'നേ​താ​ക്ക​ൾ വ്യ​ക്തി​പ​ര​മാ​യ നേ​ട്ട​ങ്ങ​ൾ​ക്കാ​യി ആ​ളെ​ക്കൂ​ട്ടു​ന്നു'; പാലക്കാട്ടെ സി.പി.എമ്മിൽ പ്രാദേശിക വിഭാഗീയതയെന്ന് വിമർശനം

പാ​ല​ക്കാ​ട്​: ജി​ല്ല​യി​ലെ സി.​പി.​എ​മ്മി​ൽ പ്രാ​ദേ​ശി​ക വി​ഭാ​ഗീ​യ​ത രൂ​ക്ഷ​മെ​ന്ന് വി​മ​ർ​ശ​നം. ജി​ല്ല സ​മ്മേ​ള​ന​ത്തി​ൽ അ​വ​ത​രി​പ്പി​ച്ച പ്ര​വ​ർ​ത്ത​ന റി​പ്പോ​ർ​ട്ടി​ലാ​ണ് വി​മ​ർ​ശ​നം. നേ​താ​ക്ക​ൾ വ്യ​ക്തി​പ​ര​മാ​യ നേ​ട്ട​ങ്ങ​ൾ​ക്കാ​യി ആ​ളെ​ക്കൂ​ട്ടു​ന്നു​വെ​ന്നും റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടു​ന്നു.

പു​തു​ശ്ശേ​രി, കു​ഴ​ൽ​മ​ന്ദം ഏ​രി​യ ക​മ്മ​റ്റി​ക​ൾ​ക്കെ​തി​രെ​യാ​ണ് രൂ​ക്ഷ വി​മ​ർ​ശ​നം ഉ​യ​ർ​ന്ന​ത്. കോ​ങ്ങാ​ട് എം.​എ​ൽ.​എ കെ. ​ശാ​ന്ത​കു​മാ​രി​യെ ഏ​രി​യ ക​മ്മ​റ്റി​യി​ൽ​നി​ന്ന്​ ഒ​ഴി​വാ​ക്കി​യ​ത് വി​ഭാ​ഗീ​യ​ത​യാ​ണെ​ന്ന് പ്ര​വ​ർ​ത്ത​ന റി​പ്പോ​ർ​ട്ടി​ൽ കു​റ്റ​പ്പെ​ടു​ത്തു​ന്നു. ജി​ല്ല പ​ഞ്ചാ​യ​ത്ത് പ്ര​സി​ഡ​ൻ​റ് ബി​നു​മോ​ളെ ജി​ല്ല സ​മ്മേ​ള​ന പ്ര​തി​നി​ധി​യാ​ക്കാ​തെ തോ​ൽ​പി​ച്ച​തി​ലും വി​ഭാ​ഗീ​യ​തെ​ന്നാ​ണ് വി​മ​ർ​ശ​നം.

പാ​ല​ക്കാ​ട് ജി​ല്ല​യി​ലെ കു​ഴ​ല്‍മ​ന്ദ​ത്തും ചെ​ര്‍പ്പു​ള​ശ്ശേ​രി​യി​ലും ഏ​രി​യ സ​മ്മേ​ള​ന​ത്തി​ൽ ഔ​ദ്യോ​ഗി​ക പാ​ന​ലി​ല്‍ മ​ത്സ​രി​ച്ച​വ​ര്‍‍ കൂ​ട്ട​ത്തോ​ടെ തോ​റ്റി​രു​ന്നു. ചെ​ർ​പ്പു​ള​ശ്ശേ​രി​യി​ൽ ഔ​ദ്യോ​ഗി​ക പ​ക്ഷ​ത്തെ 13 പേ​രും തോ​റ്റു. എ​സ്.​എ​ഫ്.​ഐ നേ​താ​വി​നെ ഉ​പ​ദ്ര​വി​ച്ചെ​ന്ന പ​രാ​തി​യി​ല്‍ പാ​ര്‍ട്ടി ന​ട​പ​ടി നേ​രി​ട്ട മു​ൻ ഏ​രി​യ സെ​ക്ര​ട്ട​റി അ​ബ്​​ദു​റ​ഹ്മാ​ന്‍ അ​നു​കൂ​ലി​ക​ളാ​ണ് നാ​ട​കീ​യ നീ​ക്ക​ത്തി​ലൂ​ടെ കു​ഴ​ല്‍മ​ന്ദം ഏ​രി​യ ക​മ്മി​റ്റി​യി​ല്‍ മേ​ല്‍ക്കൈ നേ​ടി​യ​ത്.

ഏ​രി​യ ക​മ്മി​റ്റി​യു​ടെ പാ​ന​ലി​ല്‍ കോ​ങ്ങാ​ട് എം.​എ​ല്‍.​എ കെ. ​ശാ​ന്ത​കു​മാ​രി​യെ​യും കു​ഴ​ൽ​മ​ന്ദം ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ൻ​റ് ടി.​കെ. ദേ​വ​ദാ​സ്, ലോ​ക്ക​ൽ ക​മ്മി​റ്റി സെ​ക്ര​ട്ട​റി സി. ​പൊ​ന്മ​ല എ​ന്നി​വ​രെ​യും ഉ​ള്‍പ്പെ​ടു​ത്തി​യെ​ങ്കി​ലും പ​രാ​ജ​യ​പ്പെ​ടു​ത്തി. വി​ജ​യി​ച്ച രാ​ജാ​കൃ​ഷ്​​ണ​ൻ, എ. ​രാ​മ​കൃ​ഷ്​​ണ​ൻ, ഷൈ​ജു എ​ന്നി​വ​ര്‍‍ അ​ബ്​​ദു​റ​ഹ്മാ​ന്‍ അ​നു​കൂ​ലി​ക​ളാ​ണ്.

ചെ​ര്‍പ്പു​ള​ശ്ശേ​രി ഏ​രി​യ സ​മ്മേ​ള​ന​ത്തി​ല്‍ പി.​കെ. ശ​ശി പ​ക്ഷം സ​ര്‍വാ​ധി​പ​ത്യം നേ​ടു​ക​യാ​യി​രു​ന്നു. ഔ​ദ്യോ​ഗി​ക പാ​ന​ലി​ല്‍ മ​ത്സ​രി​ച്ച 13 പേ​രെ​യാ​ണ് വെ​ട്ടി​നി​ര​ത്തി​യ​ത്. നി​ല​വി​ലെ ഏ​രി​യ സെ​ക്ര​ട്ട​റി കെ.​ബി. സു​ഭാ​ഷ്, ച​ള​വ​റ പ‍ഞ്ചാ​യ​ത്ത് പ്ര​സി​ഡ​ന്‍റ് ഇ. ​ച​ന്ദ്ര​ബാ​ബു തു​ട​ങ്ങി​യ​വ​ര്‍ ക​മ്മി​റ്റി​യി​ല്‍നി​ന്ന്​ പു​റ​ത്താ​യി.