പള്ളിപരിപാലനത്തെ വഖഫ് തട്ടിപ്പായി ചിത്രീകരിക്കുന്നത് ദുരുദ്ദേശ്യപരം -ജമാഅത്തെ ഇസ്‌ലാമി

എ​സ്.​എ​ൻ പു​രം (തൃ​ശൂ​ർ): പ​ള്ളി​പ​രി​പാ​ല​ന​ത്തി​ന് സു​ര​ക്ഷി​ത സം​വി​ധാ​ന​മൊ​രു​ക്കി​യ പ​രി​പാ​ല​ന ക​മ്മി​റ്റി​ക്കെ​തി​രെ വ​ഖ​ഫ് ത​ട്ടി​പ്പ് ആ​രോ​പ​ണ​മു​ന്ന​യി​ക്കു​ന്ന​ത് ദു​രു​ദ്ദേ​ശ്യ​പ​ര​മാ​ണെ​ന്ന് ജ​മാ​അ​ത്തെ ഇ​സ്‍ലാ​മി എ​സ്.​എ​ൻ പു​രം ഏ​രി​യ സെ​ക്ര​ട്ട​റി എ​ൻ.​എ. ഉ​മ​ർ പ​റ​ഞ്ഞു.

ആ​രം​ഭ​കാ​ലം മു​ത​ൽ ത​ന്നെ ജ​മാ​അ​ത്തെ ഇ​സ്‍ലാ​മി​യു​ടെ കീ​ഴി​ൽ പ​രി​പാ​ലി​ക്ക​പ്പെ​ടു​ന്ന പ​ള്ളി​യാ​ണ് വെ​ളു​ത്ത​ക​ട​വ് ദാ​റു​സ്സ​ലാം മ​സ്ജി​ദ്. 1998ൽ ​മ​സ്ജി​ദി​ന്റെ മു​ഴു​വ​ൻ വ​സ്തു​വ​ക​ക​ളും പ​ള്ളി​യു​ടെ സു​ഗ​മ​മാ​യ ന​ട​ത്തി​പ്പി​നാ​യി ജ​മാ​അ​ത്തെ ഇ​സ്‍ലാ​മി പ്ര​വ​ർ​ത്ത​ക​ർ നേ​തൃ​ത്വം ന​ൽ​കു​ന്ന, കൊ​ടു​ങ്ങ​ല്ലൂ​ർ കേ​ന്ദ്ര​മാ​യ എം.​ഐ.​ടി ട്ര​സ്റ്റി​ന് ര​ജി​സ്റ്റ​ർ ചെ​യ്ത ക​രാ​ർ പ്ര​കാ​രം ന​ൽ​കി​യി​ട്ടു​ള്ള​താ​ണ്.

30 വ​ർ​ഷം പ​ള്ളി​യു​ടെ പ​രി​പാ​ല​നം നി​ർ​വ​ഹി​ച്ച​ത് എം.​ഐ.​ടി ട്ര​സ്റ്റി​ന് കീ​ഴി​ലെ പ​രി​പാ​ല​ന ക​മ്മി​റ്റി​യാ​ണ് എ​ന്നി​രി​ക്കെ, ഹൈ​വേ സ്ഥ​ല​മെ​ടു​പ്പി​ന്റെ ഭാ​ഗ​മാ​യി പ​ള്ളി​യി​ലേ​ക്ക് വ​ലി​യൊ​രു തു​ക ന​ഷ്ട​പ​രി​ഹാ​ര​മാ​യി ല​ഭി​ച്ച​പ്പോ​ൾ മാ​ത്രം പ്ര​ദേ​ശ​വാ​സി​ക​ളി​ൽ ചി​ല​ർ പ​ള്ളി​പ​രി​പാ​ല​ന​ത്തി​ൽ അ​വ​കാ​ശ​വാ​ദ​മു​ന്ന​യി​ച്ച് രം​ഗ​ത്തു വ​രു​ന്ന​തും സാ​മ്പ​ത്തി​ക ത​ട്ടി​പ്പ് ആ​രോ​പി​ക്കു​ന്ന​തും തി​ക​ച്ചും ദു​രു​ദ്ദേ​ശ്യ​പ​ര​മാ​ണ്.

വ​സ്തു​ത​ക​ൾ മ​ന​സ്സി​ലാ​ക്കാ​തെ​യു​ള്ള സി.​പി.​എം ജി​ല്ല സെ​ക്ര​ട്ട​റി​യു​ടെ പ്ര​സ്താ​വ​ന ജ​മാ​അ​ത്തെ ഇ​സ് ലാ​മി​യെ​യും അ​തി​ന്റെ പ്ര​വ​ർ​ത്ത​ന​ങ്ങ​ളെ​യും സ​മൂ​ഹ​മ​ധ്യ​ത്തി​ൽ അ​വ​ഹേ​ളി​ക്കാ​നു​ള്ള ആ​സൂ​ത്രി​ത ശ്ര​മ​ത്തി​​ന്റെ ഭാ​ഗ​മാ​ണെന്നും എ​ൻ.​എ. ഉ​മ​ർ പറഞ്ഞു.