മോൻസൺ കേസിൽ ഡി.ജി.പി അനിൽ കാന്തിന്‍റെ മൊഴി രേഖപ്പെടുത്തി

തിരുവനന്തപുരം: മോ​ൻ​സ​ൺ മാ​വു​ങ്ക​ലിന്‍റെ പു​രാ​വ​സ്തു- സാ​മ്പ​ത്തി​ക ത​ട്ടി​പ്പ് കേ​സി​ൽ സംസ്ഥാന പൊലീസ് മേധാവി അനിൽ കാന്തിന്‍റെ മൊഴി രേഖപ്പെടുത്തി. അനിൽ കാന്ത് ഡി.ജി.പി ആയതിന് ശേഷം മോൻസൺ പൊലീസ് ആസ്ഥാനത്തെത്തി കൂടിക്കാഴ്ച നടത്തിയിരുന്നു. കൂടാതെ, ഡി.ജി.പിക്ക് ഉപഹാരം നൽകുകയും ചെയ്തു. ഇതിന്‍റെ ചിത്രങ്ങൾ പുറത്തു വന്നിരുന്നു.

മോൻസൺ സംശയാസ്പദമായ വ്യക്തിയാണെന്ന രഹസ്യാന്വേഷണ റിപ്പോർട്ട് ഉള്ളപ്പോഴാണ് പൊലീസ് ആസ്ഥാനത്ത് ഡി.ജി.പിയുമായി കൂടിക്കാഴ്ച നടന്നത്. ഈ സാഹചര്യത്തിലാണ് ഡി.ജി.പിയുടെ മൊഴി രേഖപ്പെടുത്തിയതത്.

പൊലീസ് മേധാവിയായ ശേഷം നിരവധി പേർ സന്ദർശിച്ചെന്നും പ്രവാസി സംഘടനയുടെ പ്രതിനിധിയായി കണ്ടുവെന്നുമാണ് അനിൽ കാന്ത് വിശദീകരിച്ചത്.

മോ​ൻ​സ​ൺ മാ​വു​ങ്ക​ലിന്‍റെ വീ​ടു​ക​ളി​ൽ പൊ​ലീ​സ് ബീ​റ്റ് ബോ​ക്സ് സ്ഥാ​പി​ച്ച സം​ഭ​വ​ത്തി​ൽ മു​ൻ പൊ​ലീ​സ് മേ​ധാ​വി ലോ​ക്നാ​ഥ് ബെ​ഹ്​​റ​യി​ൽ​ നി​ന്ന് ക്രൈം​ബ്രാ​ഞ്ച് മൊ​ഴി​യെ​ടു​ത്തിരുന്നു. മോ​ൻ​സ‍ണി​െൻറ വീ​ട് സ​ന്ദ​ർ​ശി​ച്ച സം​ഭ​വ​ത്തി​ലും വി​ശ​ദ​മാ​യ മൊ​ഴി രേ​ഖ​പ്പെ​ടു​ത്തി. സ​മൂ​ഹ മാ​ധ്യ​മ​ങ്ങ​ളി​ലൂ​ടെ ക​ണ്ട​റി​ഞ്ഞാ​ണ് മോ​ൻ​സ​ണി​ന്‍റെ ക​ലൂ​രി​ലെ പു​രാ​വ​സ്തു മ്യൂ​സി​യം സ​ന്ദ​ർ​ശി​ച്ച​തെ​ന്ന് ബെ​ഹ്റ മൊ​ഴി​ ന​ൽ​കി​യ​താ​യി അ​റി​യു​ന്നു.

മോ​ൻ​സ​ണി​നെ​തി​രാ​യ കേ​സു​ക​ളി​ൽ ഇ​ട​പെ​ട്ട​തി​ന് ഐ.​ജി ല​ക്ഷ്മ​ണ​നി​ൽ​ നി​ന്നും ക്രൈം​ബ്രാ​ഞ്ച് മൊ​ഴി​യെ​ടു​ത്തിരുന്നു. പ​ന്ത​ള​ത്ത് മോ​ൻ​സ​ണി​നെ​തി​രെ ര​ജി​സ്​​റ്റ​ർ ചെ​യ്ത സാ​മ്പ​ത്തി​ക ത​ട്ടി​പ്പ് കേ​സി​ൽ അ​ന്വേ​ഷ​ണം അ​ട്ടി​മ​റി​ക്കാ​ൻ ഐ.​ജി ശ്ര​മി​ച്ചു​വെ​ന്ന​ത​ട​ക്കം ഗു​രു​ത​ര ആ​രോ​പ​ണ​ങ്ങ​ളാ​ണ് ഇ​ദ്ദേ​ഹ​ത്തി​നെ​തി​രെ​യു​ള്ള​ത്.

സ​ന്ദ​ർ​ശ​നം സം​ബ​ന്ധി​ച്ച് എ.​ഡി.​ജി.​പി മ​നോ​ജ് എ​ബ്ര​ഹാ​മി​ൽ​ നി​ന്നും മൊ​ഴി രേ​ഖ​പ്പെ​ടു​ത്തി​യി​ട്ടുണ്ട്. സാ​മ്പ​ത്തി​ക ത​ട്ടി​പ്പ് കേ​സി​ൽ ഇന്ന് ക്രൈം​ബ്രാ​ഞ്ച് കോ​ട​തി​യെ അ​ന്വേ​ഷ​ണ പു​രോ​ഗ​തി അ​റി​യി​ക്കും. ഈ ​സാ​ഹ​ച​ര്യ​ത്തി​ൽ ​കൂ​ടി​യാ​ണ് ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രി​ൽ​ നി​ന്ന്​ മൊ​ഴി രേ​ഖ​പ്പെ​ടു​ത്തി​യ​ത്.