ശ​ബ​രി​മ​ല ന​ട​യ​ട​ച്ച്​ ശു​ദ്ധി​ക്രി​യ; തന്ത്രിയോട്​ വിശദീകരണം തേടി

തി​രു​വ​ന​ന്ത​പു​രം: യു​വ​തി പ്ര​വേ​ശ​ന​ത്തെ തു​ട​ർ​ന്ന്​ ശ​ബ​രി​മ​ല ന​ട​യ​ട​ച്ച്​ ശു​ദ്ധി​ക്രി​യ ന​ട​ത് തി​യ ത​ന്ത്രി​യോ​ട്​ തി​രു​വി​താം​കൂ​ർ ദേ​വ​സ്വം ബോ​ർ​ഡ്​ വി​ശ​ദീ​ക​ര​ണം തേ​ടി. ബോ​ർ​ഡ്​ യോ​ഗം വി​ഷ​യം ച​ർ​ച്ച ചെ​യ്​​ത ശേ​ഷ​മാ​ണ്​ ത​ന്ത്രി ക​ണ്​​ഠ​ര​ര്​ രാ​ജീ​വ​രോ​ട് വി​ശ​ദീ​ക​ര​ണം തേ​ടി​യ​ത്. 15 ദി​വ​സ​ത്തി​ ന​കം മ​റു​പ​ടി ന​ൽ​ക​ണം. ദേ​വ​സ്വം ക​മീ​ഷ​ണ​ർ എ​ൻ. വാ​സു​വി​​​െൻറ റി​പ്പോ​ർ​ട്ടി​​​െൻറ കൂ​ടി അ​ടി​സ്ഥാ​ന​ത്തി​ലാ​ണ്​ ന​ട​പ​ടി.

ത​ന്ത്രി​യു​ടെ ന​ട​പ​ടി ബോ​ർ​ഡി​നെ​യും സു​പ്രീം​കോ​ട​തി​െ​യ​യും വെ​ല്ലു​വി​ളി​ക്കു​ന്ന​താ​ണെ​ന്ന്​ യോ​ഗം വി​ല​യി​രു​ത്തി. ദേ​വ​സ്വം നി​യ​മ​പ്ര​കാ​രം ത​ന്ത്രി​ക്കെ​തി​രെ ന​ട​പ​ടി​യെ​ടു​ക്കാം. ബോ​ർ​ഡി​ന്​ കീ​ഴി​ലെ ക്ഷേ​ത്ര​ത്തി​ൽ താ​ന്ത്രി​ക ജോ​ലി ചെ​യ്യു​ന്ന​വ​ർ ശാ​ന്തി​മാ​രെ പോ​ലെ ത​ന്നെ​യാ​ണെ​ന്ന്​ യോ​ഗം വി​ല​യി​രു​ത്തി. ഇ​വ​ർ ബോ​ർ​ഡി​​​െൻറ ച​ട്ട​ങ്ങ​ൾ​ക്കും അ​ച്ച​ട​ക്ക​ത്തി​നും​ വി​ധേ​യ​രാ​യി​രി​ക്കും. ക്ഷേ​ത്ര​ത്തി​​​െൻറ ഭ​ര​ണ​പ​ര​മാ​യ കാ​ര്യ​ങ്ങ​ളി​ൽ ഇ​ട​പെ​ടാ​ൻ സാ​ധി​ക്കി​ല്ല. ഇ​തെ​ല്ലാം ത​ന്ത്രി ലം​ഘി​െ​ച്ച​ന്നാ​ണ്​ ബോ​ർ​ഡ്​ വി​ല​യി​രു​ത്ത​ൽ. അ​തി​നാ​ൽ, ജോ​ലി​യി​ൽ​നി​ന്ന​്​ പി​രി​ച്ചു​വി​ടു​ന്ന​തു​ൾ​പ്പെ​ടെ ന​ട​പ​ടി​ക്ക്​ ബോ​ർ​ഡി​ന്​ അ​ധി​കാ​ര​മു​ണ്ടെ​ന്നു​മു​ള്ള നി​യ​മ​വി​ദ​ഗ്​​ധ​രു​ടെ ഉ​പ​ദേ​ശ​ത്തി​​​െൻറ അ​ടി​സ്ഥാ​ന​ത്തി​ലാ​ണ്​ കാ​ര​ണം​കാ​ണി​ക്ക​ൽ നോ​ട്ടീ​സ്.

ഇൗ​മാ​സം ര​ണ്ടി​ന്​ പു​ല​ർ​ച്ച​ ബി​ന്ദു, ക​ന​ക​ദു​ർ​ഗ എ​ന്നി​വ​ർ ദ​ർ​ശ​നം ന​ട​ത്തി​യ​തി​നെ​തു​ട​ർ​ന്നാ​ണ്​ ന​ട അ​ട​ച്ച്​ ശു​ദ്ധി​ക്രി​യ ന​ട​ത്താ​ൻ ത​ന്ത്രി മേ​ൽ​ശാ​ന്തി​ക്ക്​ നി​ർ​ദേ​ശം ന​ൽ​കി​യ​ത്. ത​ന്ത്രി​യും മേ​ൽ​ശാ​ന്തി​യു​മാ​ണ് തീ​രു​മാ​നം എ​ടു​ത്ത​തെ​ന്നും ബോ​ര്‍ഡി‍​​െൻറ അ​നു​മ​തി വാ​ങ്ങി​യി​ട്ടി​ല്ലെ​ന്നും ദേ​വ​സ്വം ബോ​ര്‍ഡ് അ​ന്നു​ത​ന്നെ വ്യ​ക്ത​മാ​ക്കി​യി​രു​ന്നു. ത​ന്ത്രി​യു​ടെ മ​റു​പ​ടി കേ​ട്ട​ശേ​ഷം തു​ട​ർ​ന​ട​പ​ടി​യെ​ടു​ക്കു​മെ​ന്ന്​ ദേ​വ​സ്വം ബോ​ർ​ഡ്​ പ്ര​സി​ഡ​ൻ​റ്​ എ. ​പ​ത്മ​കു​മാ​ർ വ്യ​ക്ത​മാ​ക്കി​യി​ട്ടു​ണ്ട്.