കസ്റ്റഡിയിലെടുത്ത്​ മർദനം: വനം ഉദ്യോഗസ്ഥർക്കെതിരെ ഹരജിയുമായി പ്രതി

കൊച്ചി: ഹൈകോടതി ഉത്തരവ്​ നിലനിൽക്കെ​ പ്രതിയെ ബലമായി കസ്റ്റഡിയിലെടുത്ത്​ മർദിച്ചെന്നാരോപിച്ച്​ വനം ഉദ്യോഗസ്ഥർക്കെതിരെ കോടതിയലക്ഷ്യ ഹരജി. മണ്ണാർക്കാട്​ ഫോറസ്റ്റ് റേഞ്ച് ഓഫിസർ എൻ. സുബൈറിനെതിരെ നടപടി സ്വീകരിക്കണമെന്നാണ്​ ഹരജിയിലെ ആവശ്യം.

കാട്ടുപോത്തിനെ വേട്ടയാടിയ കേസിലെ പ്രതി പാലക്കാട് മണ്ണാർക്കാട് സ്വദേശി മുല്ലക്കോയയാണ് ഹരജി നൽകിയത്​. ഹരജിയിൽ ജസ്റ്റിസ് എ. ബദറുദ്ദീൻ സർക്കാറിന്‍റെ വിശദീകരണം തേടി.

കേസിൽ 12ാം പ്രതിയാണ്​ ഹരജിക്കാരൻ. മാർച്ച്​ മൂന്നിനാണ്​ മുല്ലക്കോയയെ അന്വേഷണ സംഘം വീട്ടിൽ അതിക്രമിച്ച് കയറി അറസ്റ്റ് ചെയ്യുകയും മർദിക്കുകയും ചെയ്തതെന്ന്​ ഹരജിയിൽ പറയുന്നു. ഹരജി 10 ദിവസത്തിനുശേഷം പരിഗണിക്കാൻ മാറ്റി.