പുതുവത്സരത്തിലും ഉറ്റവരെത്താതെ 16 മൃതദേഹങ്ങൾ 

കോ​ഴി​ക്കോ​ട്: നാ​ടു മു​ഴു​വ​ൻ പു​തു​വ​ത്സ​ര പു​ല​രി​യി​ലേ​ക്ക് ക​ൺ​തു​റ​ന്ന​പ്പോ​ൾ ഇ​വി​ടെ ഒ​രു​കൂ​ട്ടം മൃ​ത​ദേ​ഹ​ങ്ങ​ൾ ഉ​റ്റ​വ​രു​ടെ വ​ര​വി​നാ‍യി കാ​ത്തി​രി​ക്കു​ന്നു. ഒ​രു​മാ​സ​ത്തോ​ള​മാ​യി 16 മൃ​ത​ദേ​ഹ​ങ്ങ​ളാ​ണ് മെ​ഡി​ക്ക​ൽ കോ​ള​ജി​ലും വ​ട​ക​ര ബീ​ച്ചാ​ശു​പ​ത്രി​യി​ലും ബ​ന്ധു​ക്ക​ളെ​ത്താ​ത്ത​തി​നെ തു​ട​ർ​ന്ന് സൂ​ക്ഷി​ച്ചി​ട്ടു​ള്ള​ത്. 

മെ​ഡി​ക്ക​ൽ കോ​ള​ജ് മോ​ർ​ച്ച​റി​യി​ൽ 14 മൃ​ത​ദേ​ഹ​ങ്ങ​ളും മ​റ്റു ആ​ശു​പ​ത്രി​ക​ളി​ൽ ഓ​രോ​ന്നു​മാ​ണ് ഉ​ള്ള​ത്. ഇ​വി​ട​ങ്ങ​ളി​ൽ സൂ​ക്ഷി​ച്ച 23 മൃ​ത​ദേ​ഹ​ങ്ങ​ളി​ൽ തി​രി​ച്ച​റി​ഞ്ഞ ഏ​ഴു പേ​രു​ടേ​ത് ബ​ന്ധു​ക്ക​ൾ മു​മ്പ് ഏ​റ്റു​വാ​ങ്ങി​യി​രു​ന്നു. ഡി.​എ​ൻ.​എ പ​രി​ശോ​ധ​ന​യി​ലൂ​ടെ തി​രി​ച്ച​റി​ഞ്ഞ​താ​യി​രു​ന്നു ഇ​വ. എ​ന്നാ​ൽ, ഡി.​എ​ൻ.​എ പ​രി​ശോ​ധ​ന പൂ​ർ​ത്തി​യാ​വു​ക​യോ ബ​ന്ധു​ക്ക​ളു​ടെ ഡി.​എ​ൻ.​എ​യു​മാ​യി ക്രോ​സ്മാ​ച്ചി​ങ് പൂ​ർ​ത്തി​യാ​വു​ക​യോ ചെ​യ്യാ​ത്ത​വ​യാ​ണ് മോ​ർ​ച്ച​റി​യു​ടെ ത​ണു​പ്പി​ൽ വി​റ​ങ്ങ​ലി​ച്ചു കി​ട​ക്കു​ന്ന​ത്. തി​രി​ച്ച​റി​യാ​ൻ പ​റ്റാ​ത്ത​വി​ധം അ​ഴു​കി​യും ദ്ര​വി​ച്ചു​മാ​ണ് ഇ​വ​യു​ള്ള​ത്. ന​വം​ബ​ർ 29നാ​ണ് ഓ​ഖി കൊ​ടു​ങ്കാ​റ്റ് ക​ട​ലി​ൽ ആ​ഞ്ഞ​ടി​ച്ച​ത്. തു​ട​ർ​ന്ന് കോ​ഴി​ക്കോ​ടി​​​െൻറ വി​വി​ധ തീ​ര​ങ്ങ​ളി​ലാ​യി 23 മൃ​ത​ദേ​ഹ​ങ്ങ​ൾ ക​ണ്ടെ​ടു​ത്തി​രു​ന്നു.  

ബേ​പ്പൂ​ർ, കൊ​യി​ലാ​ണ്ടി, വ​ട​ക​ര തു​ട​ങ്ങി​യ തീ​ര​ങ്ങ​ളി​ൽ​നി​ന്ന്​ ക​ണ്ടെ​ടു​ത്ത മൃ​ത​ദേ​ഹ​ങ്ങ​ൾ ആ​ശു​പ​ത്രി​യി​ലേ​ക്ക് മാ​റ്റു​ക​യാ​യി​രു​ന്നു. ര​ണ്ട് ത​മി​ഴ്നാ​ട് സ്വ​ദേ​ശി​ക​ളു​ടെ​യും അ​ഞ്ച് തി​രു​വ​ന​ന്ത​പു​രം സ്വ​ദേ​ശി​ക​ളു​ടെ​യും മൃ​ത​ദേ​ഹം ബ​ന്ധു​ക്ക​ൾ നാ​ട്ടി​ലേ​ക്ക് കൊ​ണ്ടു​പോ​യി. ബ​ന്ധു​ക്ക​ൾ ഏ​റ്റു​വാ​ങ്ങു​ന്ന​തു​വ​രെ മൃ​ത​ദേ​ഹ​ങ്ങ​ൾ ഇ​വി​ടെ സൂ​ക്ഷി​ക്കു​മെ​ന്ന് ഡെ​പ്യൂ​ട്ടി ക​ല​ക്ട​ർ പി.​പി. കൃ​ഷ്ണ​ൻ​കു​ട്ടി പ​റ​ഞ്ഞു.