കണ്ടക്ടർമാരെ പെട്രോൾ പമ്പ്​ ജോലിക്ക്​ നിർബന്ധിക്കില്ല; കെ.എസ്​.ആർ.ടി.സി ശമ്പള പരിഷ്കരണ കരാറിലെ വിവാദ വ്യവസ്ഥകൾ റദ്ദാക്കാൻ തീരുമാനം

തി​രു​വ​ന​ന്ത​പു​രം: ക​ണ്ട​ക്ട​ർ​മാ​ര​ട​ക്കമുള്ളവർക്ക്​ പെ​ട്രോ​ൾ പ​മ്പിൽ നി​ർ​ബ​ന്ധി​ത നി​യ​മനം ഉൾപ്പെടെ കെ.​എ​സ്.​ആ​ർ.​ടി.​സി​ ശ​മ്പ​ള​പ​രി​ഷ്​​ക​ര​ണ കരാറിലെ വിവാദ വ്യവസ്​ഥകൾ റദ്ദാക്കാൻ ഗതഗാതമന്ത്രിയുടെ നേതൃത്വത്തിൽ നടന്ന ചർച്ചയിൽ തീരുമാനം. കെ.എസ്​.ആർ.ടിസിയിൽ എല്ലാ മാസവും അഞ്ചാം തീയതിക്കകം ശമ്പളം നൽകാൻ നടപടി സ്വീകരിക്കുമെന്നും മന്ത്രി ആന്‍റണി രാജു യോഗത്തിൽ ഉറപ്പു​ നൽകി.

ശ​മ്പ​ള​പ​രി​ഷ്ക​ര​ണ ക​രാ​റി​ന്‍റെ ക​ര​ടി​ൽ യൂ​നി​യ​നു​ക​ളു​ടെ എ​തി​ർ​പ്പ്​ മൂ​ലം ഉ​പേ​ക്ഷി​ച്ച​ വ്യ​വ​സ്ഥ​ക​ളും അം​ഗീ​ക​രി​ക്കാ​ത്ത വി​ഷ​യ​ങ്ങ​ളും ഉ​ൾ​പ്പെ​ട്ട​ത്​ വൻ പ്ര​തി​ഷേ​ധ​ത്തിന്​ ഇടയാക്കിയിരുന്നു. ഈ സാഹചര്യത്തിലാണ്​ ക​രാ​ർ ഒ​പ്പി​ടാൻ വിസമ്മതിച്ച യൂ​നി​യ​നു​ക​ളെ വീ​ണ്ടും സ​ർ​ക്കാ​ർ ച​ർ​ച്ച​ക്ക്​ വി​ളി​ച്ചത്​. ഇന്നത്തെ ചർച്ചയിൽ തീരുമാനിച്ച മാറ്റങ്ങൾ കരാറിന്‍റെ കരടിൽ ഉൾപ്പെടുത്തും. തുടർന്ന്​ നാളെ മന്ത്രി തലത്തിൽ ചർച്ച പൂർത്തീകരിച്ച് താമസം കൂടാതെ കരാർ ഒപ്പിടാമെന്നുള്ള തീരുമാനത്തിലാണ് യോഗം അവസാനിച്ചത്.

​ഗ​താ​ഗ​ത മ​ന്ത്രിയും യൂ​നി​യ​ൻ നേതാക്കളും പ​ങ്കെടുത്ത ചർച്ചയിലെ പ്രധാന തീരുമാനങ്ങൾ:

