Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവരാപ്പുഴ കസ്​റ്റഡി...

വരാപ്പുഴ കസ്​റ്റഡി മരണം: നാല്​ പൊലീസുകാർകൂടി പ്രതികൾ

text_fields
bookmark_border
വരാപ്പുഴ കസ്​റ്റഡി മരണം: നാല്​ പൊലീസുകാർകൂടി പ്രതികൾ
cancel

കൊച്ചി: വരാപ്പുഴയിൽ ശ്രീജിത്ത്​ ​കസ്​റ്റഡിയിൽ മരിച്ച സംഭവത്തിൽ നാല്​ പൊലീസുകാരെക്കൂടി പ്രതിചേർത്തു. ഏപ്രിൽ ആറിന്​ രാ​ത്രി വരാപ്പുഴ സ്​റ്റേഷനിൽ ശ്രീജിത്തിന്​ മർദനമേൽക്കു​േമ്പാൾ ഡ്യൂട്ടിയിലുണ്ടായിരുന്ന എ.എസ്​.​െഎമാരായ ജയാനന്ദൻ, സന്തോഷ് ബേബി​, സിവിൽ പൊലീസ്​ ഒാഫിസർമാരായ ശ്രീരാജ്​, സുനിൽകുമാർ എന്നിവരെയാണ്​ പ്രതികളാക്കിയത്​. ശ്രീജിത്തിനെ അന്യായമായി തടങ്കലിൽ വെക്കാൻ കൂട്ടുനിന്നുവെന്ന കുറ്റം ചുമത്തി ഇവർക്കെതിരെ പറവൂർ കോടതിയിൽ കുറ്റപത്രം സമർപ്പിച്ചു. കേസിൽ നാട്ടുകാരായ എട്ട്​ സാക്ഷികളുടെ രഹസ്യമൊഴി രേഖപ്പെടുത്താനും കോടതി അന്വേഷണസംഘത്തിന്​ അനുമതി നൽകി. 

ശ്രീജിത്തിനെ വരാപ്പുഴ എസ്​.​െഎ ജി.എസ്​. ദീപക്​ സെല്ലിലിട്ട്​ മർദിക്കു​േമ്പാൾ അവിടെയുണ്ടായിരുന്നവരാണ്​ പ്രതിചേർക്കപ്പെട്ട നാല്​ പൊലീസുകാരും. ശ്രീജിത്തി​​​​െൻറ അന്യായ തടങ്കലടക്കമുള്ള കാര്യങ്ങളിൽ ഇവർക്കും പങ്കുണ്ടെന്നാണ്​ അ​േന്വഷണ സംഘത്തി​​​​െൻറ കണ്ടെത്തൽ. സ്​റ്റേഷനിൽ ശ്രീജിത്തിന്​ മർദനമേറ്റ കാര്യം ഇവർ  മറച്ചുവെക്കുകയും ചെയ്​തത്രെ. 

അതേസമയം, സംഭവത്തിൽ​ പറവൂർ സി.​െഎ, വരാപ്പുഴ എസ്​.​െഎ എന്നിവരടക്കം ഒമ്പത്​ പൊലീസുകാർക്കെതിരെ നടപടിയെടുത്തിട്ടും ശ്രീജിത്തി​​​​െൻറ കസ്​റ്റഡിയും തുടർനടപടിയുമടക്കമുള്ള കാര്യങ്ങൾക്ക്​ കീഴു​േദ്യാഗസ്​ഥർക്ക്​ നിർദേശം നൽകിയ മുൻ റൂറൽ എസ്​.പി എ.വി. ജോർജിനെ പ്രതി ചേർക്കാത്തതിൽ പ്രതിഷേധം ശക്​തമാണ്​. ജോർജി​നെ രണ്ടുവട്ടം ചോദ്യം ചെയ്​ത അന്വേഷണസംഘം ഇക്കാര്യത്തിൽ നിയമോപദേശം തേടിയശേഷം തീരുമാനമെടുക്കും. 

