കടലിൽ കാണാതായ കുട്ടികളുടെ മൃതദേഹം കണ്ടെത്തി

കണ്ണൂർ: കളിക്കുന്നതിനിടെ കടലിൽ കാണാതായ രണ്ട്​ കുട്ടികളുടെ മൃതദേഹങ്ങൾ കണ്ടെത്തി.

തോട്ടട ബീച്ചിനടുത്ത് അഴിമുഖത്ത് ഒഴുക്കിൽപ്പെട്ട കാണാതായ ആദികടലായി ഫാത്തിമാസിൽ ഷറഫുദ്ദീ​െൻറ മകൻ മുഹമ്മദ് ഷറഫ് ഫാസിൽ (15), ആദി കടലായി വട്ടക്കുളം ബൈത്തുൽ ഹംദിൽ ബഷീറി​െൻറ മകൻ മുഹമ്മദ്റിനാദ്(14) എന്നിവരുടെ മൃതദേഹങ്ങളാണ്​ ചൊവ്വാഴ്​ച രാവിലെ കണ്ടെത്തിയത്​.

തിങ്കളാഴ്ച വൈകിട്ട്​ അഞ്ച് മണിയോടെയാണ് ഇരുവരെയും കടലിൽ കാണാതായത്​. അഴിമുഖത്തിനടുത്ത് കൂട്ടുകാരൊത്ത് കളിക്കുന്നതിനിടെ കടലിൽ വീണ പന്ത്​ എടുക്കാനുള്ള ശ്രമത്തിനിടെ കടലിലേക്ക് ഒഴുകി പോവുകയായിരുന്നു.

നാട്ടുകാരും പൊലീസും ഫയർഫോഴ്‌സും രാത്രി വൈകിയും തെരച്ചിൽ നടത്തിയെങ്കിലും കണ്ടെത്തിയിരുന്നില്ല.