ആദിവാസി സ്ത്രീയുടെ മരണം: കാട്ടാന ആക്രമണത്തിലല്ലെന്ന്​ പോസ്റ്റുമോർട്ടം റിപ്പോർട്ട്​; ദുരൂഹത

പീ​രു​മേ​ട്​: തോ​ട്ടാ​പ്പു​ര​യി​ൽ വ​ന​ത്തി​നു​ള്ളി​ൽ ആ​ദി​വാ​സി സ്ത്രീ ​കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട സം​ഭ​വ​ത്തി​ൽ ദു​രൂ​ഹ​ത. മ​ര​ണം കാ​ട്ടാ​ന​യു​ടെ ആ​ക്ര​മ​ണം മൂ​ല​മ​ല്ലെ​ന്നാ​ണ്​ പോ​സ്റ്റുമോ​​ർ​ട്ട​ത്തി​ലെ പ്രാ​ഥ​മി​ക ക​ണ്ടെ​ത്ത​ൽ. സം​ഭ​വം ന​ട​ന്ന സ്ഥ​ല​ത്ത്​ ആ​ന​യു​ടെ സാ​ന്നി​ധ്യ​മി​ല്ലെ​ന്ന്​ വ​നം വ​കു​പ്പും പ​റ​യു​ന്നു. എ​ന്നാ​ൽ, മ​ര​ണം ആ​ന​യു​ടെ തു​മ്പി​ക്കൈ​കൊ​ണ്ടു​ള്ള അ​ടി​യേ​റ്റ്​ ത​ന്നെ​യാ​ണെ​ന്ന്​ കു​ടും​ബാം​ഗ​ങ്ങ​ളും ആ​വ​ർ​ത്തി​ക്കു​ന്നു. പീ​രു​മേ​ട് തോ​ട്ടാ​പ്പു​ര​ഭാ​ഗ​ത്ത് താ​മ​സി​ക്കു​ന്ന സീ​ത​യാ​ണ്​ (50) വെ​ള്ളി​യാ​ഴ്‌​ച വ​ന​ത്തി​ൽ കാ​ട്ടാ​ന​യു​ടെ തു​മ്പി​ക്കൈ​കൊ​ണ്ടു​ള്ള അ​ടി​യേ​റ്റ്‌ മ​രി​ച്ച​താ​യി ഭ​ർ​ത്താ​വ്‌ ബി​നു പൊ​ലീ​സി​നോ​ട്‌ പ​റ​ഞ്ഞ​ത്‌.

എ​ന്നാ​ൽ, സീ​ത​യു​ടെ മു​ഖ​ത്തും ക​ഴു​ത്തി​ലും മ​ൽ​പ്പി​ടി​ത്ത​ത്തി​ന്റെ പാ​ടു​ക​ളു​ണ്ടെ​ന്ന് ശ​നി​യാ​ഴ്ച പീ​രു​മേ​ട് താ​ലൂ​ക്ക് ആ​ശു​പ​ത്രി​യി​ൽ ന​ട​ത്തി​യ പോ​സ്റ്റുമോ​ർ​ട്ടം റി​പ്പോ​ർ​ട്ടി​ൽ പ​റ​യു​ന്നു.

ശ​രീ​ര​മാ​സ​ക​ലം ഗു​രു​ത​ര പ​രി​ക്ക്, ത​ല ക​ട്ടി​യു​ള്ള പ്ര​ത​ല​ത്തി​ൽ ഇ​ടി​ച്ച​തി​ന്റെ ല​ക്ഷ​ണ​ങ്ങ​ൾ, ത​ല​യു​ടെ ഇ​ട​തു​വ​ശ​ത്ത്​ ക്ഷ​ത​മേ​റ്റ പാ​ടു​ക​ൾ, താ​ഴേ​ക്ക്​ വീ​ണ​തി​ന്റെ പ​രി​ക്ക്​ എ​ന്നി​വ​യും ഉ​ള്ള​താ​യി റി​പ്പോ​ർ​ട്ടി​ൽ പ​റ​യു​ന്നു. ഇ​ട​തു​വ​ശ​ത്തെ ഏ​ഴ്‌ വാ​രി​യെ​ല്ലു​ക​ൾ ഒ​ടി​ഞ്ഞു. ര​ണ്ടെ​ണ്ണം ശ്വാ​സ​കോ​ശ​ത്തി​ൽ കു​ത്തി​ക്ക​യ​റി. വ​ല​തു​വ​ശ​ത്തെ ആ​റ്‌ വാ​രി​യെ​ല്ലു​ക​ൾ​ക്കും പൊ​ട്ട​ലു​ണ്ട്. നാ​ഭി​യി​ൽ തൊ​ഴി​യേ​റ്റ​താ​യും റി​പ്പോ​ർ​ട്ടി​ൽ പ​റ​യു​ന്നു​.

