വീട്ടമ്മയുടെ കൊലപാതകം: ഭർതൃസഹോദരൻ അറസ്​റ്റിൽ

ഒറ്റപ്പാലം: വേങ്ങശ്ശേരിയിൽ വീട്ടമ്മ കൊല്ലപ്പെട്ട സംഭവവുമായി ബന്ധപ്പെട്ട് കൊലപാതകത്തി​​​െൻറ സൂത്രധാരനായ ഭർതൃസഹോദരൻ അറസ്​റ്റിൽ. അകവണ്ട വളത്തുകാട്കുണ്ട് പള്ളിയാലിൽ പാണക്കാട് മണികണ്ഠനെയാണ് (37) ഒറ്റപ്പാലം പൊലീസ് അറസ്​റ്റ്​ ചെയ്തത്. ക്വ​േട്ടഷൻ ഏറ്റെടുത്ത്​ കൊലപാതകം നടത്തിയതായി പറയപ്പെടുന്ന തമിഴ്നാട് സ്വദേശികളായ മൂന്നംഗ സംഘത്തെക്കുറിച്ച്​ സൂചന ലഭിച്ചു. 

മണികണ്ഠ​​​െൻറ സഹോദരൻ ബാലകൃഷ്ണ​​​െൻറ ഭാര്യ ധനലക്ഷ്മിയെയാണ്​ (40) ഇക്കഴിഞ്ഞ 19ന്​ വീട്ടുവളപ്പിൽ രാവിലെ ആറരയോടെ കഴുത്തിനും വയറ്റിലും കുത്തേറ്റ്​ മരിച്ച നിലയിൽ കണ്ടെത്തിയത്. തലേന്ന് രാത്രി ബാലകൃഷ്ണ​​​െൻറ വീട്ടിലെത്തിയ സംഘം കാറിൽ രാത്രി കഴിച്ചുകൂട്ടുകയും പുലർച്ച കൃത്യം നടത്തുകയായിരുന്നെന്നും പൊലീസ് പറഞ്ഞു. കുടുംബസ്വത്ത് ബാലകൃഷ്ണൻ തട്ടിയെടുത്തത്തിലെ പ്രതികാരം തീർക്കാൻ മണികണ്ഠൻ ക്വ​േട്ടഷൻ കൊടുക്കുകയായിരുന്നത്രെ. അകവണ്ട തോടിന്​ സമീപം വിജനമായ പ്രദേശത്തെ വീട്ടിലാണ് ബാലകൃഷ്ണനും ഭാര്യയും താമസിച്ചിരുന്നത്. ആദ്യവിവാഹം ഒഴിവാക്കി പുനർവിവാഹം നടത്തിയവരാണ് ഇരുവരും.