വാഹനപരിശോധന: മാർഗനിർദേശങ്ങൾ പുറത്തിറക്കി ഡി.ജി.പി

തിരുവനന്തപുരം: വാഹനപരിശോധന സംബന്ധിച്ച്​ മാർഗനിർദേശങ്ങൾ പുറത്തിറക്കി ഡി.ജി.പി ലോക്​നാഥ്​ ബെഹ്​റ. കൊല്ലത്ത്​ വാഹനപരിശോധനക്കിടെ ബൈക്ക്​ യാത്രികന്​ പരിക്കേറ്റതി​​െൻറ പശ്​ചാത്തലത്തിലാണ്​ പുതിയ മാർഗനിർദേശം. മറവിലും തിരിവിലും വാഹനപരിശോധന പാടില്ലെന്ന്​ ഡി.ജി.പിയുടെ ഉത്തരവിൽ വ്യക്​തമാക്കുന്നു.

എസ്​.ഐമാരുടെ നേതൃത്വത്തിലാണ്​ പരിശോധന നടത്തേണ്ടത്​, പരിശോധന പൂർണമായും കാമറയിൽ പകർത്തണം, നിർത്താത്ത വാഹനങ്ങളെ പിന്തുടരുത്​, ദേഹപരിശോധന പാടില്ല തുടങ്ങിയവയാണ്​ പ്രധാനനിർദേശങ്ങൾ. വാഹനപരിശോധനക്കിടെ അനിഷ്​ട സംഭവങ്ങളുണ്ടായാൽ ജില്ലാ പൊലീസ്​ മേധാവിക്കായിരിക്കും ഉത്തരവാദിത്തമെന്നും ഉത്തരവിൽ പറയുന്നുണ്ട്​.

വാഹന പരിശോധനക്കിടെ നിർത്താതെ പോയ ബൈക്ക് യാത്രികനെ ലാത്തിയെറിഞ്ഞ്​ വീഴ്​ത്തി പൊലീസ്​ ഹെൽമറ്റ്​ വേട്ട നടത്തിയത്​ വിവാദമായിരുന്നു. ലാത്തി ദേഹത്ത് കൊണ്ടതിനെതുടർന്ന് നിയന്ത്രണം വിട്ട ബൈക്ക് എതിർദിശയിൽ വന്ന ശബരിമല തീർഥാടകരുടെ കാറിൽ ഇടിച്ച് വീണ് യുവാവിന് ഗുരുതര പരിക്കേറ്റിരുന്നു. നിലമേൽ - മടത്തറ റോഡിൽ കടയ്ക്കൽ കാഞ്ഞിരത്തുംമൂട് ജങ്​ഷന് സമീപം വ്യാഴാഴ്ചയായിരുന്നു സംഭവം.