Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസബ്​ ഇൻസ്​പെക്​ടറെ...

സബ്​ ഇൻസ്​പെക്​ടറെ മൃഗത്തോടുപമിച്ച മേലുദ്യോഗസ്​ഥയോട്​ വിശദീകരണം തേടി

text_fields
bookmark_border
സബ്​ ഇൻസ്​പെക്​ടറെ മൃഗത്തോടുപമിച്ച മേലുദ്യോഗസ്​ഥയോട്​ വിശദീകരണം തേടി
cancel

കോഴിക്കോട്: സബ്​ ഇൻസ്​പെക്​ടറെ വിഡ്​ഢിയെന്നധിക്ഷേപിച്ച്​ മൃഗത്തോടുപമിച്ച ഡെപ്യൂട്ടി പൊലീസ്​ കമീഷണറിൽ നിന്ന്​ സിറ്റി പൊലീസ്​ മേധാവി വിശദീകരണം തേടി. ക്രമസമാധാന ചുമതല വഹിക്കുന്ന ഡി.സി.പി എം. ഹേമലതയിൽ നിന്നാണ്​ സിറ്റി പൊലീസ്​ മേധാവി എ.വി. ജോർജ്​ വിശദീകരണം തേടിയത്​. ഏപ്രിൽ 13ന്​ രാവിലെയാണ്​ സംഭവം. പതിവായി നടക്കുന്ന വയർ​െലസ്​ യോഗത്തിനിടെയാണ്​​ കൺ​ട്രോൾ റൂം സബ്​ ഇൻസ്​പെക്​ടറെ മേലുദ്യോഗസ്​ഥ കടുത്ത ഭാഷയിൽ അധിക്ഷേപിച്ചത്​.

ഫ്ലയിങ്​ സ്ക്വാഡി‍െൻറ എല്ലാ വാഹനങ്ങളിലും എസ്.ഐ തലത്തിലുളള ഉദ്യോഗസ്ഥന്‍ വേണമെന്ന്​ നേരത്തെ നിർദേശിച്ചിരുന്നു. ഇത്​ നടപ്പാവാത്തതാണ് ഡി.സി.പിയെ പ്രകോപിപ്പിച്ചത്. മൃഗത്തോടുപമിച്ചുള്ള 'പരസ്യ ശാസന' വയർ​െലസിലൂടെ യോഗത്തിൽ പ​ങ്കെടുത്ത മറ്റ്​ ഉദ്യോഗസ്​ഥരെല്ലാം കേട്ടു. തെരഞ്ഞെടുപ്പ് ഡ്യൂട്ടിയിലായിരുന്ന പലരും അവധിയില്‍ പോയതിനാലാണ് പട്രോളിങ്​ വാഹനങ്ങളിലെല്ലാം എസ്​.ഐമാർ വേണമെന്ന നിർദേശം പാലിക്കാനാകാതിരുന്നതെന്ന് ഇന്‍സ്പെക്ടര്‍ വിശദീകരിക്കാന്‍ ശ്രമിച്ചെങ്കിലും അത്​ കേൾക്കാതെയായിരുന്നു നിങ്ങള്‍ മൃഗങ്ങളാണോ? നിങ്ങള്‍ക്ക് സാമാന്യ ബുദ്ധിയില്ലേ?​ തുടങ്ങിയ കടുത്ത പ്രയോഗങ്ങൾ നടത്തിയുള്ള ഡി.സി.പിയുടെ ആക്രോശം.

പൊലീസുദ്യോഗസ്​ഥരുടെ മനോവീര്യം തകർക്കുന്നതും ആത്​മാഭിമാനം ചോദ്യം ​െചയ്യുന്നതുമാണ്​ മേലുദ്യോഗസ്​ഥയുടെ നടപടിയെന്ന്​ ചൂണ്ടിക്കാട്ടി സേനാംഗങ്ങളിൽ പലരും വിമർശനവുമായി രംഗത്തെത്തിയതോടെ അസോസിയേഷൻ വിഷയത്തിലിടപെടുകയും പ്രശ്​നം സിറ്റി പൊലീസ്​ മേധാവിയു​െട മുന്നിൽ പരാതിയായി ഉന്നയിക്കുകയുമായിരുന്നു. തുടർന്നാണ്​ ഡി.സി.പിയിൽ നിന്ന്​ വിശദീകരണം ​േതടിയത്​.

Show Full Article
TAGS:dcp hemalatha sub-inspector animal 
News Summary - dcp hemalatha says sub-inspector liked to an animal
Next Story