അച്ഛൻ ക്രൂരമായി ഉപദ്രവിക്കുന്നുവെന്ന്​ ഹാദിയ; പുതിയ വിഡിയോ പുറത്ത്​ -VIDEO

കൊച്ചി: വീട്ടിൽ താൻ മർദനത്തിന് ഇരയാകുന്നതായി ഡോ. ഹാദിയ പറയുന്ന വിഡിയോ ദൃശ്യം രാഹുൽ ഈശ്വർ പുറത്തുവിട്ടു. ഹാദിയ കേസ്​ ഒക്​ടോബർ 30ന്​ സുപ്രീംകോടതിയുടെ പരിഗണനക്ക്​ വരാനിരിക്കെയാണ്​ സെക്കൻഡുകൾ മാത്രം ദൈർഘ്യമുള്ള വിഡിയോ രാഹുൽ ഇൗശ്വർ വാർത്തസമ്മേളനത്തിൽ പുറത്തുവിട്ടത്. 

‘ഞാൻ നാളെയോ മറ്റന്നാളോ മരണപ്പെടും... എനിക്കുറപ്പാണ്​... അതെനിക്കറിയാം. എ​​െൻറ അച്ഛന്​ ദേഷ്യം വരുന്നുണ്ട്​. ​ൈകയിലും കാലിലുമൊക്കെ ചവിട്ടുകയൊക്കെ ചെയ്യുന്നുണ്ട്​. എ​േപ്പാ​െഴങ്കിലും എ​​െൻറ തലയിലോ ശരീരത്തോ ഇടിക്കുകയോ ഞാൻ മരണപ്പെടുകയോ ചെയ്​താൽ...’ ഇത്രയുമാണ്​ വിഡിയോ ദൃശ്യത്തിൽ ഹാദിയയുടെ വാക്കുകൾ. 

ആഗസ്​റ്റിൽ താൻ വൈക്കത്തെ വീട്ടിൽ ഹാദിയയെ സന്ദർശിച്ചപ്പോൾ ചിത്രീകരിച്ചതാണ് വിഡിയോ എന്ന് രാഹുൽ ഈശ്വർ പറഞ്ഞു. താൻ അഖില ഹാദിയ എന്നേ ആ കുട്ടിയെ വിളിക്കൂ. ഇരു മതങ്ങളും തന്നെ തെറ്റിദ്ധരിക്കാതിരിക്കാനാണിത്​. സുപ്രീംകോടതിയുടെയോ വനിത കമീഷ​​െൻറയോ മേൽനോട്ടത്തിൽ വീട്ടിൽനിന്ന്​ ഹാദിയയെ മറ്റൊരു സ്​ഥലത്തേക്ക് മാറ്റണം. ഇക്കാര്യം ആവശ്യപ്പെട്ട്​ താൻ കോടതിയെ സമീപിക്കും. 

മാതാപിതാക്കളുടെ വാദത്തി​​െൻറ ​ശക്തി കുറക്കാൻ ഹാദിയയുടെ വിവാഹം ആസൂത്രിതമായി നടത്തിയതാണെന്ന സംശയം തള്ളിക്കളയാനാവില്ല. അശോകനെ ഉപദേശിക്കുന്നവർക്ക്​ ഹാദിയയോട്​ സ്​നേഹമില്ല. അവർ രാഷ്​ട്രീയം കളിക്കുകയാണ്​. മറുവശത്ത് ഭർത്താവ്​ ഷഫിൻ ജഹാനെയടക്കം ചില സംഘടനകൾ ഉപയോഗിക്കുന്നു. സംരക്ഷിക്കാനെന്ന പേരിൽ ഹാദിയയെ തടങ്കലിലാക്കിയിരിക്കുകയാണ്​. 

ചില ദേശീയ ചാനലുകളിൽ ചർച്ചയിൽ പങ്കെടുത്തപ്പോൾ ഇത് ലവ്​ ജിഹാദാണെന്ന് പറയാൻ തന്നെ നിർബന്ധിച്ചു പക്ഷേ, ഇത് ലവ്​ ജിഹാദല്ല. നിർബന്ധിത മതപരിവർത്തനം വേണമെങ്കിൽ ആരോപിക്കാം. പക്ഷേ, തെളിയിക്കപ്പെടണം. ഹാദിയയുടെ തട്ടമിട്ട ചിത്രം പുറത്തുവിട്ടതാണ് ഒരു വിഭാഗത്തിന്​ തന്നോടുള്ള ദേഷ്യത്തിന് കാരണം. ഹാദിയയുടെ കൂടുതൽ വിഡിയോകൾ കൈവശമുണ്ടെന്നും ചിലരെ വേദനിപ്പിക്കുമെന്നതിനാൽ ഇപ്പോൾ പുറത്തുവിടുന്നില്ലെന്നും രാഹുൽ ഇൗശ്വർ പറഞ്ഞു. ഇവ വനിത കമീഷന്​ കൈമാറിയിട്ടുണ്ട്​.