വിദ്യാഭ്യാസ സ്​ഥാപനങ്ങൾക്ക് 22ന്​ അവധി

തിരുവനന്തപുരം: സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങൾക്കും ഏപ്രിൽ 22ന് അവധി പ്രഖ്യാപിച്ച് സർക്കാർ ഉത്തരവായി. 23ന് നടക്കുന്ന പൊതുതെരഞ്ഞെടുപ്പുമായി ബന്ധപ്പെട്ടാണ് അവധി.

വിദ്യാർഥികൾക്ക്​ വോ​ട്ട്​ രേഖപ്പെടുത്താൻ അവസരമൊരുക്കാൻ 22ന്​ അവധി പ്രഖ്യാപിക്കണമെന്ന്​ മുഖ്യ തെരഞ്ഞെടുപ്പ്​ ഒാഫിസർ ടികാറാം മീണ സർക്കാറിന്​ കത്ത്​ നൽകിയിരുന്നു. അത്​ അംഗീകരിച്ചാണ്​ സർക്കാർ ഉത്തരവ്​.