അവഗണന: ലളിതകല അക്കാദമിക്കെതിരെ ദലിത് ചിത്രകാര​െൻറ മാനനഷ്​ട നോട്ടീസ്​

തൃ​ശൂ​ർ: കേ​ര​ള ല​ളി​ത​ക​ല അ​ക്കാ​ദ​മി ക്യാ​മ്പി​ൽ​നി​ന്ന് ഒ​ഴി​വാ​ക്കി​യ​തി​നെ​തി​രെ ദ​ലി​ത് ചി​ത്ര​കാ​ര​ൻ അ​ക്കാ​ദ​മി​ക്ക് മാ​ന​ന​ഷ്​​ട​ നോ​ട്ടീ​സ​യ​ച്ചു. ചി​ത്ര​കാ​ര​നും സാ​ഹി​ത്യ​കാ​ര​നു​മാ​യ മ​ണ്ണം​പേ​ട്ട നെ​ല്ലാ​യി വീ​ട്ടി​ൽ ഡോ. ​ഷാ​ജു നെ​ല്ലാ​യി​യാ​ണ് നോ​ട്ടീ​സ​യ​ച്ച​ത്.

അ​ക്കാ​ദ​മി സം​ഘ​ടി​പ്പി​ച്ച 'നി​റ​കേ​ര​ളം' ചി​ത്ര​ക​ലാ ക്യാ​മ്പി​ലേ​ക്ക് ക്ഷ​ണി​ച്ച്​ കാ​ൻ​വാ​സും മു​ൻ​കൂ​ർ തു​ക​യും ന​ൽ​കി​യ​ശേ​ഷം ത​ന്നെ മാ​ത്രം ഒ​ഴി​വാ​ക്കി​യെ​ന്നാ​യി​രു​ന്നു ഡോ. ​ഷാ​ജു​വി​െൻറ ആ​രോ​പ​ണം. അ​ക്കാ​ദ​മി​യി​ൽ​നി​ന്ന് ആ​ഗ​സ്​​റ്റ്​ 20ന് ​മു​ൻ​കൂ​ർ തു​ക​യാ​യി 7000 രൂ​പ കൈ​പ്പ​റ്റി​യെ​ങ്കി​ലും 26ന് ​ക്യാ​മ്പി​ൽ​നി​ന്ന് ഒ​ഴി​വാ​ക്കി​യ​താ​യി ഫോ​ണി​ലൂ​ടെ അ​റി​യി​ച്ചു. ശ്രീ​ശ​ങ്ക​ര സ​ർ​വ​ക​ലാ​ശാ​ല ചി​ത്ര​ക​ലാ വി​ഭാ​ഗ​ത്തി​ൽ ​ഗ​സ്​​റ്റ്​ ല​ക്​​ച​റ​റാ​ണെ​ന്ന​താ​യി​രു​ന്നു കാ​ര​ണം.

കാ​ൻ​വാ​സും തു​ക​യും തി​രി​ച്ചേ​ൽ​പ്പി​ക്കാ​ൻ ആ​വ​ശ്യ​പ്പെ​ട്ട​താ​യും ഷാ​ജു പ​റ​യു​ന്നു. ​ഗ​സ്​​റ്റ്​ ല​ക്ച​റ​റാ​യി ജോ​ലി ചെ​യ്യു​ന്ന​ത് അ​യോ​ഗ്യ​ത​യ​ല്ലെ​ന്നും വി​വി​ധ സ്ഥാ​പ​ന​ങ്ങ​ളി​ൽ ആ​ർ​ട്ട്​ ടീ​ച്ച​ർ, ഇ​ൻ​സ്ട്ര​ക്​​ട​ർ തു​ട​ങ്ങി​യ ജോ​ലി​ക​ൾ ചെ​യ്യു​ന്ന​വ​ർ ക്യാ​മ്പി​ൽ പ​ങ്കെ​ടു​ത്തി​രു​ന്നെ​ന്നും ഡോ. ​ഷാ​ജു പ​റ​ഞ്ഞു. അ​ക്കാ​ദ​മി​യി​ലെ ചി​ല​രു​ടെ ത​ന്നി​ഷ്​​ട​മാ​ണ്​ പു​റ​ത്താ​ക്കാ​ൻ കാ​ര​ണ​മെ​ന്ന്​ പ​റ​ഞ്ഞ ഡോ. ​ഷാ​ജു ന​ഷ്​​ട​പ​രി​ഹാ​ര​മാ​യി അ​ഞ്ച് ല​ക്ഷം ഏ​ഴ്​ ദി​വ​സ​ത്തി​ന​കം ന​ൽ​ക​ണ​മെ​ന്ന്​ അ​ഡ്വ. കെ.​വി. ജ​യി​ൻ മു​ഖേ​ന അ​യ​ച്ച മാ​ന​ന​ഷ്​​ട നോ​ട്ടീ​സി​ൽ ആ​വ​ശ്യ​പ്പെ​ട്ടു.

'ഡോ. ​ഷാ​ജു​വി​നെ അ​വ​ഗ​ണി​ച്ചി​ട്ടി​ല്ല'

തൃ​ശൂ​ർ: ഡോ. ​ഷാ​ജു​വി​നെ അ​വ​ഗ​ണി​ച്ചി​ട്ടി​ല്ലെ​ന്ന് കേ​ര​ള ല​ളി​ത​ക​ല അ​ക്കാ​ദ​മി ചെ​യ​ർ​മാ​ൻ നേ​മം പു​ഷ്​​പ​രാ​ജ്. കോ​വി​ഡ് കാ​ല​ത്ത് ഒ​രു വ​രു​മാ​ന മാ​ർ​ഗ​വു​മി​ല്ലാ​ത്ത​വ​ർ​ക്കാ​ണ് ക്യാ​മ്പ് സം​ഘ​ടി​പ്പി​ച്ച​ത്. കാ​ല​ടി സം​സ്​​കൃ​ത സ​ർ​വ​ക​ലാ​ശാ​ല​യി​ൽ​നി​ന്ന് വേ​ത​നം കൈ​പ്പ​റ്റു​ന്നെ​ന്ന​റി​ഞ്ഞാ​ണ് അ​വ​സാ​ന പ​ട്ടി​ക​യി​ൽ ഉ​ൾ​പ്പെ​ടു​ത്താ​തി​രു​ന്ന​ത്.

ഇ​ത്ത​ര​ത്തി​ൽ വേ​ത​നം കൈ​പ്പ​റ്റു​ന്ന​വ​ർ ക്യാ​മ്പി​ലു​ള്ള​താ​യി അ​റി​വി​ല്ല. പ​ണ​വും കാ​ൻ​വാ​സും തി​രി​ച്ചു​ന​ൽ​കാ​ൻ ഞാ​ൻ ആ​വ​ശ്യ​പ്പെ​ട്ടി​ട്ടി​ല്ല. ഓ​ഫി​സി​ലു​ള്ള​വ​ർ വ്യ​ക്തി​പ​ര​മാ​യി ആ​വ​ശ്യ​പ്പെ​ട്ടി​ട്ടു​ണ്ടാ​കാം. അ​ക്കാ​ദ​മി പ​രി​പാ​ടി​ക​ളി​ൽ ഒ​രു​പാ​ട് ത​വ​ണ ഷാ​ജു​വി​നെ സ​ഹ​ക​രി​പ്പി​ച്ചി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.