Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightറി​മാ​ൻ​ഡ്​...

റി​മാ​ൻ​ഡ്​ പ്ര​തി​യു​ടെ മ​ര​ണം: ജയിലിലെ സി.സി.ടിവി ദൃശ്യങ്ങൾ ക്രൈംബ്രാഞ്ച് ശേഖരിച്ചു

text_fields
bookmark_border
shafeek Custody Death
cancel

എറണാകുളം: റി​മാ​ൻ​ഡ്​ പ്ര​തി കോട്ടയം സ്വദേശി ഷെ​ഫീ​ഖ്​ മ​രിച്ച സംഭവത്തിൽ ക്രൈംബ്രാഞ്ച് സംഘം അന്വേഷണം തുടങ്ങി. ഷെ​ഫീ​ഖ് റി​മാ​ൻ​ഡിൽ കഴിഞ്ഞിരുന്ന ജയിലിലെ സി.സി.ടിവി ദൃശ്യങ്ങൾ ക്രൈംബ്രാഞ്ച് സംഘം ശേഖരിച്ചു. ഷെ​ഫീ​ഖ് ജയിലിൽ തലകറങ്ങി വീഴുന്നത് ദൃശ്യങ്ങളിൽ കാണാമെന്നാണ് വിവരം.

കാക്കനാട് ജില്ലാ ജയിൽ അധികൃതരിൽ നിന്ന് അന്വേഷണ സംഘം മൊഴി രേഖപ്പെടുത്തി. ഷെ​ഫീ​ഖിന് ചികിത്സ കിട്ടാൻ വൈകിയോയെന്നും ക്രൈംബ്രാഞ്ച് പരിശോധിക്കും.

ജനുവരി 13നാണ് റിമാൻഡ് പ്രതി കാ​ഞ്ഞി​ര​പ്പ​ള്ളി വ​ട്ട​ക​പ്പാ​റ തൈ​പ്പ​റ​മ്പി​ല്‍ ഷെ​ഫീ​ഖ്​ (35) ത​ല​ക്കേ​റ്റ ക്ഷ​തം മൂ​ല​ം മരിച്ചത്. കൊ​ച്ചി കാ​ക്ക​നാ​ട് ജി​ല്ല ജ​യി​ലി​നോ​ട​് അനു​ബ​ന്ധി​ച്ച ബോ​സ്​​റ്റ​ൽ സ്കൂ​ൾ ക്വാ​റന്‍റീ​ൻ സെന്‍ററി​ൽ റി​മാ​ൻ​ഡി​ൽ ക​ഴി​യവെയാണ് സംഭവം.

ത​ല​ക​റ​ങ്ങി വീ​ണ​ ഷെ​ഫീ​ഖിനെ ജ​യി​ൽ അ​ധി​കൃ​ത​ർ ആ​ദ്യം എ​റ​ണാ​കു​ളം ജി​ല്ല ആ​ശു​പ​ത്രി​യി​ലും പി​ന്നീ​ട്​ കോ​ട്ട​യം മെ​ഡി​ക്ക​ൽ കോ​ള​ജി​ലും പ്ര​വേ​ശി​പ്പി​ക്കു​ക​യാ​യി​രു​ന്നു. അ​പ​സ്മാ​ര​ബാ​ധ​യെ തു​ട​ർ​ന്നാ​ണ്​ ​ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​തെ​ന്ന്​​ ജ​യി​ൽ അ​ധി​കൃ​ത​ർ പ​റ​യു​ന്നത്.

കോ​ട്ട​യം മെ​ഡി​ക്ക​ൽ കോ​ള​ജി​ൽ ന​ട​ത്തി​യ പ​രി​ശോ​ധ​ന​യി​ൽ ത​ല​ക്കു​ള്ളി​ൽ ര​ക്ത​സ്രാ​വം ക​ണ്ടെത്തു​ക​യും അ​ടി​യ​ന്ത​ര ശ​സ്ത്ര​ക്രി​യ തീ​രു​മാ​നി​ക്കു​ക​യും ചെ​യ്​​തു. ഇ​തി​നു​ള്ള ത​യാ​റെ​ടു​പ്പു​ക​ൾ​ക്കി​ടെയാണ് മരണം സംഭവിച്ചത്.

ശ​സ്​​ത്ര​ക്രി​യ​ക്കാ​യി ത​ല​മു​ടി ഷേ​വ് ചെ​യ്ത​പ്പോ​ൾ ത​ല​യു​ടെ വി​വി​ധ ഭാ​ഗ​ങ്ങ​ളി​ലും മു​ഖ​ത്തും മ​ർ​ദ​ന​മേ​റ്റെ​ന്ന്​ തോ​ന്നി​ക്കു​ന്ന പാ​ടു​ക​ൾ ക​ണ്ടു. ഇ​ത്​ ക​സ്​​റ്റ​ഡി​യി​ൽ മ​ർ​ദ​ന​മേ​റ്റ​തിന്‍റേ​താ​ണെ​ന്നാ​ണ്​ സം​ശ​യം. ഷ​ഫീ​ഖി​ന്‍റെ ത​ല​യി​ലും മു​ഖ​ത്തും മ​ർ​ദ​ന​മേ​റ്റ​തി​ന്‍റെ പാ​ടു​ക​ളു​ണ്ടെ​ന്നും മ​ര​ണ​ത്തി​ൽ ദു​രൂ​ഹ​തയു​ണ്ടെ​ന്നും ബ​ന്ധു​ക്ക​ൾ ആ​രോ​പി​ച്ചിരുന്നു.

ത​ല​ക്കേ​റ്റ ക്ഷ​ത​െ​ത്ത​ തു​ട​ര്‍ന്നു​ണ്ടാ​യ ആ​ന്ത​രി​ക ര​ക്ത​സ്രാ​വ​മാ​ണ് ഷെഫീഖിന്‍റെ മ​ര​ണ​ത്തി​ലേ​ക്ക്​ ന​യി​ച്ച​തെന്നാണ് പോ​സ്​​റ്റ്​​മോ​ര്‍ട്ടം റി​പ്പോ​ര്‍ട്ടിൽ പറയുന്നത്. ത​ല​യു​ടെ പി​ൻ​ഭാ​ഗ​ത്ത്​ ചെ​റി​യ മു​റി​വു​ണ്ട്. ഇ​ട​തു​ക​ണ്ണി​െൻറ മേ​ൽ​ഭാ​ഗ​ത്ത് നെ​റ്റി​യി​ലു​ണ്ടാ​യ ആ​ഴ​ത്തി​ലു​ള്ള മു​റി​വു​മൂ​ലം ത​ല​ക്കു​ള്ളി​ൽ ര​ക്ത​സ്രാ​വം ഉ​ണ്ടാ​കു​ക​യും പി​ന്നീ​ട് ര​ക്തം ക​ട്ട​പി​ടി​ക്കു​ക​യും ചെ​യ്തി​രു​ന്നുവെന്ന് റിപ്പോർട്ടിൽ വിവരിക്കുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Custody deathshafeek death
Next Story