• എല്ലാ മാസവും അഞ്ചാം തീയതിക്കകം ശമ്പളം നൽകാൻ നടപടി സ്വീകരിക്കും
• പ്രതിമാസം 20 ഡ്യൂട്ടിയിൽ താഴെയുള്ളവർക്ക് സപ്ലിമെന്‍ററി ആയി മാത്രമേ ശമ്പളം നല്കൂ എന്ന നിബന്ധന ഒഴിവാക്കി. എന്നാൽ, സർവിസ് ആനുകൂല്യങ്ങൾ ലഭിക്കാൻ ഒരു വർഷം മിനിമം 190 ഡ്യൂട്ടി ബാധകമാക്കും. അർഹമായ ലീവ്, മെഡിക്കൽ ലീവ്, അടുത്ത ബന്ധുക്കളുടെ മരണകാരണമുള്ള അവധികൾ എന്നിവ ഉൾപ്പടെയാണിത്​.
• ചൈൽഡ് കെയർ അലവൻസ് കാറ്റഗറി ഭേദമന്യേ എല്ലാ വനിതാ ജീവനക്കാർക്കും അനുവദിക്കും.
• പെട്രോൾ പമ്പിൽ​ ജോലിക്ക്​ നിർബന്ധിത നിയമനം നടപ്പാക്കില്ല. താൽപര്യമുള്ള വിവിധ വിഭാഗം ജീവനക്കാരുടെ അപേക്ഷ ക്ഷണിക്കും. കാറ്റഗറി ചെയ്ഞ്ച് അപേക്ഷകൾ പരിഗണിച്ച് താത്പര്യം ഉള്ളവർക്ക് പെട്രോൾ പമ്പിൽ​ നിയമനം നൽകും.
• ജീവനക്കാരുടെ കേഡർ സ്ട്രെങ്ത് സംബന്ധിച്ച നിർദ്ദേശം പൂർണ്ണമായും സംഘടനകൾ തള്ളി. 404ാമത് ഡയറക്ടർ ബോർഡ് തീരുമാനം കരാറിൽനിന്നും ഒഴിവാക്കും
• ആശ്രിത നിയമനം നല്കും. ഒഴിവുള്ള പോസ്റ്റുകളിൽ മാത്രമായിരിക്കും നിയമനം
• കോസ്റ്റ് ഓഫ് ഡാമേജ് ഈടാക്കുന്നതുമായി ബന്ധപ്പെട്ട് 31.12.2013 ലെ സർക്കുലർ കരാറിന്‍റെ ഭാഗമാക്കും.
• റാക്ക് നഷ്ടപ്പെട്ടതുമായി ബന്ധപ്പെട്ട വിവിധ കേസുകൾ ഒറ്റ തവണ തീർപ്പാക്കൽ വഴി പരിഹരിക്കും.
• പരിഷ്ക്കരിച്ച സ്കെയിൽ സംബന്ധിച്ച പരാതികൾ പരിശോധിച്ച് അപാകത ഉണ്ടെങ്കിൽ തിരുത്തും
• ഇൻകുബെൻസി പൂർത്തീകരിച്ച് തിരികെ മാതൃ യൂണിറ്റിലേക്ക് വിടുതൽ ചെയ്യുന്നവർക്ക് അടുത്ത 5 വർഷം സ്ഥലം മാറ്റത്തിൽ ഇളവ് അനുവദിക്കും.
• പെൻഷൻ സമയബന്ധിതമായി പരിഷ്ക്കരിച്ച് കരാറിന്‍റെ ഭാഗമാക്കും.
• സ്റ്റേ സർവിസുകൾക്ക് സ്റ്റേ റൂം സൗകര്യം നൽകും.
• ഡിപ്പോ ഏകീകരണം, വർക് ഷോപ്പ് കുറക്കൽ കരാറിന്‍റെ ഭാഗമാക്കില്ല

മാറ്റം കടുത്ത എതിർപ്പിനെ തുടർന്ന്​

മാ​സം 20 ഡ്യൂ​ട്ടി​യു​ള്ള​വ​ർ​ക്കേ ശ​മ്പ​ളം ന​ൽ​കൂ എ​ന്നതടക്കമുള്ള വ്യ​വ​സ്ഥകളായിരുന്നു ക​ര​ടിൽ ഉൾപ്പെടുത്തിയത്​. യൂനിയനുക​ളുടെ കടുത്ത എതിർപ്പിനെ തുടർന്നാണ്​ ഇവ മാറ്റിയത്​. 18 ദി​വ​സം ജോലി​യെ​ടു​ത്ത​യാ​ളി​ന്​ രോ​ഗ​മോ അ​പ​ക​ട​മോ മൂ​ലം തു​ട​ർ​ദി​വ​സ​ങ്ങ​ളി​ൽ ഡ്യൂ​ട്ടി​ക്ക്​ ഹാ​ജ​രാ​കാ​ൻ ക​ഴി​ഞ്ഞി​ല്ലെ​ങ്കി​ൽ ആ ​മാ​സ​ത്തെ ശ​മ്പ​ളം ന​ഷ്​​ട​പ്പെ​ടുമെന്നായിരുന്നു വിവാദ വ്യവസ്ഥ.

ക​ണ്ട​ക്ട​ർ​മാ​ര​ട​ക്കം ജൂ​നി​യ​റാ​യ ജീ​വ​ന​ക്കാ​രെ പെ​ട്രോ​ൾ പ​മ്പു​ക​ളി​ലേ​ക്ക്​ ആ​വ​ശ്യ​മെ​ങ്കി​ൽ നി​ർ​ബ​ന്ധി​ത സ്വ​ഭാ​വ​ത്തി​ൽ നി​യ​മി​ക്കാ​മെ​ന്നതായിരുന്നു മറ്റൊരു വിവാദ വ്യവസ്ഥ. നി​ല​വി​ൽ താ​ൽ​പ​ര്യ​മു​ള്ളവരെ​യാ​ണ്​ ഈ ഡ്യൂ​ട്ടി​യി​ലേ​ക്ക്​ മാ​റ്റു​ന്ന​ത്. ഈ '​താ​ത്​​പ​ര്യം തേ​ട​ൽ' പ​രി​ഗ​ണി​ക്കാ​തെ പി.​എ​സ്.​സി വ​ഴി ക​ണ്ട​ക്ട​ർ​മാ​രാ​യി എ​ത്തി​യ​വ​രെ​ പ​മ്പു​ക​ളി​ൽ നി​യ​മി​ക്കാ​നാ​യിരുന്നു നീ​ക്കം.

ആ​​ശ്രി​ത നി​യ​മ​ന​ത്തി​നു പ​ക​രം കോ​മ്പ​ൻ​സേ​ഷ​ൻ ന​ൽ​കാ​നു​ള്ള നീ​ക്ക​മായിരുന്നു​ മ​റ്റൊ​ന്ന്. ഇതും ഇന്ന്​ നടന്ന ചർച്ചയിൽ പിൻവലിക്കാൻ തീരുമാനിച്ചു.