Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകൃഷിനാശത്തെ തുടർന്ന്...

കൃഷിനാശത്തെ തുടർന്ന് കടബാധ്യത, നെൽക്കർഷകൻ ആത്മഹത്യ ചെയ്തു

text_fields
bookmark_border
rajeev
cancel
camera_alt1. രാജീവ് കൃഷിയിടത്തിൽ 2. ആത്മഹത്യ ചെയ്ത രാജീവ്
Listen to this Article

തിരുവല്ല: കൃഷി നാശത്തെ തുടർന്നുള്ള കടബാധ്യതയിൽ നിരണത്ത് നെൽക്കർഷകൻ ആത്മഹത്യ ചെയ്തു. നിരണം വടക്കുംഭാഗം കാണാത്ര പറമ്പ്​ വീട്ടിൽ രാജീവ് (49) ആണ് മരിച്ചത്. തിങ്കളാഴ്ച രാവിലെ രാജീവ്​ പാട്ടത്തിന്​ എടുത്ത്​ കൃഷി നടത്തുന്ന നെൽപ്പാടത്തിന്റെ കരയിലാണ് തൂങ്ങിയ നിലയിൽ കണ്ടെത്തിയത്.

രാജീവ് കൃഷി ആവശ്യങ്ങൾക്ക് ബാങ്കിൽ നിന്നും വായ്‌പ എടുത്തിരുന്നു. കൃഷി ആവശ്യത്തിനായി നിരണം ഇന്ത്യൻ ബാങ്ക്​, തിരുവല്ല കാർഷിക വികസന ബാങ്ക്​, പുരുഷ സ്വയംസഹായ സംഘം എന്നിവിടങ്ങളിൽ നിന്ന്​ വായ്പയെടുത്തിരുന്നു. അയൽക്കൂട്ടത്തിൽ നിന്ന് അഞ്ചു രൂപ പലിശക്കെടുത്തതിൽ 40,000 രൂപ അടക്കേണ്ടിയിരുന്നത് ഞായറാഴ്ചയായിരുന്നു.

ഇത്തവണ വേനൽമഴയിൽ എട്ട് ഏക്കറിലെ നെൽ കൃഷി നശിച്ചു. കനത്ത മഴയിൽ കൊയ്‌തെടുക്കൽ പറ്റാതെയായപ്പോൾ വായ്പ അടക്കുന്നത് മുടങ്ങി. കഴിഞ്ഞ വർഷവും വേനൽ മഴയിൽ രാജീവിന്​ വലിയ കൃഷി നാശം സംഭവിച്ചിരുന്നു. സർക്കാർ നാമമാത്ര തുകയാണ്​ നഷ്ടപരിഹാരം നൽകിയത്​.

ഇതിനെതിരെ 10 കർഷകർ ഹൈകോടതിയിൽ റിട്ട്​ ഹരജി ഫയൽ ചെയ്തിരുന്നു. ഇതിലെ ഒരു ഹരജിക്കാരനായിരുന്നു രാജീവ്​. ബാധ്യതകൾ എല്ലാം കൂടിയായതോടെയാണ്​ ജീവനൊടുക്കിയതെന്ന്​ കരുതുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:paddy farmersuicide
News Summary - Debt-ridden, paddy farmer commits suicide
Next Story