‘ജാതിയുടെ പേരിൽ കഴകക്കാരനെ മാറ്റിയത് കേരളത്തിന്​ അപമാനം​’; കാ​ല​ഘ​ട്ട​ത്തി​ന് യോ​ജി​ച്ച സ​മീ​പ​ന​മ​ല്ലെന്ന് ദേവസ്വം മന്ത്രി

തി​രു​വ​ന​ന്ത​പു​രം: കൂ​ട​ൽ​മാ​ണി​ക്യം ക്ഷേ​ത്ര​ത്തി​ലെ ക​ഴ​ക​ക്കാ​ര​നെ ത​ന്ത്രി​മാ​രു​ടെ പ​രാ​തി​യെ തു​ട​ർ​ന്ന്, മ​റ്റ് ജോ​ലി​ക്ക് നി​യോ​ഗി​ച്ച സം​ഭ​വം സാം​സ്കാ​രി​ക കേ​ര​ള​ത്തി​ന് അ​പ​മാ​ന​ക​ര​മാ​ണെ​ന്ന്​ ദേ​വ​സ്വം​മ​ന്ത്രി വി.​എ​ൻ. വാ​സ​വ​ൻ. ദേ​വ​സ്വം നി​യ​മ​ങ്ങ​ള​നു​സ​രി​ച്ച് സ​ര്‍ക്കാ​ര്‍ നി​യ​മി​ച്ച ക​ഴ​ക​ക്കാ​ര​ന്‍ ആ ​ത​സ്തി​ക​യി​ല്‍ ക്ഷേ​ത്ര​ത്തി​ല്‍ത​ന്നെ ജോ​ലി ചെ​യ്യ​ണ​മെ​ന്നു​ള്ള​താ​ണ് സ​ര്‍ക്കാ​ര്‍ നി​ല​പാ​ടെ​ന്നും അ​ദ്ദേ​ഹം നി​യ​മ​സ​ഭ​യി​ൽ പ​റ​ഞ്ഞു.

ഉ​പ​ധ​നാ​ഭ്യ​ർ​ഥ​ന​ക്ക്​ മ​റു​പ​ടി പ​റ​യ​വെ​യാ​ണ്​ വി​ഷ​യ​ത്തി​ലെ സ​ർ​ക്കാ​ർ നി​ല​പാ​ട്​ മ​ന്ത്രി വ്യ​ക്ത​മാ​ക്കി​യ​ത്. ത​ന്ത്രി​മാ​രു​ടെ വി​യോ​ജി​പ്പി​നെ തു​ട​ര്‍ന്ന്, ഈ​ഴ​വ സ​മു​ദാ​യ​ത്തി​ൽ​പെ​ട്ട ക​ഴ​ക​ക്കാ​ര​നെ ക്ഷേ​ത്ര​ത്തി​ല്‍നി​ന്ന് ഒ​ഴി​വാ​ക്കി​യ​ത് അം​ഗീ​ക​രി​ക്കാ​ന്‍ സാ​ധി​ക്കു​ന്ന​ത​ല്ല. ആ​ക്ടും റെ​ഗു​ലേ​ഷ​ൻ​സും അ​നു​സ​രി​ച്ച് ഇ​വി​ടെ ര​ണ്ടു​പേ​രെ നി​യ​മി​ക്കാം. ഒ​ന്ന് ത​ന്ത്രി​ക്ക് നേ​രി​ട്ട് നി​യ​മി​ക്കാ​വു​ന്ന ത​സ്തി​ക. ര​ണ്ടാ​മ​ത്തെ​യാ​ളെ ദേ​വ​സ്വം റി​ക്രൂ​ട്ട്മെൻറ് ബോ​ർ​ഡ് പ്ര​കാ​ര​വും. ഇ​ത്ത​ര​ത്തി​ൽ ദേ​വ​സ്വം റി​ക്രൂ​ട്ട്​​മെ​ന്‍റ്​ വ​ഴി നി​യ​മി​ക്ക​പ്പെ​ട്ട​യാ​ളാ​ണ്​ ബാ​ലു. എ​ന്നാ​ൽ, ഇ​ത്ത​രം ഒ​രാ​ളെ ജോ​ലി​ക്ക് നി​യോ​ഗി​ച്ചാ​ൽ ത​ങ്ങ​ൾ ജോ​ലി ചെ​യ്യി​ല്ലെ​ന്നാ​യി​രു​ന്നു ത​ന്ത്രി​മാ​രു​ടെ നി​ല​പാ​ട്. ഇ​തേ​ത്തു​ട​ർ​ന്ന് ബാ​ലു​വി​നെ ഓ​ഫി​സ് ജോ​ലി​യി​ലേ​ക്ക് മാ​റ്റു​ക​യാ​യി​രു​ന്നു. ജാ​തി പ​റ​ഞ്ഞ് ഒ​രാ​ളു​ടെ ജോ​ലി നി​ഷേ​ധി​ക്കു​ന്ന​ത് സാം​സ്കാ​രി​ക കേ​ര​ള​ത്തി​ന് അ​പ​മാ​ന​ക​ര​മാ​ണ്. പു​രോ​ഗ​മ​ന​പ​ര​മാ​യ നി​ല​പാ​ടാ​ണ് കേ​ര​ള​സ​മൂ​ഹം സ്വീ​ക​രി​ക്കേ​ണ്ട​തെ​ന്നും മ​ന്ത്രി പ​റ​ഞ്ഞു.

