നയന സൂര്യയെ മരിച്ച നിലയിൽ കണ്ടെത്തിയ മുറിയിൽ ക്രൈം ബ്രാഞ്ച് തെളിവെടുപ്പ്

തിരുവനന്തപുരം: യുവസംവിധായക നയന സൂര്യയെ മരിച്ച നിലയിൽ കണ്ടെത്തിയ മുറിയിൽ ക്രൈം ബ്രാഞ്ച് തെളിവെടുപ്പ്. നയന വാടകക്ക് താമസിച്ച വീടാണിത്.

കേസ് അന്വേഷിച്ച പൊലീസിൽ നിന്ന് ചില രേഖകളടക്കം ക്രൈം ബ്രാഞ്ച് ശേഖരിച്ചിരുന്നു. ഇതിനുപിന്നാലെയാണ് വീട്ടിൽ തെളിവെടുപ്പ് നടത്തിയത്.

വെള്ളിയാഴ്ചയാണ് നയന സൂര്യയുടെ മരണം അന്വേഷിക്കാനായി ക്രൈം ബ്രാഞ്ച് രൂപീകരിച്ച പ്രത്യേക അന്വേഷണസംഘം പുനഃസംഘടിപ്പിച്ചത്. 13 പേരാണ് സംഘത്തിലുള്ളത്.

പ്രധാനപ്പെട്ട തെളിവുകൾ നഷ്ടപ്പെട്ടു എന്ന ആരോപണം നിലനിൽക്കുന്നുണ്ട്. പൊ​ലീ​സി​നെ​തി​രെ ഗു​രു​ത​ര ആ​രോ​പ​ണ​വു​മാ​യി മു​ന്‍ ഫോ​റ​ന്‍സി​ക് മേ​ധാ​വി കെ. ​ശ​ശി​ക​ല രംഗത്തുവരികയും ചെയ്തിരുന്നു. ആ​ത്മ​ഹ​ത്യ​യെ​ന്ന് നി​ഗ​മ​ന​മു​ള്ള മൊ​ഴി പൊ​ലീ​സി​ന് ന​ല്‍കി​യി​ട്ടി​ല്ലെ​ന്നും കൊ​ല​പാ​ത​ക സാ​ധ്യ​ത​യെ​ന്നാ​യി​രു​ന്നു ത​ന്‍റെ ആ​ദ്യ നി​ഗ​മ​ന​മെ​ന്നുമാണ് മു​ന്‍ ഫോ​റ​ന്‍സി​ക് മേ​ധാ​വി ​ശ​ശി​ക​ല പറഞ്ഞത്.