ദൈവത്തിൻെറ പേരിൽ പീഡനം തുടർന്നു, നിവൃത്തിയില്ലാതെ ലിംഗച്ഛേദം നടത്തി

തി​രു​വ​ന​ന്ത​പു​രം: ഗം​ഗേ​ശാ​ന​ന്ദ സ്വാ​മി​യെ​ന്ന ശ്രീ​ഹ​രി പേ​ട്ട ക​ണ്ണ​മ്മൂ​ല​യി​ലെ പെ​ൺ​കു​ട്ടി​യെ നി​ര​ന്ത​രം പീ​ഡി​പ്പി​ച്ച​ത് ദൈ​വ​ത്തി‍​​​െൻറ പേ​രു​പ​റ​ഞ്ഞ്. 2012ൽ ​പു​റ​ത്തി​റ​ങ്ങി​യ ആ​ഷി​ക്ക് അ​ബു ചി​ത്ര​മാ​യ ‘22 ഫീ​മെ​യി​ൽ കോ​ട്ട​യം’ മോ​ഡ​ൽ സം​ഭ​വ​മാ​ണ് ത​ല​സ്ഥാ​ന​ത്ത് അ​ര​ങ്ങേ​റി​യ​ത്.​ ക​ണ്ണ​മ്മൂ​ല​യി​ൽ ച​ട്ട​മ്പി​സ്വാ​മി​യു​ടെ ജ​ന്മ​സ്ഥ​ല​മെ​ന്ന് അ​ദ്ദേ​ഹ​ത്തി​​​െൻറ ഭ​ക്ത​ർ ക​രു​തു​ന്ന ഭൂ​മി​യി​ൽ ഐ.​പി.​എ​സ് ഉ​ദ്യോ​ഗ​സ്ഥ ഡോ. ​ബി. സ​ന്ധ്യ വീ​ടു​പ​ണി​യാ​ൻ തു​ട​ങ്ങി​യ​തോ​ടെ​യാ​ണ് ഗം​ഗേ​ശാ​ന​ന്ദ സ്വാ​മി ത​ല​സ്ഥാ​ന​ത്ത് വേ​രു​റ​പ്പി​ക്കു​ന്ന​ത്.

സ്ഥ​ലം സം​ര​ക്ഷി​ക്കാ​ൻ ച​ട്ട​മ്പി​സ്വാ​മി​യു​ടെ ഭ​ക്ത​ർ സ​മ​ര​വു​മാ​യി രം​ഗ​ത്തെ​ത്തി. ഇ​തി‍​​​െൻറ മു​ൻ​നി​ര​യി​ൽ ഗം​ഗേ​ശാ​ന​ന്ദ​യാ​യി​രു​ന്നു. സ​മ​ര​ത്തി​നി​ട​യി​ൽ പ്രാ​ഥ​മി​ക ക​ർ​മ​ങ്ങ​ൾ​ക്കും പൂ​ജാ​ദി ആ​വ​ശ്യ​ങ്ങ​ൾ​ക്കും ഇ​യാ​ൾ പെ​ൺ​കു​ട്ടി​യു​ടെ വീ​ട്ടി​ലെ​ത്തി. തു​ട​ർ​ന്ന് വീ​ട്ടു​കാ​രു​മാ​യി അ​ടു​പ്പ​ത്തി​ലാ​യി. കോ​ട​തി വി​ധി​യു​ടെ പ​ശ്ചാ​ത്ത​ല​ത്തി​ൽ ബി. ​സ​ന്ധ്യ​ക്ക്  ഭൂ​മി​യി​ൽ ഉ​ട​മ​സ്ഥാ​വ​കാ​ശം ല​ഭി​ച്ച​തോ​ടെ സ​മ​രം അ​വ​സാ​നി​ച്ചു. പ​ക്ഷേ, പെ​ൺ​കു​ട്ടി​യു​ടെ വീ​ടു​മാ​യു​ള്ള ബ​ന്ധം ഉ​പേ​ക്ഷി​ക്കാ​ൻ ത​യാ​റാ​യി​ല്ല. വീ​ട്ടു​കാ​രു​ടെ വി​ശ്വാ​സം നേ​ടി​യ ഗം​ഗേ​ശാ​ന​ന്ദ മ​ക​ൾ​ക്ക് ഈ​ശ്വ​ര കോ​പ​മു​ണ്ടെ​ന്നും പ​രി​ഹാ​ര​മാ​യി കോ​ട്ട​യം, എ​റ​ണാ​കു​ളം ജി​ല്ല​ക​ളി​ലെ ആ​ശ്ര​മ​ങ്ങ​ളും അ​മ്പ​ല​ങ്ങ​ളും സ​ന്ദ​ർ​ശി​ച്ച് പൂ​ജ​ക​ൾ ന​ട​ത്തേ​ണ്ടി​വ​രു​മെ​ന്നും വീ​ട്ടു​കാ​രോ​ട് പ​റ​ഞ്ഞു.

