ദുരിതം മറക്കാൻ ആശ്വാസ ക്യാമ്പിൽ അവർ പാടിയാടി...video

കൊച്ചി: പ്രളയത്തി​​​​െൻറ രൂപത്തിൽ പ്രകൃതി സംഹാര താണ്ഡവമാടിയതോടെ സംസ്​ഥാനത്ത്​ ദുരിതാശ്വാസ ക്യാമ്പുകളിൽ എത്തിയവർ പതിനായിരങ്ങളാണ്​. ക്യാമ്പിൽ നിന്ന്​ ചെളി നിറഞ്ഞ വീടുകളിലെത്തിയാലും പലർക്കും ഒന്നിൽ നിന്നു പടുത്തുയർത്തേണ്ട അവസ്​ഥയാണ്​.

എന്നാൽ എല്ലാം നഷ്​ടപ്പെട്ട ദുഃഖത്തിനിടയിലും ആട്ടവും പാട്ടുമായി ​ആശ്വാസം കണ്ടെത്തുകയാണ്​ കൊച്ചിയിലെ ചേരാനല്ലൂരിലെ ദുരിതാശ്വാസ ക്യാമ്പിലുള്ളവർ. വെട്ടിക്കൽ ബസേലിയോസ് വിദ്യാനികേതൻ സ്‌കൂളിലെ ദുരിതാശ്വാസ ക്യാമ്പിലാണ്​ വേദനകൾക്കിടയിലും ഏവരും സ്വയം മറന്ന്​ നൃത്തം ചെയ്​തത്​. ക്യാമ്പിലെ ആസിയ ബീവിയുടെ നേതൃത്വത്തിലായിരുന്നു കുട്ടികളടക്കമുള്ളവരുടെ നൃത്തം. 

കോഴിക്കോട്​ കലക്​ടറായിരുന്നപ്പോൾ മുതൽ​ കലക്​ടർ ബ്രോ എന്നറിയപ്പെട്ട പ്രശാന്ത്​ നായർ ​െഎ.എ.എസ് ‘ദുരിതാശ്വാസ ക്യാമ്പ്‌ : കേരള മോഡൽ. മറ്റുള്ളവർക്ക്‌ കണ്ട്‌ പഠിക്കാൻ ഒരു പാഠം കൂടി’ എന്നു തുടങ്ങുന്ന കു​റിപ്പോടെ ഇവര​ുടെ നൃത്തം ​ത​​​​െൻറ ഫേസ്​ബുക്ക്​ പേജിലിട്ടിട്ടുണ്ട്​. 

ചൊവ്വാഴ്​ച പുലർച്ചെയോടെ പോസ്​റ്റ്​ ചെയ്​ത വിഡിയോക്ക്​ മികച്ച പ്രതികരണമാണ്​ ലഭിച്ചിരിക്കുന്നത്​. 273000ത്തിലധികം ആളുകൾ കണ്ട വിഡിയോ ഇതിനകം 10000ത്തിലധികം ആളുകൾ പങ്കുവെച്ചു കഴിഞ്ഞു. 11000ത്തിലധികം ആളുകൾ വിഡിയോയോട്​ ലൈക്കുകളും സ്​മൈലികളുമായി പ്രതികരണം അറിയിച്ചിട്ടുണ്ട്​.