സം​ഭ​വം ന​ട​ന്ന സ്ഥ​ല​ത്ത് ആ​ന​യു​ടെ സാ​ന്നി​ധ്യം ഇ​ല്ലെ​ന്ന് വ​നം വ​കു​പ്പ് പ​രി​ശോ​ധ​ന​യി​ൽ ക​ണ്ടെ​ത്തി​യ​താ​യി കോ​ട്ട​യം ഡി.​എ​ഫ്.​ഒ. എ​ൻ.​രാ​ജേ​ഷ് പ​റ​ഞ്ഞു. ആ​ന ത​ന്നെ​യും ആ​ക്ര​മി​ച്ചെ​ന്ന്​ ഭ​ർ​ത്താ​വ്​ പ​റ​ഞ്ഞെ​ങ്കി​ലും കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ന​ട​ത്തി​യ പ​രി​ശോ​ധ​ന​യി​ൽ കാ​ര്യ​മാ​യ പ​രി​ക്കു​ക​ൾ ക​ണ്ടെ​ത്തി​യി​ട്ടി​ല്ല. മ​രി​ച്ച സീ​ത​യു​ടെ ശ​രീ​ര​ത്തി​ൽ ആ​ന​യു​ടെ ആ​ക്ര​മ​ണ രീ​തി​യി​ലു​ള്ള പ​രി​ക്കു​ക​ളു​മാ​യി സാ​മ്യ​ത ക​ണ്ടെ​ത്താ​നാ​യി​ല്ലെ​ന്നും ഡി.​എ​ഫ്.​ഒ പ​റ​ഞ്ഞു. സം​ഭ​വ​ത്തി​ൽ തി​ങ്ക​ളാ​ഴ്ച വി​ശ​ദ​മാ​യ പോ​സ്റ്റുമോ​ർ​ട്ടം റി​പ്പോ​ർ​ട്ട് ന​ൽ​കു​മെ​ന്ന് ഫോ​റ​ൻ​സി​ക് സ​ർ​ജ​ൻ ആ​ദ​ർ​ശ് രാ​ധാ​കൃ​ഷ്ണ​ൻ അ​റി​യി​ച്ചു. പ്രാ​ഥ​മി​ക വി​വ​ര​ങ്ങ​ൾ സ​ർ​ജ​നി​ൽ നി​ന്ന് പൊ​ലീ​സ് ശേ​ഖ​രി​ച്ചു. ഞാ​യാ​റാ​ഴ്ച സം​ഭ​വ സ്ഥ​ലം സ​ന്ദ​ർ​ശി​ക്കും. ​

പോ​സ്റ്റുമോ​ർ​ട്ട​ത്തി​ന്​ ശേ​ഷം മൃ​ത​ദേ​ഹം തോ​ട്ടാ​പ്പു​ര​യി​ലെ പൊ​തു​ശ്മ​ശാ​ന​ത്തി​ൽ സം​സ്ക​രി​ച്ചു. വ​നം വ​കു​പ്പി​ലെ താ​ൽ​ക്കാ​ലി​ക വാ​ച്ച​റാ​യ ബി​നു​വി​ന് ആ​ക്ര​മ​ണം ന​ട​ന്ന മേ​ഖ​ല ഉ​ൾ​പ്പെ​ടെ വ്യ​ക്ത​മാ​യ സ്ഥ​ല പ​രി​ച​യം ഉ​ണ്ടെ​ന്ന്​ വ​നം വ​കു​പ്പ്​ ഉ​ദ്യേ​ഗ​സ്ഥ​ർ പ​റ​ഞ്ഞു.