ബിറ്റ്​കോയി​െൻറ പേരിൽ കോടികളുടെ നിക്ഷേപം​; യുവകോടീശ്വര​െൻറ തുടക്കവും ഒടുക്കവും ദുരൂഹതയിൽ

പു​ലാ​മ​ന്തോ​ൾ (മ​ല​പ്പു​റം): വ​ട​ക്ക​ൻ പാ​ലൂ​ർ എ​ന്ന ഗ്രാ​മ​ത്തി​ൽ​നി​ന്ന് അ​ലാ​വു​ദ്ദീ​​​െൻറ അ​ദ്​​ഭു​ത​വി​ള​ക്കി​നെ അ​നു​സ്മ​രി​ക്കും വി​ധ​മാ​യി​രു​ന്നു ബി​റ്റ്​​കോ​യി​ൻ വ്യാ​പാ​ര​ത്തി​ലൂ​ടെ അ​ബ്​​ദു​ൽ ഷു​ക്കൂ​റി​​​െൻറ വ​ള​ർ​ച്ച. സാ​ധാ​ര​ണ കു​ടും​ബാം​ഗ​മാ​യി​രു​ന്ന ഷു​ക്കൂ​ർ പ്ല​സ്​​ടു പൂ​ർ​ത്തി​യാ​ക്കി​യി​ട്ടി​ല്ല. സി​മ​ൻ​റ്, കോ​ഴി​ക്ക​ച്ച​വ​ടം തു​ട​ങ്ങി​യ സം​രം​ഭ​ങ്ങ​ളി​ൽ ഏ​ർ​പ്പെ​ട്ടെ​ങ്കി​ലും പ​ച്ച പി​ടി​ച്ചി​ല്ല. അ​ങ്ങ​നെ​യാ​ണ് പി​താ​വി​​​െൻറ​ നാ​ടാ​യ കാ​സ​ർ​കോ​ട്ടേ​ക്ക് പോ​യ​ത്. വേ​ഗ​ത്തി​ൽ പ​ണ​മു​ണ്ടാ​ക്കാ​ൻ പ​റ്റി​യ ജോ​ലി തേ​ടി​ കാ​സ​ർ​കോ​​ട്ടെ​ത്തി​യ ഷു​ക്കൂ​ർ, പി​താ​വി​​​െൻറ ബ​ന്ധു​വി​​​െൻറ സ​ഹാ​യ​ത്തോ​ടെ ബി​റ്റ്കോ​യി​നി​ൽ പ​ണം നി​ക്ഷേ​പി​ച്ചു. ന​ല്ല ലാ​ഭം കി​ട്ടി​യ​തോ​ടെ നേ​രി​ട്ട് താ​യ്​​ല​ൻ​ഡി​ലെ​ത്തി​യ ഷു​ക്കൂ​ർ സ്വ​ന്തം നേ​തൃ​ത്വ​ത്തി​ൽ ബി.​ടി.​സി ബി​റ്റ്സ് എ​ന്ന മ​ണി ട്രേ​ഡി​ങ്​ ക​മ്പ​നി തു​ട​ങ്ങു​ക​യാ​യി​രു​ന്നു. 10,000 മു​ത​ൽ ല​ക്ഷ​ങ്ങ​ൾ വ​രെ നി​ക്ഷേ​പി​ക്കു​ന്ന​വ​ർ​ക്ക് 250 ദി​വ​സം​കൊ​ണ്ട് മൂ​ന്നി​ര​ട്ടി തു​ക​യാ​ണ് വാ​ഗ്ദാ​നം ചെ​യ്ത​ത്.

ലാ​ഭ​വി​ഹി​ത​ത്തി​നു പു​റ​മെ 15 ഡോ​ള​ർ പ്രോ​ത്സാ​ഹ​ന സ​മ്മാ​ന​വും ന​ൽ​കാ​ൻ തു​ട​ങ്ങി​യ​തോ​ടെ നി​ക്ഷേ​പ​ക​ർ ഷു​ക്കൂ​റി​നെ തേ​ടി​യെ​ത്തി. ഭാ​ഷ അ​റി​യാ​തി​രു​ന്ന ഷു​ക്കൂ​ർ ദ്വി​ഭാ​ഷി​യെ ഏ​ർ​പ്പെ​ടു​ത്തി​യാ​ണ് താ​യ്​​ല​ൻ​ഡി​ലേ​ക്ക് പോ​യി​രു​ന്ന​ത്. പി​ന്നീ​ട് ഇം​ഗ്ലീ​ഷ് പ​ഠി​ച്ച്​ ആ​രെ​യും പ​റ​ഞ്ഞ് വീ​ഴ്ത്താ​ൻ ക​ഴി​യും​വി​ധ​മു​ള്ള സം​സാ​ര​ശൈ​ലി​യു​ടെ ഉ​ട​മ​യാ​യി. ബി.​ടി.​സി ബി​റ്റ്സി​ൽ നി​ക്ഷേ​പ​ക​ർ വ​ർ​ധി​ച്ച​തോ​ടെ ജീ​വി​ത ശൈ​ലി മാ​റി. ആ​ഡം​ബ​ര വാ​ഹ​ന​ങ്ങ​ൾ, താ​യ്​​ല​ൻ​ഡി​ൽ കോ​ടി​ക​ൾ വി​ല​മ​തി​ക്കു​ന്ന ഹോ​ട്ട​ലു​ക​ൾ തു​ട​ങ്ങി പ​ല​യി​ട​ങ്ങ​ളി​ലും ക​ച്ച​വ​ട സ്ഥാ​പ​ന​ങ്ങ​ളും ആ​സ്തി​ക​ളു​മു​ള്ള​താ​യി പ​റ​യ​പ്പെ​ടു​ന്നു.

