കഞ്ചാവുമായി യുവതിയും കാർ ഡ്രൈവറും പിടിയിൽ

ചാലക്കുടി: ഒരുകിലോയിലധികം കഞ്ചാവുമായി യുവതിയും കാർ ഡ്രൈവറും പിടിയിൽ. കോട്ടയം വെച്ചൂർ ഇടയാഴം സ്വദേശിനി സരിതാലയത്തിൽ സരിത സലീം (28), സുഹൃത്തും കാർ ഡ്രൈവറുമായ പാലക്കാട് വല്ലപ്പുഴ സ്വദേശി മനക്കേതൊടിയിൽ സുധീർ (45) എന്നിവരാണ് പിടിയിലായത്. സിനിമ-സീരിയൽ രംഗത്ത് പ്രവർത്തിക്കുന്ന സരിത ബ്ലാക്ക് ഏയ്ഞ്ചൽ എന്നാണ്​ അറിയപ്പെടുന്നത്​. 

എറണാകുളത്ത് എളമക്കരയിൽ വാടകക്ക്​ താമസിക്കുന്ന ഇവർ ലഹരിവസ്തുക്കൾ കൈമാറുന്നതിന് ഇടനിലക്കാരിയായി പ്രവർത്തിക്കുന്നയാളാണെന്നും പൊലീസ് അറിയിച്ചു. നെടുമ്പാശ്ശേരി വിമാനത്താവളത്തിന്​ സമീപവും ഇടപ്പിള്ളി കേന്ദ്രീകരിച്ചും ടാക്സി ഓടിക്കുന്നയാളാണ് സുധീർ.

തൃശൂർ റൂറൽ ജില്ല പൊലീസ് മേധാവി ആർ. വിശ്വനാഥി​​െൻറ നിർദേശത്തെ തുടർന്ന് ചാലക്കുടി ഡിവൈ.എസ്.പി സി.ആർ. സന്തോഷി​​െൻറ നേതൃത്വത്തിൽ ചാലക്കുടി ബസ്​സ്​റ്റാൻഡ്​ കേന്ദ്രീകരിച്ച് വ്യാഴാഴ്ച രാത്രി നടത്തിയ പരിശോധനയിലാണ് ഇവർ പിടിയിലായത്​. വ്യാഴാഴ്ച ചാലക്കുടി മുനിസിപ്പൽ ജങ്​ഷന്​ സമീപം പാർക്ക് ചെയ്ത ലോറിയിൽനിന്ന്​ രണ്ടേകാൽ കിലോ കഞ്ചാവ് പിടികൂടിയിരുന്നു. 

ഇതു കൂടാതെയാണ് രാത്രി പതിനൊന്നരയോടെ വീണ്ടും കഞ്ചാവ് പിടികൂടിയത്. ചാലക്കുടി കെ.എസ്.ആർ.ടി.സി സ്​റ്റാൻഡിന്‌ സമീപം സംശയകരമായി കണ്ട കാർ പരിശോധിച്ചപ്പോഴാണ്​ യുവതിയുടെ കൈയിലുണ്ടായിരുന്ന ബാഗിന്​ പിറകിൽ ഒളിപ്പിച്ച പ്ലാസ്​റ്റിക്​ കവറിൽ ഭദ്രമായി പൊതിഞ്ഞനിലയിൽ കഞ്ചാവ് കണ്ടെത്തിയത്. ചാലക്കുടിയിൽ എത്തുമെന്നറിയിച്ച ഒരാൾക്ക് കൈമാറാൻ കൊണ്ടുവന്നതാണ് കഞ്ചാവെന്നും ഡ്രൈവറെ സഹായിയായി വിളിച്ചതാണെന്നും യുവതി പറഞ്ഞതായി പൊലീസ്​ അറിയിച്ചു. 

ചാലക്കുടി സി.ഐ കെ.എസ്. സന്ദീപ്, എസ്.ഐ എം.എസ്. ഷാജൻ, ഡിവൈ.എസ്​.പിയുടെ പ്രത്യേക അന്വേഷണസംഘത്തിലെ എ.എസ്.ഐമാരായ ജിനുമോൻ തച്ചേത്ത്, സതീശൻ മടപ്പാട്ടിൽ, റോയ് പൗലോസ്, പി.എം. മൂസ, സീനിയർ സി.പി.ഒമാരായ വി.യു. സിൽജോ, എ.യു. റെജി, ഷിജോ തോമസ്, ഷീബ അശോകൻ, ആ​േൻറാ ജോസഫ് എന്നിവരാണ് പൊലീസ്​ സംഘത്തിൽ ഉണ്ടായിരുന്നത്.