പാക്​ തെരഞ്ഞെടുപ്പ്​ കമീഷൻ സൈറ്റിൽ മമ്മൂട്ടിയും ഇന്നസെൻറും

ഇസ്​ലാമാബാദ്​: പാകിസ്​താനിലെ തെരഞ്ഞെടുപ്പ്​ കമീഷൻ വെബ്​സൈറ്റിൽ സിനിമാ താരങ്ങളായ മമ്മൂട്ടിയും ഇന്നസ​െൻറും. പാക്​ വിമാനത്തവളത്തി​​െൻറ ​ൈസെറ്റിലുള്ളത്​ ​'സി​.െഎ.ഡി മൂസയിലെ' സലിം കുമാർ. തിരുവനന്തപുരം, കൊച്ചി വിമാനത്താവളങ്ങളുടെ പേരിലുള്ള ചില സൈറ്റുകള്‍ പാക്​ ഹാക്കർമാർ അക്രമിച്ചതിന്​ പിന്നാലെയാണ്​ പാക്​ സൈറ്റുകളിൽ കേരള സൈബർ വാരിയേഴ്​സ്​, മല്ലു സൈബർ ​േ​സാൾജിയേഴ്​സ്​ എന്ന പേരിൽ മലയാളി ഹാക്കർമാർ നുഴഞ്ഞു കയറിയത്​.

കഴിഞ്ഞ ദിവസം പാക്​ വിമാനത്താവളത്തിന്​ നേരെയായിരുന്നു സൈബർ ആക്രമണ​മെങ്കിൽ ഇപ്പോൾ പാക്​ വെബ്​പോർട്ടലുകളിലാണ്​ മലയാളി ഹാക്കർമാർ നുഴഞ്ഞുകയറിയിട്ടുള്ളത്​. 'കശ്മീർ ന്യൂസ് നെറ്റ്‌വർക്ക്' ട്രോളൻമാർക്കായി സമർപ്പിക്കുന്നു എന്നറിയിച്ച്​ പാക്​ ​വെബ്​പോർട്ടലായ മിർപുർ ന്യൂസി​​െൻറ യൂസർ നെയിമും പാസ്​വേഡും സ്വന്തം ഫേസ്​ബുക്​ പേജിൽ കേരള​ സൈബർ വാരിയേഴ്​സ്​ പോസ്​റ്റ്​ ചെയ്​തിട്ടുണ്ട്​.

നേരത്തെ, തിരുവനന്തപുരം, നെടുമ്പാശ്ശേരി വിമാനത്താവളങ്ങളുടേതാണെന്ന ധാരണയില്‍ www.trivandrumairport.com, www.cochinairport.com എന്നീ വെബ്സൈറ്റുകള്‍ കശ്മീരി ചീറ്റ എന്നുപേരുള്ള പാകിസ്താന്‍ ഹാക്കര്‍മാര്‍ തകര്‍ത്തതായി കണ്ടെത്തിയിരുന്നു. എന്നാല്‍, ഈ സൈറ്റുകള്‍ക്ക് വിമാനത്താവളവുമായി ബന്ധമില്ളെന്നും ഇത് സ്വകാര്യ ഡൊമൈനുകളാണെന്നും അധികൃതര്‍ വ്യക്തമാക്കിയിരുന്നു.