Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഓൺലൈൻ...

ഓൺലൈൻ തട്ടിപ്പുകാർക്കെതിരെ ജാഗ്രത പുലർത്തണം -ഡി.ജി.പി

text_fields
bookmark_border
ഓൺലൈൻ തട്ടിപ്പുകാർക്കെതിരെ ജാഗ്രത പുലർത്തണം -ഡി.ജി.പി
cancel

തിരുവനന്തപുരം: എ.ടി.എം കാർഡ് വിവരങ്ങളും ബാങ്ക് അക്കൗണ്ട് വിവരങ്ങളും ചോർത്തി പണം തട്ടുന്ന സംഘങ്ങൾക്കെതിരെ ജാഗ്രത പുലർത്തണമെന്ന് സംസ്ഥാന പൊലീസ്​ മേധാവി ലോക്നാഥ് ബെഹ്റ. സംസ്ഥാനത്ത് വിവിധ ഭാഗങ്ങളിൽ ഇത്തരം സംഘങ്ങളുടെ തട്ടിപ്പിനിരയാവുന്ന സംഭവങ്ങൾ ശ്രദ്ധയിൽപ്പെട്ടതിനെ തുടർന്നാണ് മുന്നറിയിപ്പ്.

ഇത്തരത്തിൽ ഒരു മുന്നറിയിപ്പ് നേര​േത്ത നൽകിയിരുന്നുവെങ്കിലും ഇപ്പോഴും പലരും ഈ തട്ടിപ്പിനിരയാവുന്നതായി കാണുന്നതായി വാർത്തക്കുറിപ്പിൽ അദ്ദേഹം അറിയിച്ചു. ആധാർ കാർഡ് ലിങ്ക് ചെയ്യാനും മറ്റു പല ബാങ്കിങ് സേവനങ്ങൾക്കുമെന്ന പേരിൽ എ.ടി.എം കാർഡ് വിവരങ്ങൾ, ഒറ്റത്തവണ പാസ്​വേഡ് (ഒ.ടി.പി) എന്നിവ ചോർത്തിയെടുത്ത് പണം തട്ടുകയാണ്.

ഓൺലൈനായി പണം കൈമാറുമ്പോൾ അക്കൗണ്ട് ഉടമയാണോ പണം കൈമാറുന്നതെന്ന് ഉറപ്പാക്കാനായി ബാങ്കുകൾ/ധനകാര്യ സ്ഥാപനങ്ങൾ ഒറ്റത്തവണ ഉപയോഗിക്കാവുന്ന രഹസ്യനമ്പർ (വൺ ടൈം പാസ്​വേഡ്​-ഒ.ടി.പി) ഉപഭോക്താവി​െൻറ രജിസ്​റ്റർ ചെയ്ത മൊബൈൽ ഫോണിലേക്ക് അയക്കാറുണ്ട്. ബാങ്കിൽ നിന്നാണെന്നും മറ്റും സൂചിപ്പിച്ച് അക്കൗണ്ട് വിവരങ്ങൾ ശരിയാക്കുന്നതിനാണെന്ന വ്യാജേന തട്ടിപ്പുകാർ ഉപഭോക്താവിനെ വിളിച്ച് ഈ ഒ.ടി.പി നമ്പർകൂടി മനസ്സിലാക്കുന്നതോടെ അക്കൗണ്ടിൽനിന്ന്​ പണം ചോർത്തുന്നു.

ഏതു സാഹചര്യത്തിലും ഇത്തരം നമ്പറുകളും പാസ്​വേഡുകളും ബാങ്കിൽനിന്നാണെന്നു പറഞ്ഞാൽപോലും പങ്കു​െവക്കരുതെന്നും സംസ്ഥാന പൊലീസ്​ മേധാവി അഭ്യർഥിച്ചു. 

Show Full Article
TAGS:online theft dgp people kerala news malayalam news 
News Summary - DGP Alert to People Online Theft -Kerala News
Next Story