ഇ​ട​ക്കാ​ല​ത്ത് തു​ട​ങ്ങി​യ പ​ല നി​ക്ഷേ​പ സം​രം​ഭ​ങ്ങ​ളും കോ​ടി​ക​ളു​മാ​യി മു​ങ്ങി​യ​പ്പോ​ഴും 30,000ത്തി​ല​ധി​കം നി​ക്ഷേ​പ​ക​രു​ണ്ടെ​ന്ന് അ​വ​കാ​ശ​പ്പെ​ട്ടി​രു​ന്ന ഷു​ക്കൂ​റി​​​െൻറ ക​മ്പ​നി പ​രാ​തി​ക​ളി​ല്ലാ​തെ പ്ര​വ​ർ​ത്തി​ച്ച​തി​നാ​ൽ നി​ക്ഷേ​പ​ക​രു​ടെ വി​ശ്വാ​സം വ​ർ​ധി​ച്ച​ു. ഇ​തോ​ടെ പി​ന്നീ​ട് തു​ട​ങ്ങി​യ ബി​റ്റ് ജെ​ക്സ് എ​ന്ന ക​മ്പ​നി​യി​ലും പ​ല​രും വ​ൻ തു​ക മു​ട​ക്കി. എ​ന്നാ​ൽ, ബി​റ്റ്​ ജെ​ക്സി​ൽ പ​ണം മു​ട​ക്കി​യ​വ​ർ​ക്ക് തി​രി​ച്ചെ​ടു​ക്കാ​നാ​വാ​തെ വ​ന്ന​തോ​ടെ​യാ​ണ് ക​ഴി​ഞ്ഞ ഡി​സം​ബ​ർ മു​ത​ൽ ഷു​ക്കൂ​റി​നെ പ്ര​തി​സ​ന്ധി​യി​ലാ​ക്കി​യ 10,000 ഡോ​ള​ർ മൂ​ല്യ​മു​ണ്ടാ​യി​രു​ന്ന ബി​റ്റ്കോ​യി​ൻ 3000ത്തി​ലേ​ക്ക് കൂ​പ്പു​കു​ത്തി​യ​ത്. നി​ക്ഷേ​പ​ക​ർ​ക്ക് മു​ന്നി​ൽ പി​ടി​ച്ചു​നി​ൽ​ക്കാ​നാ​വാ​തെ ഷു​ക്കൂ​ർ താ​യ്​​ല​ൻ​ഡി​ലും മ​റ്റു​മാ​യി ഒ​ളി​വി​ൽ പോ​യെ​ന്ന വാ​ർ​ത്ത​യും പു​റ​ത്തു​വ​രാ​ൻ തു​ട​ങ്ങി.

അ​തി​നി​ടെ, സെ​പ്​​റ്റം​ബ​ർ അ​ഞ്ചു​മു​ത​ൽ ഘ​ട്ടം​ഘ​ട്ട​മാ​യി ആ​റു മാ​സ​ത്തി​ന​കം നി​ക്ഷേ​പ​ക​ർ​ക്ക് ന​ഷ്​​ട​പ്പെ​ട്ട തു​ക തി​രി​ച്ചു​ന​ൽ​കു​മെ​ന്ന് പ​റ​ഞ്ഞ് ഷു​ക്കൂ​ർ രം​ഗ​ത്തു​വ​ന്നി​രു​ന്നു. എ​ന്നാ​ൽ, ജൂ​ലൈ 12ന് ​രാ​വി​ലെ 12 പേ​ര​ട​ങ്ങു​ന്ന സം​ഘം വീ​ട്ടി​ലെ​ത്തി പി​ടി​ച്ചു​കൊ​ണ്ടു​പോ​വു​ക​യാ​യി​രു​ന്നു. പ്ര​തി​സ​ന്ധി രൂ​ക്ഷ​മാ​യ​തോ​ടെ കൂ​ടെ നി​ന്ന​വ​രും വ​ൻ​തു​ക നി​ക്ഷേ​പി​ച്ച​വ​രും അ​വ​സ​രം മു​ത​ലെ​ടു​ത്ത് ഭീ​ഷ​ണി​പ്പെ​ടു​ത്തി സ്ഥ​ല​വും മ​റ്റും കൈ​ക്ക​ലാ​ക്കി​യെ​ന്നാ​ണ് കു​ടും​ബം പ​റ​യു​ന്ന​ത്. പ​ല​യി​ട​ങ്ങ​ളി​ലും ക​ച്ച​വ​ട സ്ഥാ​പ​ന​ങ്ങ​ളും മ​റ്റും വാ​ങ്ങി​ക്കൂ​ട്ടി​യെ​ന്ന് പ​റ​യു​മ്പോ​ഴും ജ​ന്മ​നാ​ടാ​യ വ​ട​ക്ക​ൻ പാ​ലൂ​രി​ൽ ഒ​രേ​ക്ക​ർ സ്ഥ​ലം വാ​ങ്ങി നി​ർ​മി​ക്കു​ന്ന ഷു​ക്കൂ​റി​​​െൻറ സ്വ​പ്ന ഭ​വ​നം ഇ​പ്പോ​ഴും പാ​തി​വ​ഴി​യി​ലാ​ണ്. മ​റ്റു മാ​ർ​ഗ​മി​ല്ലാ​തെ ചെ​റി​യൊ​രു വീ​ട് വാ​ങ്ങി​യാ​ണ് കു​ടും​ബം താ​മ​സി​ക്കു​ന്ന​ത്.