ശമ്പള ഉത്തരവ് കത്തിച്ചവർക്കെതിരെ വ്യാപക സൈബർ ആക്രമണം; പരാതി ​നൽകി

തൃശൂർ: സർക്കാറി​​െൻറ ശമ്പളപിടിത്ത ഉത്തരവ് കത്തിച്ച്​ പ്രതിഷേധിച്ചതി​​​െൻറ പേരിൽ സൈബർ ആക്രമണം നേരിടുന്നുവെ ന്ന് കെ.പി.എസ്.ടി.എ (കേരള പ്രദേശ് സ്കൂൾ ടീച്ചേഴ്സ് അസോസിയേഷൻ) സംസ്ഥാന വൈസ് പ്രസിഡൻറ്​ ഷാഹിദ റഹ്മാൻ. പ്രതിഷേധത്തി ​​െൻറ ചിത്രങ്ങൾ സമൂഹമാധ്യമങ്ങളിൽ പങ്കുവെച്ചിരുന്നു.

ഈ ചിത്രങ്ങൾക്ക് കീഴിൽ വിമർശനങ്ങൾക്കുപരിയായ ആക്രമണമാണ് നടക്കുന്നത്. അശ്ലീല പരാമർശവുമുണ്ട്​. സ്ത്രീത്വത്തെ അപമാനിച്ചതിനെതിരെ പൊലീസിന് പരാതി നൽകിയിട്ടുണ്ട്. സാലറി ചലഞ്ചിന് സംഘടന എതിരല്ല, ശമ്പളം വിട്ടുനൽകില്ലെന്നും പറഞ്ഞിട്ടില്ല. സർക്കാർ ഉത്തരവിലെ മാനദണ്ഡങ്ങൾക്കെതിരെയായിരുന്നു പ്രതിഷേധം.

പക്ഷേ, അതിനെ തെറ്റായി വ്യാഖ്യാനിച്ച്​ അധ്യാപകർക്കെതിരെ തിരിയുകയായിരുന്നു. പ്രളയസമയത്ത് ദുരിതാശ്വാസ നിധിയിലേക്ക് സംഭാവന നൽകിയിരുന്നു. കോവിഡ് കാലത്ത് സംഘടനയുടെ നേതൃത്വത്തിൽ ഭക്ഷ്യകിറ്റ് വിതരണമടക്കമുള്ള പ്രവർത്തനങ്ങളും നടക്കുന്നുണ്ട്. ജനാധിപത്യ രീതിയിൽ നടത്തിയ പ്രതിഷേധത്തെ അശ്ലീല പരാമർശങ്ങ​േളാടെ അപമാനിക്കുകയായിരുന്നുവെന്നും ഷാഹിദ റഹ്മാൻ പറഞ്ഞു. വിഷയത്തിൽ വനിത കമീഷന് പരാതി നൽകുമെന്നും അവർ അറിയിച്ചു.