വിനോദയാത്രക്കിടെ ബസിന് മുകളിൽ പൂത്തിരിയും പടക്കവും കത്തിച്ച് ആഘോഷം

കോഴിക്കോട്​: വിനോദയാത്രക്കിടെ സ്​കൂൾ വിദ്യാർഥികൾ ബസിന് മുകളിൽ പൂത്തിരിയും പടക്കവും കത്തിച്ച് അപകടകരമാംവിധം ആഘോഷം നടത്തിയ ദൃശ്യങ്ങൾ പുറത്ത്​. കോഴിക്കോട് താമരശേരി കോരങ്ങാട്​ വൊക്കേഷണൽ ഹയർ സെക്കൻഡറി സ്‌കൂളിലെ പ്ലസ് ടു വിദ്യാർഥികളുടെ വിനോദയാത്രക്കിടെയാണ് അപകടകരമായ ആഘോഷം നടന്നത്.

ഒരു വിദ്യാർഥിയുടെ പിറന്നാൾ ആഘോഷത്തി​​​െൻറ ഭാഗമായാണ്​ നിർത്തിയിട്ട ബസിന്​ മുകളിൽ പടക്കവും പൂത്തിരിയും കത്തിച്ചത്​. ഡിസംബർ ഒന്നിന്​ ബംഗളൂരുവിലേക്ക്​ ​യാത്രപോയ സംഘത്തി​​​െൻറ ആഘോഷ ദൃശ്യങ്ങളാണ്​ പുറത്തുവന്നത്​. സംഭവത്തിൽ അന്വേഷണം നടത്തുമെന്ന്​ മോ​ട്ടോർ വാഹന വകുപ്പ്​ അറിയിച്ചു.

ടൂറിസ്റ്റു ബസുകളിലെ പരിശോധനയില്‍ ഇളവ് വരുത്താന്‍ ഉദ്ദേശിക്കുന്നില്ലെന്ന് ഗാതാഗതമന്ത്രി എ.കെ ശശീന്ദ്രന്‍ പ്രതികരിച്ചു. സ്വകാര്യ ടൂറിസ്റ്റ് ബസുകള്‍ നിരന്തരം നിയമലംഘനം നടത്തുകയാണെന്നും മന്ത്രി കോഴിക്കോട് പറഞ്ഞു.