ആലപ്പുഴ മെഡി. കോളജിൽ അമ്മയുടെയും കുഞ്ഞിന്‍റെയും മരണം; ജീ​വ​ന​ക്കാ​രു​ടെ മൊ​ഴി​യെ​ടു​ത്തു

അ​മ്പ​ല​പ്പു​ഴ: ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​സ​വ​ത്തി​നി​ടെ കു​ട്ടി​യും തു​ട​ർ​ന്ന്​ അ​മ്മ​യും മ​രി​ക്കാ​നി​ട​യാ​യ സം​ഭ​വ​ത്തി​ല്‍ സം​ഭ​വ​ദി​വ​സം ഗൈ​ന​ക്കോ​ള​ജി വി​ഭാ​ഗ​ത്തി​ലു​ണ്ടാ​യി​രു​ന്ന ഡോ​ക്ട​ര്‍മാ​ര്‍ ഉ​ള്‍പ്പെ​ടെ എ​ല്ലാ ജീ​വ​ന​ക്കാ​രു​ടെ​യും മൊ​ഴി പൊ​ലീ​സ്​ രേ​ഖ​പ്പെ​ടു​ത്തി.ഡോ​ക്ട​ര്‍മാ​രു​ടെ ഭാ​ഗ​ത്തു പി​ഴ​വി​ല്ലെ​ന്ന്​ സൂ​ച​ന. അ​മ്പ​ല​പ്പു​ഴ പൊ​ലീ​സ്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ പ്രാ​ഥ​മി​ക ക​ണ്ടെ​ത്ത​ൽ.

കൈ​ന​ക​രി കു​ട്ട​മം​ഗ​ലം കാ​യി​ത്ത​റ​യി​ൽ രാം​ജി​ത്തി​ന്റെ ഭാ​ര്യ അ​പ​ർ​ണ (22), ന​വ​ജാ​ത​ശി​ശു (പെ​ൺ​കു​ഞ്ഞ്) എ​ന്നി​വ​ർ മ​രി​ച്ച സം​ഭ​വ​ത്തി​ലാ​ണ്​ പൊ​ലീ​സ്​ അ​ന്വേ​ഷ​ണം. ഇ​രു​വ​രു​ടെ​യും മ​ര​ണ​ത്തി​ല്‍ ഡോ​ക്ട​ര്‍മാ​രു​ടെ അ​ശ്ര​ദ്ധ​യു​ണ്ടെ​ന്നാ​യി​രു​ന്നു ബ​ന്ധു​ക്ക​ളു​ടെ ആ​രോ​പ​ണം. അ​പ​ർ​ണ​യെ സീ​നി​യ​ര്‍ ഡോ​ക്ട​ർ​മാ​രു​ടെ നേ​തൃ​ത്വ​ത്തി​ലാ​ണ്​ പ​രി​ശോ​ധി​ച്ച​ത്. ആ​രോ​പ​ണ​വി​ധേ​യ​യാ​യ ഗൈ​ന​ക്കോ​ള​ജി വി​ഭാ​ഗം അ​സോ. പ്ര​ഫ​സ​ർ ഡോ. ​ത​ങ്കു കോ​ശി സം​ഭ​വ​ദി​വ​സം ഒ.​പി ഡ്യൂ​ട്ടി ക​ഴി​ഞ്ഞ് ഉ​ച്ച​യോ​ടെ മ​ട​ങ്ങി​യി​രു​ന്നു.

