ആദായനികുതി പരിശോധന ഒഴിവാക്കാമെന്ന് ഉറപ്പ് നൽകിയില്ല -കുമ്മനം

കൊച്ചി: കടയടപ്പ്​ സമരം പിൻവലിക്കാനായി ആദായനികുതി പരിശോധന ഒഴിവാക്കാമെന്ന് വ്യാപാരികൾക്ക് യാതൊരു ഉറപ്പും നൽകിയിട്ടില്ലെന്ന് ബി.ജെ.പി സംസ്ഥാന അധ്യക്ഷൻ കുമ്മനം രാജശേഖരൻ. കടയടപ്പ്​ സമരം ജനങ്ങളെ ബുദ്ധിമുട്ടിലാക്കുമെന്നും അതിനാൽ പിൻവലിക്കണമെന്നും വ്യാപാരികളുടെ സംഘടനയോട് അഭ്യർഥിച്ചിരുന്നു.

പണം പിൻവലിച്ച കേന്ദ്രസർക്കാർ നടപടിയിലെ പൊതുജന താൽപര്യം കേരള സർക്കാർ കാണുന്നില്ല. മുഖ്യമന്ത്രിയുടെ ഇപ്പോഴത്തെ സമീപനത്തിന് പിന്നിൽ രാഷ്ട്രീയമാണെന്നും കുമ്മനം ആരോപിച്ചു.