കന്യസ്​ത്രീ മഠത്തിലെ വിദ്യാർഥിനിയുടെ ദുരൂഹമരണം ക്രൈംബ്രാഞ്ച്​ അന്വേഷിക്കും

തി​രു​വ​ന​ന്ത​പു​രം: ക​ന്യാ​സ്​​ത്രീ​യാ​കാ​ൻ പ​ഠി​ച്ചു​കൊ​ണ്ടി​രു​ന്ന ദി​വ്യ പി. ​ജോ​ണി​​െൻറ ദു​രൂ​ഹ​മ​ര​ണം ക്രൈം​ബ്രാ​ഞ്ച്​ അ​ന്വേ​ഷി​ക്കും. തി​രു​വ​ല്ല പാ​ലി​യേ​ക്ക​ര ബ​സേ​ലി​യ​ൻ കോ​ൺ​വ​െൻറി​ലെ കി​ണ​റ്റി​ൽ മെയ്​ ഏ​ഴി​നാ​ണ്​ ദി​വ്യ​യു​ടെ മൃ​ത​ദേ​ഹം കാ​ണ​പ്പെ​ട്ട​ത്. 

മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്ന്​ ചു​ണ്ടി​ക്കാ​ട്ടി മ​നു​ഷ്യാ​വ​കാ​ശ പ്ര​വ​ർ​ത്ത​ക​ൻ ജോ​മോ​ൻ പു​ത്ത​ൻ​പു​ര​യ്​​ക്ക​ൽ ഡി.​ജി.​പി ലോ​ക്​​നാ​ഥ്​ ബെ​ഹ്​​റ​യെ നേ​രി​ൽ​ക​ണ്ട്​ പ​രാ​തി ന​ൽ​കി​യി​രു​ന്നു. അ​തി​​െൻറ അ​ടി​സ്​​ഥാ​ന​ത്തി​ലാ​ണ്​ ക്രൈം​ബ്രാ​ഞ്ച്​ ​െഎ.​ജി​യു​ടെ നേ​ത​ൃ​ത്വ​ത്തി​ൽ അ​ന്വേ​ഷി​ക്കാ​ൻ ഉ​ത്ത​ര​വി​ട്ട​ത്. 

സന്യാസിനി വിദ്യാർഥിനിയെ കന്യാസ്ത്രി മഠ​േത്താട് ചേർന്ന കിണറ്റിൽ മരിച്ചനിലയിൽ കണ്ടെത്തിയ സംഭവത്തിൽ ദുരൂഹതകളുണ്ടെന്നാണ്​ ആരോപണം. മഠത്തിന് ഒരു കി.മീ. മാത്രം അകലെയുള്ള സർക്കാർ ആശുപത്രിയിൽ എത്തിക്കാതെ സഭയുടെ ഉടമസ്ഥതയിലുള്ള ആശുപത്രിയിലേക്ക്​ കൊണ്ടുപോയതും പൊലീസിൽ വിവരമറിയിക്കാനെടുത്ത കാലതാമസവുമാണ് സംശയങ്ങൾ ബലപ്പെടാൻ കാരണം. 

മലങ്കര കത്തോലിക്ക സഭയുടെ അധീനതയിലുള്ള പാലിയേക്കര ബസിലിയൻ സിസ്​റ്റേഴ്സ് മഠത്തിലെ അഞ്ചാംവർഷ വിദ്യാർഥിനി ദിവ്യ പി. ജോൺ മരിച്ച സംഭവത്തിലാണ് അവ്യക്തതകൾ നിലനിൽക്കുന്നത്. മഠത്തിലെ പതിവ് പ്രാർഥന ചടങ്ങുകൾക്കുശേഷം പഠനക്ലാസ് നടക്കവേ മുറിവിട്ടിറങ്ങിയ ദിവ്യ കെട്ടിടത്തിനോട് ചേർന്നുള്ള മുപ്പതടിയോളം താഴ്ചയുള്ള കിണറ്റിലേക്ക് ചാടുകയായിരുന്നുവെന്നാണ് മറ്റ് കന്യാസ്ത്രീകളുടെ മൊഴി. 

രാവിലെ പതിനൊന്നേകാലോടെ ഇരുമ്പ് മേൽമൂടിയുടെ ഒരുഭാഗം തുറന്ന് കിണറ്റിലേക്ക് ചാടുകയായിരുന്നുവെന്നാണ് ദൃക്സാക്ഷിയായ സിസ്​റ്ററുടെ മൊഴി. മദർ സുപ്പീരിയർ സിസ്​റ്റർ ജോൺസിയാണ് 11.45ഓടെ പൊലീസിൽ വിവരമറിയിച്ചത്. 

12 മണിയോടെ  അഗ്​നിരക്ഷ  സംഘമെത്തി മൃതദേഹം പുറത്തെടുക്കുകയായിരുന്നു. അഗ്​നിരക്ഷ സേന എത്തുംമുമ്പ് ആംബുലൻസ് മഠത്തിൽ എത്തിയിരുന്നു. സംഭവമറിഞ്ഞ് എത്തുമ്പോൾ  ഇരുമ്പ് മേൽമൂടി നാല് മീറ്ററോളം ദൂരെ മാറിക്കിടക്കുകയായിരുന്നുവെന്നും പത്തടിയോളം താഴ്ചയിൽ മുങ്ങിക്കിടന്നിരുന്ന ദിവ്യയുടെ ശരീരം വല ഉപയോഗിച്ച് മുകളിൽ എത്തിക്കുകയായിരുന്നുവെന്നുമാണ് അഗ്​നിരക്ഷ സേന തിരുവല്ല സ്​റ്റേഷൻ ഓഫിസർ പറഞ്ഞത്. 

പോസ്​റ്റുമോർട്ടം റിപ്പോർട്ടിൽ മുങ്ങിമരണമാണെന്നാണ്​ പറയുന്നതത്​. ബലപ്രയോഗത്തി​​​െൻറ പാടുകളൊന്നും ശരീരത്തിലില്ല. കാലുകളിൽ ചെറിയ മുറിവുകളുണ്ടെങ്കിലും അത്​ വീഴ്​ചയിൽ സംഭവിച്ചതാണ്​. ആ മുറിവുകൾ മരണകാരണവുമല്ല എന്നുമാണ്​ പോസ്​റ്റുമോർട്ടം റിപ്പോർട്ടിലുള്ളത്​. 

മുങ്ങിമരണമെന്ന പോസ്​റ്റുമോർട്ടം റിപ്പോർട്ടിലെ സൂചന വിദ്യാർഥിനി ആത്​മഹത്യ ചെയ്​തതാണെന്ന സൂചനയാണ്​ നൽകുന്നത്​. കോട്ടയം മെഡിക്കൽ കോളജ് ആശുപതിയിൽ പൊലീസ് സർജ​​​െൻറ നേതൃത്വത്തിലാണ്​ പോസ്​റ്റുമോർട്ടം നടന്നത്​. 21 വയസ്സുള്ള വിദ്യാർഥിനി ആത്​മഹത്യ ചെയ്യാനിടയാകുംവിധം ആശ്രമത്തിലുണ്ടായ സാഹചര്യം എന്തെന്ന ചോദ്യം ഉയരുന്നുണ്ട്​.