മുഹമ്മദ് മുഹ്സിൻ എം.എൽ.എക്കെതിരെ സി.പി.ഐ ജില്ലാ എക്സിക്യൂട്ടീവിൽ വിമർശനം

പാലക്കാട്: മുഹമ്മദ് മുഹ്സിൻ എം.എൽ.എക്കെതിരെ സി.പി.ഐ ജില്ലാ എക്സിക്യൂട്ടീവിൽ വിമർശനം. മുഹ്സിൻ പാർട്ടിയുടെ പ്രദേശിക ഘടകങ്ങളുമായി സഹകരിക്കുന്നില്ലെന്നാണ് ജില്ലാ എക്സിക്യൂട്ടീവിൽ വിമർശനം ഉയർന്നത്.

കഴിഞ്ഞ ദിവസം ചേർന്ന പട്ടാമ്പി മണ്ഡലം കമ്മിറ്റി യോഗത്തിലും മുഹ്സിനെതിരെ ഒരു വിഭാഗം രൂക്ഷ വിമർശനം ഉന്നയിച്ചിരുന്നു. പാർട്ടി പ്രദേശിക ഘടകങ്ങളുമായി സഹകരിക്കത്ത മുഹ്സിനെ പട്ടാമ്പിയിൽ സ്ഥാനാർഥി ആക്കരുതെന്നാണ് ആവശ്യം.

മുഹ്സിന് പകരം ജില്ല എക്സിക്യൂട്ടീവ് അംഗമായ ഒ.കെ. സെയ്തലവിയെ പരിഗണിക്കണമെന്നുമാണ് മണ്ഡലം കമ്മിറ്റിയിൽ പ്രബല വിഭാഗം ആവശ്യപ്പെട്ടത്.