അഹിന്ദുവി​നെ ദേവസ്വം കമീഷണറായി നിയമിക്കാനാവില്ലെന്ന്​ സർക്കാർ; ഹരജികൾ തീർപ്പാക്കി

കൊച്ചി: തിരുവിതാംകൂര്‍-കൊച്ചി ദേവസ്വം ബോർഡ്​ ഉദ്യോഗസ്​ഥരും ജീവനക്കാരും ഹിന്ദുക്കളായിരിക്കണമെന്ന്​​ നിയമമുള്ളതിനാൽ ദേവസ്വം കമീഷണർമാരായി നിയമിക്കപ്പെടുന്നത്​ ഹിന്ദുക്കൾ തന്നെയായിരിക്കുമെന്ന്​ ഹൈകോടതി.

കമീഷണര്‍മാരായി അഹിന്ദുക്കളെ നിയമിക്കാനും ക്ഷേത്രങ്ങളുടെ ഭരണം അഹിന്ദുക്കളുടെ കൈകളിലെത്തിക്കാനുമാണ്​ സർക്കാർ തിരുവിതാംകൂര്‍ കൊച്ചി ഹിന്ദുമത സ്ഥാപന നിയമത്തില്‍ ഭേദഗതി കൊണ്ടുവന്നതെന്ന വാദം തെറ്റാണെന്നും അഹിന്ദുക്കളെ ആ തസ്​തികകളിൽ നിയമിക്കാൻ ഉദ്ദേശ്യമില്ലെന്നും നിയമപ്രകാരം സാധ്യമല്ലെന്നുമുള്ള സർക്കാർവാദം രേഖപ്പെടുത്തിയാണ്​ ഡിവിഷൻ ബെഞ്ച്​ ഉത്തരവ്​. ദേവസ്വം കമീഷണര്‍മാരായി അഹിന്ദുക്കളെ നിയമിക്കാന്‍ നിയമത്തില്‍ ഭേദഗതി വരുത്തിയെന്നാരോപിച്ച് ബി.ജെ.പി സംസ്ഥാന പ്രസിഡൻറ്​ പി.എസ്. ശ്രീധരന്‍ പിള്ളയടക്കം നല്‍കിയ ഹരജികൾ തീര്‍പ്പാക്കിയാണ് ദേവസ്വം വിഷയങ്ങൾ പരിഗണിക്കുന്ന ബെഞ്ചി​​​െൻറ നിരീക്ഷണം.

തിരുവിതാംകൂര്‍^കൊച്ചി ഹിന്ദുമത സ്ഥാപന നിയമത്തിലെ 29ാം വകുപ്പനുസരിച്ച് ദേവസ്വം ബോര്‍ഡുകളില്‍ ഹിന്ദുക്കളായ ഉദ്യോഗസ്ഥരെ മാത്രമേ നിയമിക്കാനാവൂവെന്ന്​ റവന്യൂ (ദേവസ്വം) വകുപ്പ് പ്രിന്‍സിപ്പല്‍ സെക്രട്ടറി കെ.ആര്‍. ജ്യോതിലാല്‍ കോടതിയെ അറിയിച്ചു. ഈ വകുപ്പ് ഭേദഗതി ചെയ്തിട്ടില്ല. ദേവസ്വം കമീഷണർമാരെ നേരിട്ട്​ തെരഞ്ഞെടുക്കുന്ന രീതിയാണ്​ ഭേദഗതി വരുത്തിയത്​. ദേവസ്വം ബോര്‍ഡില്‍ നിലവിലുള്ള യോഗ്യരായ ഡെപ്യൂട്ടി കമീഷണർമാരില്‍ ഒരാളെയോ ഡെപ്യൂ​േട്ടഷനിൽ ഒരു ഉദ്യോഗസ്​ഥനെയോ നിയമിക്കാനാവുന്ന രീതിയിലാണ്​ ഭേദഗതി വരുത്തിയത്​.

തിരുവിതാംകൂര്‍ ദേവസ്വം ബോർഡിൽ അഡീഷനല്‍ സെക്രട്ടറിയുടെ റാങ്കില്‍ കുറയാത്ത ഉദ്യോഗസ്ഥനെയും കൊച്ചിന്‍ ദേവസ്വം ബോര്‍ഡില്‍ ജോയൻറ്​ സെക്രട്ടറിയുടെ റാങ്കില്‍ കുറയാത്ത ഉദ്യോഗസ്ഥനെയുമാണ്​ ഡെപ്യൂ​േട്ടഷനിൽ കമീഷണറായി നിയമിക്കാനാവുക​. ഇൗ ഭേദഗതികൾ അഹിന്ദുക്കളെ ദേവസ്വം കമീഷണറാക്കാന്‍ ലക്ഷ്യമിട്ടുള്ളത​െല്ലന്നും സത്യവാങ്​മൂലത്തിൽ വിമർശിച്ചു.