'ദശരഥ പുത്രന്‍ രാമന്' ചടയമംഗലം പൊലീസി​െൻറ പെറ്റി; എസ്.ഐയടക്കം വെട്ടിൽ - video

ചടയമംഗലം (കൊല്ലം): 'ദശരഥ പുത്രന്‍ രാമന്' ചടയമംഗലം പൊലീസ് പിഴ ചുമത്തിയത്​ സമൂഹമാധ്യമങ്ങളിൽ ചർച്ചയായി. വാഹനപരിശോധനക്കിടെ സീറ്റ് ബെൽറ്റ് ധരിക്കാത്തതിന് പിടിയിലായ കാര്‍ യാത്രക്കാരനാണ് തെറ്റായ മേല്‍വിലാസം നല്‍കി പൊലീസിനെ കുരുക്കിലാക്കിയത്.

കഴിഞ്ഞ 12നാണ് സംഭവം. നിയമലംഘനത്തിന്​ പിഴയീടാക്കി രസീത്​ നൽകാൻ പേര്​ ചോദിച്ചപ്പോൾ പേര് രാമനെന്നും പിതാവി​െൻറ പേര് ദശരഥന്‍ എന്നുമായിരുന്നു കാർ ​ൈ​ഡ്രവറുടെ മറുപടി. സ്ഥലം അയോധ്യയാണെന്നും പറഞ്ഞു. ഇതുപ്രകാരം സീറ്റ് ​െബല്‍റ്റ് ഇടാതെ യാത്ര ചെയ്തതിന് 'അയോധ്യയിലെ രാമന്' 500 രൂപയുടെ പിഴ ചുമത്തി പൊലീസ് രസീത്​ നൽകി.

തുടർന്ന്​ ചടയമംഗലം പൊലീസി​െൻറ സീല്‍ പതിച്ച രസീത് ഉള്‍പ്പെടെ സമൂഹമാധ്യമങ്ങളില്‍ പ്രചരിച്ചു. യാത്രക്കാരനായ യുവാവ് പറഞ്ഞ മേല്‍വിലാസം രേഖപ്പെടുത്തി പിഴയീടാക്കുകയായിരുന്നെന്ന്​ പൊലീസ്​ പറയുന്നു. പൊലീസിനെ തെറ്റായ മേല്‍വിലാസം നല്‍കി കബളിപ്പിച്ചശേഷം ഇതി​െൻറ ദൃശ്യം പ്രചരിപ്പിക്കുകയായിരുന്നു.

ഇതോടെ പിഴയീടാക്കിയ സ്​റ്റേഷനിലെ ഗ്രേഡ് എസ്.ഐയടക്കം വെട്ടിലായി. കാട്ടാക്കട സ്വദേശിയുടേതാണ് കാര്‍ എങ്കിലും ഉടമ തന്നെയാണോ യാത്ര ചെയ്തതെന്ന് വ്യക്തമല്ലെന്നും അന്വേഷണം തുടങ്ങിയെന്നും ചടയമംഗലം പൊലീസ് പറഞ്ഞു.