പ്രതിക്ക്​ പന്മന ആശ്രമവുമായി ബന്ധമില്ല -ആശ്രമം സെക്രട്ടറി

കൊല്ലം: തിരുവനന്തപുരത്ത് പെൺകുട്ടിയെ പീഡിപ്പിച്ച കേസിലെ പ്രതി ഹരിക്ക് പന്മന ആശ്രമവുമായി ബന്ധമില്ലെന്ന്​ ആശ്രമം സെക്രട്ടറി എ.ആർ. ഗിരീഷ്കുമാർ അറിയിച്ചു. ചാനലുകളിൽ പന്മന ആശ്രമത്തിനെ അപകീർത്തിപ്പെടുത്തുംവിധം സത്യവിരുദ്ധമായ വാർത്തകൾ പ്രചരിച്ചു. 15 വർഷംമുമ്പ് ആശ്രമത്തിൽ വേദപഠനത്തിനെത്തിയ ഹരി ഒന്നരവർഷത്തിനുശേഷം പഠനം പൂർത്തിയാക്കാതെ ആശ്രമം വിട്ടു. ഇയാൾക്ക് തീർഥപാദ പരമ്പരയിൽനിന്ന്​ സന്യാസദീക്ഷ നൽകിയിട്ടില്ല. മറ്റ് പഠിതാക്കൾക്കൊപ്പം ഇയാളും ആശ്രമത്തി​​െൻറ പേരിൽ ഇലക്​ഷൻ ഐ.ഡി കാർഡ് അന്ന് എടുത്തിരുന്നു. തുടർന്ന്​ ഹരിക്ക് ആശ്രമവുമായി ഒരുബന്ധവുമില്ലായിരുന്നു. വസ്​ത​ുത ഇതായിരിക്കെ ചാനലുകളടക്കം ആശ്രമത്തിലെ അന്തേവാസിയെന്ന തരത്തിൽ വാർത്ത നൽകിയതിൽ ആശ്രമ ഭരണസമിതി പ്രതിഷേധിച്ചു.