ആറാം ക്ലാസ് വിദ്യാർഥിക്ക് ക്രൂരമര്‍ദനം: വീണ ജോര്‍ജ് അടിയന്തര റിപ്പോര്‍ട്ട് തേടി

കൊല്ലം: ആറാം ക്ലാസ് വിദ്യാർഥിയെ ട്യൂഷന്‍ സെന്റര്‍ അധ്യാപകന്‍ ക്രൂരമായി മര്‍ദിച്ച സംഭവത്തില്‍ ഉന്നതലതല ഉദ്യോഗസ്ഥര്‍ സന്ദര്‍ശിച്ച് അടിയന്തരമായി റിപ്പോര്‍ട്ട് നല്‍കാന്‍ മന്ത്രി വീണാ ജോര്‍ജ് വനിത ശിശുവികസന വകുപ്പ് ഡയറക്ടര്‍ക്ക് നിര്‍ദേശം നല്‍കി.

ട്യൂഷൻ സെന്റിറിൽ അധ്യാപകന്റെ ക്രൂരമർദനമേറ്റു വെന്നായിരുന്നു പരാതി. ദേഹമാസകലം അടിയേറ്റ നിലയിൽ പട്ടത്താനം സ്വദേശിയായ 12 വയസുകാരനെ ജില്ലാ ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് കുട്ടിയുടെ അമ്മ ചൈൽഡ് ലൈനിനെ സമീപിച്ചിരുന്നു.