ഫെസ്റ്റ്​ മൂന്നുവർഷത്തിന് ശേഷം; ബാക്കിയായത്​ സങ്കടം

ക​ള​മ​ശ്ശേ​രി: സ്​​ഫോ​ട​ന​ദു​ര​ന്തം ന​ട​ന്ന് ഒ​രു​മാ​സം തി​ക​യു​ന്ന​തി​നി​ടെ എ​ത്തി​യ കു​സാ​റ്റ് ദു​ര​ന്ത​ത്തി​ന്റെ ഞെ​ട്ട​ലി​ൽ ക​ള​മ​ശ്ശേ​രി. ഒ​ക്ടോ​ബ​ർ 29നാ​യി​രു​ന്നു നാ​ടി​നെ ഞെ​ട്ടി​ച്ച് ക​ള​മ​ശ്ശേ​രി സം​റ ക​ൺ​വെ​ൻ​ഷ​ൻ സെ​ന്റ​റി​ൽ യ​ഹോ​വ​യു​ടെ സാ​ക്ഷി​ക​ളു​ടെ പ​രി​പാ​ടി​ക്കി​ടെ ബോം​ബ് സ്​​ഫോ​ട​ന​മു​ണ്ടാ​യ​ത്. ഇ​തി​ൽ സം​ഭ​വ​ദി​വ​സം മൂ​ന്നു​പേ​രും പി​ന്നാ​ലെ​യു​ള്ള ദി​വ​സ​ങ്ങ​ളി​ൽ മൂ​ന്നു​പേ​രും മ​രി​ച്ചി​രു​ന്നു.

ഇ​തി​ന്റെ ഞെ​ട്ട​ൽ മാ​റു​ന്ന​തി​നി​ടെ​യാ​ണ് നൂ​റു​ക​ണ​ക്കി​ന്​ വി​ദ്യാ​ർ​ഥി​ക​ൾ പ​ങ്കെ​ടു​ത്ത കൊ​ച്ചി ശാ​സ്ത്ര സാ​ങ്കേ​തി​ക സ​ര്‍വ​ക​ലാ​ശാ​ല​യു​ടെ അ​ഡ്വാ​ന്‍സ്ഡ് സെ​ന്റ​ര്‍ ഫോ​ര്‍ അ​റ്റ്‌​മോ​സ്‌​ഫെ​റി​ക് റ​ഡാ​ര്‍ റി​സ​ര്‍ച്ചും സ്‌​കൂ​ള്‍ ഒാ​ഫ് എ​ൻ​ജി​നീ​യ​റി​ങ്ങും ചേ​ര്‍ന്ന് സം​ഘ​ടി​പ്പി​ച്ച ടെ​ക്ഫെ​സ്റ്റി​നി​ടെ ദു​ര​ന്ത​മു​ണ്ടാ​യ​ത്. വെ​ള്ളി​യാ​ഴ്ച തു​ട​ങ്ങി​യ ഫെ​സ്റ്റി​ന്റെ ര​ണ്ടാം ദി​ന​ത്തി​ൽ ന​ട​ക്കാ​നി​രു​ന്ന ബോ​ളി​വു​ഡ് ഗാ​യി​ക നി​ഖി​ത ഗാ​ന്ധി​യു​ടെ ഗാ​ന​സ​ന്ധ്യ കേ​ൾ​ക്കാ​ൻ എ​ത്തി​യ​വ​രാ​ണ് ദു​ര​ന്ത​ത്തി​ൽ​പെ​ട്ട​ത്. പ​രി​പാ​ടി​ക്കാ​യി അ​ട​ച്ചി​ട്ട ഗേ​റ്റ് തു​റ​ക്കു​ന്ന​തി​നു​മു​മ്പ് മ​ഴ​പെ​യ്ത​തോ​ടെ അ​ക​ത്തേ​ക്ക് ത​ള്ളി​ക്ക​യ​റാ​ൻ ശ്ര​മി​ച്ച​താ​ണ് അ​പ​ക​ട കാ​ര​ണ​മെ​ന്നാ​ണ് പൊ​ലീ​സ് പ​റ​ഞ്ഞ​ത്.

ദു​ര​ന്ത​വാ​ർ​ത്ത പു​റ​ത്തു​വ​ന്ന​തോ​ടെ മെ​ഡി​ക്ക​ൽ കോ​ള​ജി​ലേ​ക്ക് ജ​ന​ങ്ങ​ളു​ടെ ഒ​ഴു​ക്കാ​യി​രു​ന്നു. നാ​ലു​പേ​ർ മ​രി​ച്ച​ത​റി​ഞ്ഞ​തോ​ടെ ത​ങ്ങ​ൾ​ക്കൊ​പ്പ​മു​ള്ള​വ​ർ ആ​രാ​യി​രി​ക്കും എ​ന്ന​റി​യാ​ൻ കു​സാ​റ്റി​ൽ​നി​ന്നു​ള്ള വി​ദ്യാ​ർ​ഥി​ക​ളും എ​ത്തി​യ​തോ​ടെ ക​ള​മ​ശ്ശേ​രി മെ​ഡി​ക്ക​ൽ കോ​ള​ജ്​ അ​ത്യാ​ഹി​ത വി​ഭാ​ഗ​ത്തി​നു​മു​ന്നി​ൽ ജ​ന​ത്തി​ര​ക്ക് നി​യ​ന്ത്രി​ക്കാ​ൻ പൊ​ലീ​സി​ന് ഏ​റെ ബു​ദ്ധി​മു​ട്ടേ​ണ്ടി​വ​ന്നു.

വ​ർ​ഷാ​വ​ർ​ഷം ന​ട​ന്നു​വ​ന്ന ടെ​ക്​​ഫെ​സ്റ്റ്​ കോ​വി​ഡ് സാ​ഹ​ച​ര്യ​ത്തി​ൽ മു​ട​ങ്ങു​ക​യാ​യി​രു​ന്നു. പി​ന്നീ​ട് മൂ​ന്നു​വ​ർ​ഷ​ത്തി​നു​ശേ​ഷം ന​ട​ത്തി​യ പ​രി​പാ​ടി​യു​ടെ ആ​വേ​ശ​ത്തി​ലാ​യി​രു​ന്നു വി​ദ്യാ​ർ​ഥി​ക​ൾ.