കഴകക്കാരനെ മാറ്റിയത്‌ അംഗീകരിക്കാനാവില്ലെന്ന്‌ മന്ത്രി

തി​രു​വ​ന​ന്ത​പു​രം: കൂ​ട​ൽ മാ​ണി​ക്യം ദേ​വ​സ്വ​ത്തി​ൽ പി​ന്നാ​ക്ക​ക്കാ​ര​നെ ക​ഴ​കം ചു​മ​ത​ല​യി​ൽ​നി​ന്ന് മാ​റ്റി​യ​ത് അം​ഗീ​ക​രി​ക്കാ​നാ​കി​ല്ലെ​ന്ന് മ​ന്ത്രി ഒ.​ആ​ർ. കേ​ളു പ​റ​ഞ്ഞു. ദേ​വ​സ്വം റി​ക്രൂ​ട്ട്മെ​ന്റ് ബോ​ർ​ഡ് വ​ഴി നി​യ​മാ​നു​സൃ​ത രീ​തി​ക​ളി​ലൂ​ടെ തെ​ര​ഞ്ഞെ​ടു​ത്ത നി​യ​മ​ന​മാ​ണി​ത്. ത​ന്ത്രി​മാ​രെ​ടു​ത്ത നി​ല​പാ​ട് മ​തേ​ത​ര കേ​ര​ള​ത്തി​ന്റെ പു​രോ​ഗ​മ​ന നി​ല​പാ​ടു​ക​ൾ​ക്കെ​തി​രാ​ണ്.

മ​നു​വാ​ദി​ക​ൾ​ക്ക് പ്രോ​ത്സാ​ഹ​ന​മേ​കു​ന്ന ഇ​ത്ത​രം നി​ല​പാ​ടു​ക​ൾ കേ​ര​ള​ത്തി​ന്റെ സാം​സ്‌​കാ​രി​ക ബോ​ധ​ത്തി​ന്‌ എ​തി​രാ​ണ്. ജാ​തി​യു​ടെ അ​ടി​സ്ഥാ​ന​ത്തി​ൽ ഒ​രാ​ളെ തൊ​ഴി​ലി​ൽ​നി​ന്ന് മാ​റ്റി​നി​ർ​ത്തു​ന്ന​ത് ഏ​ത് അ​വ​സ്ഥ​യി​ലും തെ​റ്റാ​ണെ​ന്നും മ​ന്ത്രി വ്യ​ക്ത​മാ​ക്കി.