ശ്രീജിത്തിനെ കസ്​റ്റഡിയിലെടുക്കാൻ നിർദേശം നൽകിയ എ.വി. ജോർജിനെതിരെ കൊലക്കുറ്റം ചുമത്തി കേസെടുക്കണമെന്നും അന്വേഷണം സി.ബി.​െഎക്ക്​ വിടണമെന്നുമാണ്​ കുടുംബാംഗങ്ങളുടെ ആവശ്യം​. സംഭവദിവസം സ്​റ്റേഷനിലുണ്ടായിരുന്ന പൊലീസുകാരെ പോലും പ്രതികളാക്കിയിട്ടും ശ്രീജിത്തിനെ കസ്​റ്റഡിയിലെടുത്ത്​ മർദിച്ച റൂറൽ ടൈഗർ ഫോഴ്​സിന്​ നേതൃത്വം നൽകിയ ജോർജിനെതിരെ നടപടിയില്ലാത്തതാണ്​ പ്രതിഷേധത്തിന്​ ഇടയാക്കുന്നത്​. 

വരാപ്പുഴ വീടാക്രമണം: പ്രതികളുമായി തെളിവെടുത്തു; ആയുധങ്ങൾ കണ്ടെത്തി
പറവൂർ: വരാപ്പുഴ വീടാക്രമണ കേസിൽ പിടിയിലായ പ്രതികളുമായി പ്രത്യേക അന്വേഷണസംഘം തെളിവെടുപ്പ് നടത്തി. കനത്ത പൊലീസ് സംരക്ഷണത്തിൽ വ്യാഴാഴ്ച രാവിലെ ആറോടെയാണ് വരാപ്പുഴയിൽ പ്രതികളെ കൊണ്ടുവന്ന് തെളിവെടുത്തത്. ദേവസ്വംപാടം തലോണിച്ചിറ വീട്ടിൽ ബ്രഡ്​ഡൻ എന്ന വിപിൻ (27), ദേവസ്വംപാടം മദ്ദളക്കാരൻപറമ്പിൽ ശ്രീജിത്ത് എന്ന തുളസീദാസ് (23), തേവർക്കാട് കുഞ്ഞാത്തുപറമ്പിൽ വീട്ടിൽ കെ.ബി. അജിത്ത് (26) എന്നിവരെയാണ് തെളിവെടുപ്പിന് എത്തിച്ചത്.

വീടാക്രമണത്തെത്തുടർന്ന് ആത്മഹത്യ ചെയ്ത ദേവസ്വംപാടം കുളമ്പുകണ്ടത്തിൽ വാസുദേവ​​​െൻറ വീടിന് സമീപമാണ് ആദ്യം പ്രതികളെ കൊണ്ടുവന്നത്. ഇവിടെനിന്ന്​ അധികം അക​െലയല്ലാതെ ഒഴിഞ്ഞപറമ്പിൽനിന്ന്​ പ്രതികളിലൊരാൾ ഒളിപ്പിച്ചിരുന്ന കമ്പിവടിയും മറ്റൊരു പ്രതിയുടെ വീട്ടിൽനിന്ന്​ വടിവാളും കണ്ടെടുത്തു. പിന്നീട് പ്രതികൾ മൂന്നുപേരു​െടയും വീടുകളിലും ദേവസ്വം പനക്കൽ ഭദ്രകാളി ക്ഷേത്രത്തിന് സമീപവും എത്തിച്ച്​ തെളിവെടുത്തു. സുരക്ഷയുടെ ഭാഗമായി ബിനാനിപുരം, പറവൂർ, ചേരാനല്ലൂർ സ്​റ്റേഷനുകളിൽനിന്ന്​ പൊലീസുകാരെ വിന്യസിച്ചിരുന്നു. 

വരാപ്പുഴയിൽ കസ്​റ്റഡി മരണത്തിന് വഴിയൊരുക്കിയ ദേവസ്വംപാടം വീടാക്രമണ കേസിൽ ഒളിവിലായിരുന്ന പ്രതികൾ ശനിയാഴ്ച ആലുവ മജിസ്ട്രേറ്റ് കോടതിയിൽ കീഴടങ്ങുകയായിരുന്നു. 14 ദിവസത്തേക്ക് റിമാൻഡ്​​ ചെയ്ത പ്രതികളെ പൊലീസി​​​െൻറ അപേക്ഷയെത്തുടർന്നാണ്​ കോടതി കസ്​റ്റഡിയിൽ വിട്ടുകൊടുത്തത്​. കസ്​റ്റഡിയിലുള്ള വിപി​​​െൻറ സഹോദരനും ഗുണ്ട ആക്രമണക്കേസിൽ പ്രതിയുമായ വിഞ്ചു ഒളിവിലാണ്.

Show Full Article
TAGS:custody death sreejith Police men kerala news malayalam news 
News Summary - Custody Death: Four Police men Also Culprit -Kerala News
Next Story