ഇ​വ​ർ യു​വ​തി​യെ പ​രി​ശോ​ധി​ച്ച​ശേ​ഷ​മാ​ണ് മ​ട​ങ്ങി​യ​ത്. അ​സി. പ്ര​ഫ​സ​ര്‍മാ​രാ​യ ഡോ. ​ബി​ന്ദു ന​മ്പീ​ശ​നും ഡോ. ​മീ​രാ​ല​ക്ഷ്മി​ക്കു​മാ​യി​രു​ന്നു തു​ട​ർ​ന്ന്​ ചു​മ​ത​ല. എ​ന്നാ​ല്‍, താ​ന്‍ ചി​കി​ത്സ ന​ല്‍കി​യ യു​വ​തി​ക്ക് ശ​സ്ത്ര​ക്രി​യ വേ​ണ​മെ​ന്ന​റി​ഞ്ഞ് ഡോ. ​ത​ങ്കു​കോ​ശി തി​രി​ച്ച്​ ആ​ശു​പ​ത്രി​യി​ല്‍ എ​ത്തി​യ​താ​യി അ​ന്വേ​ഷ​ണ റി​പ്പോ​ര്‍ട്ടി​ലു​ണ്ടെ​ന്നാ​ണ്​ സൂ​ച​ന. മ​രി​ച്ച യു​വ​തി​യു​ടെ ബ​ന്ധു​ക്ക​ളി​ല്‍നി​ന്ന്​ വെ​ള്ളി​യാ​ഴ്ച വി​വ​ര​ങ്ങ​ള്‍ ശേ​ഖ​രി​ക്കും. കൂ​ടാ​തെ ആ​രോ​ഗ്യ​വ​കു​പ്പി​ന്‍റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘ​ത്തി​ന്‍റെ റി​പ്പോ​ര്‍ട്ടും ആ​വ​ശ്യ​പ്പെ​ടും.

ആ​ല​പ്പു​ഴ മെ​ഡി​ക്ക​ല്‍ കോ​ള​ജ്​ ആ​ശു​പ​ത്രി സൂ​പ്ര​ണ്ട് ഡോ. ​എ. അ​ബ്ദു​ല്‍ സ​ലാ​മി​ന്‍റെ നി​ർ​ദേ​ശ​പ്ര​കാ​രം ഫോ​റ​ൻ​സി​ക് വി​ഭാ​ഗം മേ​ധാ​വി ഡോ. ​ഷാ​രി​ജ​യു​ടെ നേ​തൃ​ത്വ​ത്തി​ലു​ള്ള സം​ഘ​വും അ​ന്വേ​ഷ​ണം ന​ട​ത്തു​ന്നു​ണ്ട്. ചൊ​വ്വാ​ഴ്​​ച വൈ​കീ​ട്ട്​ നാ​ലി​നാ​ണ്​ ന​വ​ജാ​ത​ശി​ശു മ​രി​ച്ച​ത്. ഗു​രു​ത​രാ​വ​സ്ഥ​യി​ൽ ട്രോ​മ​കെ​യ​റി​ൽ ചി​കി​ത്സ​യി​ലി​രു​ന്ന മാ​താ​വ്​ അ​പ​ർ​ണ ബു​ധ​നാ​ഴ്ച പു​ല​ർ​ച്ച നാ​ലി​നും.​

ആ​ദ്യ​പ്ര​സ​വ​ത്തി​ൽ കു​ഞ്ഞി​​ന്​ പി​ന്നാ​ലെ അ​മ്മ​യും മ​രി​ച്ച​തി​നു പി​ന്നി​ൽ ചി​കി​ത്സാ​പി​ഴ​വാ​ണെ​ന്നാ​യി​രു​ന്നു ബ​ന്ധു​ക്ക​ളു​ടെ ആ​രോ​പ​ണം.അതേസമയം യു​വ​തി മ​രി​ക്കാ​നി​ട​യാ​യ​ത് പെ​രി​പാ​ർ​ട്ടം കാ​ര്‍ഡി​യോ മ​യോ​പ​തി (ഹൃ​ദ​യ പേ​ശീ​ക്ഷ​യം) മൂ​ല​മെ​ന്ന്​ സൂ​ച​ന. ഗ​ർ​ഭാ​വ​സ്ഥ​യു​ടെ അ​വ​സാ​ന സ​മ​യ​ത്തോ പ്ര​സ​വ​ത്തി​നു​ശേ​ഷം ഏ​ക​ദേ​ശം അ​ഞ്ചു മാ​സ​ത്തി​ന​ക​മോ ഉ​ണ്ടാ​കു​ന്ന അ​പൂ​ർ​വ രോ​ഗാ​വ​സ്ഥ​യാ​ണി​ത്.