സ്വർണക്കടത്ത്​ കേസ്​ പ്രതികളെ ജയിൽ മാറ്റാൻ കസ്റ്റംസ്​ നീക്കം

കൊച്ചി: തിരുവനന്തപുരം സ്വർണക്കടത്ത്​ കേസിലെ പ്രതികളെ ​ജയിൽ മാറ്റാനൊരുങ്ങി കസ്റ്റംസ്​. ഇവർക്കെതിരായ ജയിൽ വകുപ്പിന്‍റെ റിപ്പോർട്ട്​ പരിഗണിച്ചാണ്​ നീക്കം. സരിത്തിനേയും റമീസിനേയും കേരളത്തിന്​ പുറത്തെ ജയിലിലേക്ക്​ മാറ്റാനാണ്​ കസ്റ്റംസ്​ നീക്കം. പ്രതികളുടെ കൂടി സമ്മതപ്രകാരമായിരിക്കും ജയിൽ മാറ്റം.

പ്രതികൾ ജയിൽ നിയമങ്ങൾ അനുസരിക്കാൻ തയാറാവുന്നില്ലെന്നതാണ്​ ജയിൽ വകുപ്പിന്‍റെ പ്രധാന ആക്ഷേപം. റമീസ്​ സെല്ലിൽ ലഹരി ഉപയോഗിച്ചുവെന്ന്​ ജയിൽ വകുപ്പ്​ റിപ്പോർട്ടിലുണ്ട്​. സരിത്ത്​ ഇതിന്​ കാവൽ നിന്നുവെന്നും റിപ്പോർട്ടിൽ​ വ്യക്​തമാക്കുന്നു.

പ്രതികൾ നിരന്തരമായി പുറത്ത്​ നിന്ന്​ ഭക്ഷണം ആവശ്യപ്പെടുന്നു. ജൂലൈ അഞ്ചാം തീയതിയിലെ സി.സി.ടി.വി ദൃശ്യങ്ങൾ ഉൾപ്പടെ പരിശോധിച്ചാണ്​ ജയിൽ വകുപ്പിന്‍റെ പരാതി.