കാറിടിച്ച് മധ്യവയസ്കന്‍റെ മരണം: ഡ്രൈവർ അറസ്റ്റിൽ

കറുകച്ചാൽ: കാറിടിച്ച് മധ്യവയസ്കൻ മരിച്ച സംഭവത്തിൽ ഡ്രൈവർ പ്രയ്സ് ഹോമിൽ ലൂയിസ് ആദം ആൻഡ്രൂസ് (37) അറസ്റ്റിൽ. കഴിഞ്ഞദിവസം രാത്രി വാഴൂർ-ചങ്ങനാശ്ശേരി റോഡിലൂടെ നടന്നു പോകുകയായിരുന്ന ഗോപിനാഥക്കുറുപ്പാണ് കാർ ഇടിച്ച് മരിച്ചത്. കാർ നിർത്താതെ പോകുകയും ചെയ്തു. കറുകച്ചാൽ സ്റ്റേഷൻ എസ്.എച്ച്.ഒ ഋഷികേശൻ നായരുടെ നേതൃത്വത്തിലാണ് അറസ്റ്റ് ചെയ്തത്.