ദേവികയുടെ മരണം ക്രൈംബ്രാഞ്ച്​ പ്രത്യേക സംഘം അന്വേഷിക്കും

വളാഞ്ചേരി:  പത്താംക്ലാസ്​ വിദ്യാർഥിനിയായ ദേവിക​െയ പൊള്ളലേറ്റ്​ മരിച്ച നിലയിൽ കണ്ടെത്തിയ സംഭവം ​ൈക്രം ബ്രാഞ്ച്​ അന്വേഷിക്കും. സംസ്ഥാന പൊലീസ്​ മേധാവി ലോക്​നാഥ്​ ബെഹ്​റ അറിയിച്ചതാണിത്​. മലപ്പുറം ക്രൈംബ്രാഞ്ച്​ എസ്​.പി കെ.വി സന്തോഷാണ്​ അന്വേഷണത്തിന്​ നേതൃത്വം നൽകുക.

ഓണ്‍ലൈന്‍ ക്ലാസുകളില്‍ പങ്കെടുക്കാന്‍ സാധിക്കാത്തതില്‍ മനംനൊന്താണ് ദേവിക ആത്മഹത്യ ചെയ്തതെന്നാണ്​ ബന്ധുക്കൾ അറിയിച്ചിരുന്നത്​. നോട്ട്ബുക്കില്‍ 'ഞാന്‍ പോകുന്നു'എന്നെഴുതിയ ദേവികയുടെ ആത്മഹത്യകുറിപ്പ്​ കണ്ടെത്തി.

ജൂൺ ഒന്നിന്​ വൈകീട്ടാണ് വീടിന് സമീപം കത്തിക്കരിഞ്ഞ നിലയില്‍ ദേവികയുടെ മൃതദേഹം കണ്ടെത്തിയത്. കൂലിപ്പണിക്കാരനായ പിതാവ് ബാലകൃഷ്ണന് രോഗത്തെ തുടര്‍ന്ന് പണിക്കുപോകാന്‍ കഴിഞ്ഞിരുന്നില്ല. പഠനത്തിൽ മിടുക്കിയായ ദേവികക്ക് ക്ലാസുകളിൽ പങ്കെടുക്കാൻ കഴിയാത്തത് ആശങ്കയുണ്ടാക്കിയിരുന്നു.