മൂന്നാറിൽ കൂറുമാറ്റം തുടരുന്നു; പഞ്ചായത്ത്​ പ്രസിഡന്‍റ്​ രാജിവെച്ചു

മൂ​ന്നാ​ർ: മൂ​ന്നാ​ർ ഗ്രാ​മ​പ​ഞ്ചാ​യ​ത്തി​ൽ അം​ഗ​ങ്ങ​ളു​ടെ മു​ന്ന​ണി മാ​റ്റം തു​ട​രു​ന്ന​തി​നി​ടെ പ്ര​സി​ഡ​ന്‍റ്​ രാ​ജി​വെ​ച്ചു. സി.​പി.​ഐ​യി​ലെ പ്ര​വീ​ണ ര​വി​കു​മാ​റാ​ണ്​ രാ​ജി​വെ​ച്ച​ത്.മൂ​ന്നാം​വാ​ർ​ഡാ​യ ല​ക്ക​ത്തു​നി​ന്ന്​ കോ​ൺ​ഗ്ര​സ്‌ ടി​ക്ക​റ്റി​ൽ വി​ജ​യി​ച്ച ദീ​പ രാ​ജ്കു​മാ​ർ സി.​പി.​ഐ​യി​ൽ ചേ​ർ​ന്നി​രു​ന്നു. ഇ​തി​ന്റെ തു​ട​ർ​ച്ച​യാ​യാ​ണ് പ്ര​വീ​ണ​യു​ടെ രാ​ജി.

യു.​ഡി.​എ​ഫ് പാ​ന​ലി​ൽ വി​ജ​യി​ച്ച പ്ര​വീ​ണ ര​വി​കു​മാ​ർ 2022 ജ​നു​വ​രി​യി​ലാ​ണ് പാ​ർ​ട്ടി​യി​ൽ​നി​ന്ന് രാ​ജി​വെ​ച്ച് സി.​പി.​ഐ​യി​ൽ ചേ​ർ​ന്ന​ത്. മ​റ്റൊ​രു കോ​ൺ​ഗ്ര​സ്‌ അം​ഗം എം. ​രാ​ജേ​ന്ദ്ര​നും അ​ന്ന് രാ​ജി​വെ​ച്ച് സി.​പി.​എ​മ്മി​ൽ ചേ​ർ​ന്നി​രു​ന്നു. ഇ​തോ​ടെ യു.​ഡി.​എ​ഫി​ന് ഭ​ര​ണം ന​ഷ്ട​മാ​വു​ക​യും പ്ര​വീ​ണ​യെ പ്ര​സി​ഡ​ന്റും രാ​ജേ​ന്ദ്ര​നെ വൈ​സ്​ പ്ര​സി​ഡ​ന്‍റു​മാ​ക്കി എ​ൽ.​ഡി.​എ​ഫ് ഭ​ര​ണം പി​ടി​ക്കു​ക​യും ചെ​യ്തു.

ഇ​തി​നി​ടെ മൂ​ന്നു​മാ​സം മു​മ്പ്​ സി.​പി.​എം അം​ഗം ബാ​ല​ച​ന്ദ്ര​ൻ കോ​ൺ​ഗ്ര​സി​ലേ​ക്ക് കാ​ലു​മാ​റി​യി​രു​ന്നു. തു​ട​ർ​ന്ന് പ്ര​വീ​ണ​ക്കെ​തി​രെ യു.​ഡി.​എ​ഫ് അ​വി​ശ്വാ​സം കൊ​ണ്ടു​വ​ന്നെ​ങ്കി​ലും പ​ഞ്ചാ​യ​ത്ത്‌ ഭ​ര​ണ​സ​മി​തി​യി​ൽ​നി​ന്ന്​ രാ​ജി വെ​ച്ച​താ​യി ബാ​ല​ച​ന്ദ്ര​ന്റെ പേ​രി​ൽ വ്യാ​ജ​ക്ക​ത്ത് സെ​ക്ര​ട്ട​റി​ക്ക്‌ ല​ഭി​ച്ച​തോ​ടെ അ​വി​ശ്വാ​സ പ്ര​മേ​യ ച​ർ​ച്ച ന​ട​ന്നി​ല്ല.

തു​ട​ർ​ന്ന് ബാ​ല​ച​ന്ദ്ര​ൻ തെ​ര​ഞ്ഞെ​ടു​പ്പ് ക​മീ​ഷ​ന് പ​രാ​തി ന​ൽ​കി​യ​തി​നെ തു​ട​ർ​ന്ന് അം​ഗ​ത്വം തി​രി​ച്ചു​കി​ട്ടി. ഇ​തോ​ടെ 11 സീ​റ്റു​മാ​യി യു.​ഡി.​എ​ഫി​ന് വീ​ണ്ടും ഭൂ​രി​പ​ക്ഷ​മാ​യി. എ​ൽ.​ഡി.​എ​ഫ് 10 സീ​റ്റി​ലേ​ക്ക് ചു​രു​ങ്ങി. ഇ​തി​ന്റെ അ​ടി​സ്ഥാ​ന​ത്തി​ൽ യു.​ഡി.​എ​ഫ് വീ​ണ്ടും അ​വി​ശ്വാ​സ​പ്ര​മേ​യം കൊ​ണ്ടു​വ​രാ​ൻ ത​യാ​റെ​ടു​ക്കു​ന്ന​തി​നി​ടെ​യാ​ണ് ദീ​പ രാ​ജ്‌​കു​മാ​ർ സി.​പി.​ഐ​യി​ലേ​ക്ക് മാ​റി​യ​ത്.

ഭ​ര​ണം​നി​ല​നി​ർ​ത്താ​ൻ പ്ര​സി​ഡ​ന്റ് സ്ഥാ​നം വാ​ഗ്ദാ​നം ചെ​യ്താ​ണ് സി.​പി.​ഐ ഇ​വ​രെ ചാ​ക്കി​ലാ​ക്കി​യ​തെ​ന്ന്​ പ​റ​യു​ന്നു. തു​ട​ർ​ന്നാ​ണ് നി​ല​വി​ലെ പ്ര​സി​ഡ​ന്റ് പ്ര​വീ​ണ സെ​ക്ര​ട്ട​റി മു​മ്പാ​കെ പ്ര​സി​ഡ​ന്റ് സ്ഥാ​നം രാ​ജി​വെ​ച്ച് ക​ത്ത് ന​ൽ​കി​യ​ത്.ആ​രോ​ഗ്യ കാ​ര​ണ​ങ്ങ​ളാ​ൽ രാ​ജി വെ​ക്കു​ന്നു എ​ന്നാ​ണ് ക​ത്തി​ൽ പ​റ​ഞ്ഞ​ത്.