ണ് പൊ​ലീ​സ് മേ​ധാ​വി​ത​ന്നെ വ​ഞ്ച​ന​ക്കേ​സി​ൽ പ്ര​തി​ക്കൂ​ട്ടി​ലാ​കു​ന്ന​ത്. ബാ​ധ്യ​ത മ​റ​ച്ചു​വെ​ച്ച​ത് വ​ഞ്ച​ന​ക്കു​റ്റം ചു​മ​ത്താ​വു​ന്ന ന​ട​പ​ടി​യാ​ണ്. പ​രാ​തി ല​ഭി​ച്ചാ​ല്‍ ക്രി​മി​ന​ല്‍ കേ​സ് എ​ടു​ക്കേ​ണ്ടി വ​രു​മെ​ന്ന് നി​യ​മ​വി​ദ​ഗ്ധ​ര്‍ ചൂ​ണ്ടി​ക്കാ​ണി​ക്കു​ന്നു. ആ​ദാ​യ​നി​കു​തി വ​കു​പ്പി​ന്‍റെ മാ​ർ​ഗ​രേ​ഖ മ​റി​ക​ട​ന്ന് സ്വ​ന്തം ചേം​ബ​റി​ൽ വെ​ച്ച് അ​ഞ്ചു ല​ക്ഷം രൂ​പ നേ​രി​ട്ട് കൈ​പ്പ​റ്റി​യ​തും കു​റ്റ​മാ​ണ്. ഡി.​ജി.​പി​യു​ടെ ക്ര​മ​ക്കേ​ടി​നെ കു​റി​ച്ച് പ​രാ​തി നേ​ര​ത്തേ ല​ഭി​ച്ചി​ട്ടും അ​ന​ങ്ങാ​ത്ത മു​ഖ്യ​മ​ന്ത്രി​ക്കും ഉ​ത്ത​ര​വാ​ദി​ത്ത​ത്തി​ൽ​നി​ന്നൊ​ഴി​യാ​നാ​കി​ല്ല. പ​രാ​തി​ക്കാ​ര​നാ​യ പ്ര​വാ​സി​ക്ക് മു​ഴു​വ​ൻ തു​ക​യും തി​രി​ച്ച്​ ന​ൽ​കി പ​രാ​തി ഒ​ത്തു തീ​ർ​പ്പാ​ക്കി മു​ഖം ര​ക്ഷി​ക്കാ​നാ​ണ്​ നീ​ക്കം.

ഡി.​ജി.​പി​യു​ടെ ഭാ​ര്യ എ​സ്. ഫ​രീ​ദ ഫാ​ത്തി​മ​യു​ടെ പേ​രി​ൽ പേ​രൂ​ർ​ക്ക​ട വി​ല്ലേ​ജി​ൽ വ​ട്ടി​യൂ​ർ​ക്കാ​വ് മ​ണി​ക​ണ്ഠേ​ശ്വ​ര​ത്ത് ഉ​ള്ള 10.8 സെ​ന്റ് ഭൂ​മി വി​ൽ​ക്കാ​നാ​ണ് 2023 ജൂ​ൺ 22ന് ​വ​ഴു​ത​ക്കാ​ട് ഡി.​പി.​ഐ ജ​ങ്​​ഷ​നു സ​മീ​പം ടി. ​ഉ​മ​ർ ഷെ​രീ​ഫു​മാ​യി ക​രാ‍ർ ഒ​പ്പി​ട്ട​ത്. ഇ​തി​ൽ ര​ണ്ടു സാ​ക്ഷി​ക​ളി​ലൊ​രാ​ൾ ഡി.​ജി.​പി​യാ​ണ്. അ​സ്സ​ൽ ആ​ധാ​രം ല​ഭി​ക്കാ​തെ വ​ന്ന​തോ​ടെ, 26 ല​ക്ഷം രൂ​പ​യു​ടെ ബാ​ങ്ക് ബാ​ധ്യ​ത ഉ​ണ്ടെ​ന്നു മ​ന​സ്സി​ലാ​ക്കി ക​രാ​ർ ലം​ഘ​നം ആ​രോ​പി​ച്ച് പ​ണം തി​രി​കെ ചോ​ദി​ക്കു​ക​യും കോ​ട​തി​യെ സ​മീ​പി​ക്കു​ക​യു​മാ​യി​രു​ന്നെ​ന്ന് ഉ​മ​ർ ഷെ​രീ​ഫ് പ​റ​യു​ന്നു. തു​ട​ർ​ന്നാ​ണു വ്യ​വ​സ്ഥ​ക​ളോ​ടെ ഭൂ​മി ജ​പ്തി ചെ​യ്യാ​ൻ തി​രു​വ​ന​ന്ത​പു​രം അ​ഡീ​ഷ​ന​ൽ സ​ബ് കോ​ട​തി ഉ​ത്ത​ര​വി​ട്ട​ത്.