കാടാമ്പുഴ ദേവസ്വം ആശുപത്രിയുടെ ഉദ്ഘാടനത്തിന്​ ചെലവഴിച്ച തുകയുടെ വിശദാംശം തേടി ഹൈകോടതി

കൊ​ച്ചി: കാ​ടാ​മ്പു​ഴ ഭ​ഗ​വ​തി ദേ​വ​സ്വ​ത്തി​ന്​ കീ​ഴി​ലെ ആ​ശു​പ​ത്രി​യു​ടെ ഉ​ദ്ഘാ​ട​ന​ത്തി​ന്​ ചെ​ല​വ​ഴി​ച്ച തു​ക​യു​ടെ വി​ശ​ദാം​ശ​ങ്ങ​ൾ തേ​ടി ഹൈ​കോ​ട​തി. ഇ​തു​മാ​യി ബ​ന്ധ​പ്പെ​ട്ട എ​ല്ലാ വി​വ​ര​ങ്ങ​ളും പ്ര​വ​ർ​ത്ത​ന​ങ്ങ​ളും അ​റി​യി​ക്കാ​ൻ ദേ​വ​സ്വം എ​ക്‌​സി​ക്യു​ട്ടി​വ് ഓ​ഫി​സ​ർ​ക്ക്​​ ജ​സ്റ്റി​സ് അ​നി​ൽ. കെ ​ന​രേ​ന്ദ്ര​ൻ, ജ​സ്റ്റി​സ് പി.​ജി. അ​ജി​ത് കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ​ബെ​ഞ്ച്​ നി​ർ​ദേ​ശം ന​ൽ​കി.

ആ​ശു​പ​ത്രി ഉ​ദ്ഘാ​ട​ന സ​പ്ലി​മെ​ന്‍റി​ലേ​ക്ക് മ​ല​ബാ​ർ ദേ​വ​സ്വ​ത്തി​ന്​ കീ​ഴി​ലെ ക്ഷേ​ത്ര​ങ്ങ​ൾ 15,000 രൂ​പ വീ​തം പ​ര​സ്യ​ത്തി​ന്​ ന​ൽ​ക​ണ​മെ​ന്ന ദേ​വ​സ്വം ക​മീ​ഷ​ണ​റു​ടെ ഉ​ത്ത​ര​വി​നെ​തി​രെ മ​ഞ്ചേ​രി സ്വ​ദേ​ശി പി.​വി. മു​ര​ളീ​ധ​ര​ൻ ന​ൽ​കി​യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

ക​ഴി​ഞ്ഞ ത​വ​ണ ഹ​ര​ജി പ​രി​ഗ​ണി​ച്ച ഡി​വി​ഷ​ൻ ബെ​ഞ്ച്, ഉ​ത്ത​ര​വ്​ ന​ട​പ്പാ​ക്കു​ന്ന​ത് സ്റ്റേ ​ചെ​യ്തി​രു​ന്നു. ഈ ​സ്റ്റേ ര​ണ്ടു മാ​സ​ത്തേ​ക്ക് കൂ​ടി നീ​ട്ടി. മ​റു​പ​ടി സ​ത്യ​വാ​ങ്മൂ​ലം ന​ൽ​കാ​ൻ എ​ക്‌​സി​ക്യൂ​ട്ടി​വ് ഓ​ഫി​സ​ർ സ​മ​യം തേ​ടി​യ​തി​നെ​ത്തു​ട​ർ​ന്ന് ഹ​ര​ജി മൂ​ന്നാ​ഴ്‌​ച​ക്ക്​ ശേ​ഷം പ​രി​ഗ​ണി​ക്കാ​ൻ മാ​റ്റി.