ഇ​ത്​ വി​ശ്വ​സി​ച്ച വീ​ട്ടു​കാ​ർ പ്ല​സ് ടു ​വി​ദ്യാ​ർ​ഥി​യാ​യ പെ​ൺ​കു​ട്ടി​യെ ഗം​ഗേ​ശാ​ന​ന്ദ​ക്കൊ​പ്പം അ​യ​ച്ചു. ഈ ​കാ​ല​ത്താ​ണ് യു​വ​തി ആ​ദ്യ​മാ​യി പീ​ഡ​ന​ത്തി​ന് ഇ​ര​യാ​യത്. ത​ന്നി​ലൂ​ടെ ദൈ​വ​ത്തി‍​​​െൻറ അ​നു​ഗ്ര​ഹം ല​ഭി​ക്കു​മെ​ന്ന് പ​റ​ഞ്ഞാ​യി​രു​ന്ന​േ​ത്ര പീ​ഡ​നം. എ​ന്നാ​ൽ, തി​രി​ച്ച​റി​വെ​ത്തി​യ​തോ​ടെ പീ​ഡ​ന​ത്തെ എ​തി​ർ​ത്തു. എ​ന്നാ​ൽ, വീ​ട്ടു​കാ​രു​ടെ​യും നാ​ട്ടു​കാ​രു​ടെ​യും ഇ​ട​യി​ൽ മോ​ശ​ക്കാ​രി​യാ​ക്കു​മെ​ന്നു​പ​റ​ഞ്ഞ് ഭീ​ഷ​ണി​പ്പെ​ടു​ത്തി പീ​ഡ​നം തു​ട​രു​ക​യാ​യി​രു​ന്നു.

അ​വ​സാ​നം സ്വ​യ​ര​ക്ഷ​ക്കു വേ​ണ്ടി​യാ​ണ് ക​ത്തി​യെ​ടു​ക്കേ​ണ്ടി​വ​ന്ന​തെ​ന്നും യു​വ​തി പൊ​ലീ​സി​നോ​ട് പ​റ​ഞ്ഞു. സം​ഭ​വ​ത്തി​നു​ശേ​ഷം വീ​ടു​വി​ട്ടി​റ​ങ്ങി​യോ​ടി​യ യു​വ​തി​യെ ശ​നി​യാ​ഴ്ച പു​ല​ർ​ച്ച വ​ഴി​യി​ൽ​നി​ന്നാ​ണ് പൊ​ലീ​സ് കണ്ടെത്തിയ​ത്. ലിം​ഗ​ച്ഛേ​ദ​വു​മാ​യി ബ​ന്ധ​പ്പെ​ട്ട് യു​വ​തി​ക്കെ​തിെ​ര കേ​സെ​ടു​ക്കു​ന്ന കാ​ര്യം തീ​രു​മാ​നി​ച്ചി​ട്ടി​ല്ലെ​ന്ന്​ സി​റ്റി പൊ​ലീ​സ് ക​മീ​ഷ​ണ​ർ ജി. ​സ്പ​ർ​ജ​ൻ കു​മാ​ർ ‘മാ​ധ്യ​മ’​ത്തോ​ട് പ​റ​ഞ്ഞു.