സ​ർ​ക്കാ​ർ നി​യ​ന്ത്ര​ണ​ത്തി​ൽ ഡി-​അ​ഡി​ക്​​ഷ​ൻ സെൻറ​റു​ക​ൾ ആ​രം​ഭി​ക്കു​ന്നു

തൃശൂർ: സർക്കാറി​െൻറ നേരിട്ടുള്ള നിയന്ത്രണത്തിൽ ഡി- അഡിക്ഷൻ സ​െൻററുകൾ ആരംഭിക്കുന്നു. സംസ്ഥാനത്ത് കൂണുപോലെ പെരുകുന്ന ഡി-അഡിക്ഷൻ സ​െൻററുകളിൽ വൻ തട്ടിപ്പാണ് നടക്കുന്നതെന്ന് വ്യക്തമായതി​െൻറ അടിസ്ഥാനത്തിലാണിത്്. കേരള സംസ്ഥാന ലഹരി വർജന മിഷൻ ‘വിമുക്തി’യുടെ ഭാഗമായി എല്ലാ ജില്ലകളിലും ജില്ല ആശുപത്രികളോട് ചേർന്നും ആരോഗ്യ വകുപ്പി​െൻറ സഹകരണത്തോടെ ഡി-അഡിക്ഷൻ സ​െൻററുകൾ ആരംഭിക്കും. എക്സൈസ് വകുപ്പി​െൻറ നേതൃത്വത്തിൽ  ദേശീയ നിലവാരത്തോടുകൂടിയ ഒരു ഡി-അഡിക്ഷൻ സ​െൻറർ ആരംഭിക്കാനും നടപടി ആരംഭിച്ചുകഴിഞ്ഞു. മദ്യനിരോധനമല്ല, മദ്യവർജനമാണ് പ്രധാനമെന്ന സർക്കാറി​െൻറ മുദ്രാവാക്യത്തി​െൻറ അടിസ്ഥാനത്തിലാണ് ഡി-അഡിക്ഷൻ സ​െൻററുകൾ ആരംഭിക്കുന്നത്.

സംസ്ഥാനത്ത് എത്ര ഡി-അഡിക്ഷൻ സ​െൻററുകൾ പ്രവർത്തിക്കുന്നുവെന്നത് സംബന്ധിച്ച് സർക്കാറി​െൻറ പക്കൽ  കണക്കുകളില്ല. ഇവയുടെ പ്രവർത്തനങ്ങൾ നിരീക്ഷിക്കാൻ ഇവിടെ സംവിധാനമില്ലെന്ന് അധികൃതർ ചൂണ്ടിക്കാട്ടി. ഇത്തരം സ​െൻററുകളുടെ പ്രവർത്തനങ്ങൾ എക്സൈസ് വകുപ്പ് പരിശോധിക്കുന്നില്ല. നാമമാത്രം എണ്ണത്തി​െൻറ പ്രവർത്തനങ്ങൾ മാത്രമാണ് എക്സൈസ് വകുപ്പ് പരിശോധിക്കുന്നത്. കേരള സ്റ്റേറ്റ് ബിവറേജസ് കോർപറേഷ​െൻറ സാമൂഹിക പ്രതിബദ്ധതാ പദ്ധതിയുടെ ഭാഗമായി 2014-15 സാമ്പത്തികവർഷത്തിൽ ലഹരിവിമുക്ത ചികിത്സാ ധനസഹായം നൽകിയ 11 ഡി-അഡിക്ഷൻ സ​െൻററുകളുടെ പ്രവർത്തനം മാത്രമാണ് എക്സൈസ് വകുപ്പ് പരിശോധിക്കുന്നത്.

എന്നാൽ, നിരവധി ഡി-അഡിക്ഷൻ സ​െൻററുകൾ സംസ്ഥാനത്ത് പ്രവർത്തിക്കുന്നുണ്ട്. ഇവിടങ്ങളിൽ പലയിടങ്ങളിലും മദ്യപാനത്തിൽനിന്ന് മുക്തി തേടിയെത്തുന്ന ആളുകൾ ചൂഷണത്തിന് വിധേയമാകുന്നുണ്ടെന്നാണ്  ഒൗദ്യോഗിക വിശദീകരണം. ഒന്നാമതായി ഇൗ സ​െൻററുകളിൽ പലതിലും പ്രവേശിപ്പിക്കപ്പെടുന്നവരിൽനിന്ന് വൻ തുകയാണ് ഇൗടാക്കുന്നത്. പലയിടങ്ങളിലും ഡി- അഡിക്ഷ​െൻറ പേരിൽ മതപരിവർത്തനം ഉൾപ്പെടെ നടക്കുന്നുവെന്ന ആരോപണവും ശക്തമാണ്. ഇൗ സാഹചര്യങ്ങളെല്ലാം പരിഗണിച്ചാണ് സർക്കാറി​െൻറ നേരിട്ടുള്ള മേൽനോട്ടത്തിൽ എല്ലാ ജില്ലകളിലും ഡി -അഡിക്ഷൻ സ​െൻററുകൾ ആരംഭിക്കുന്നത്.