വിശ്വസനീയമായ മരണമൊഴി െകാലപാതകക്കുറ്റം തെളിയിക്കാൻ മതിയായ തെളിവ്​ –ൈ​ഹകോടതി

കൊ​ച്ചി: ചാ​ഞ്ച​ല്യ​മി​ല്ലാ​ത്ത​തും വി​ശ്വ​സ​നീ​യ​വു​മാ​യ മ​ര​ണ​മൊ​ഴി ​െകാ​ല​പാ​ത​ക കേ​സു​ക​ളി​ൽ കു​റ്റ​കൃ​ത്യം തെ​ളി​യി​ക്കാ​ൻ മ​തി​യാ​യ​താ​ണെ​ന്ന്​ ​ൈ​ഹ​കോ​ട​തി. സ​ഹോ​ദ​ര​ഭാ​ര്യ​യെ മ​ണ്ണെ​ണ്ണ​യൊ​ഴി​ച്ച് തീ​കൊ​ളു​ത്തി കൊ​ല​പ്പെ​ടു​ത്തി​യ കേ​സി​ലെ പ്ര​തി​യു​ടെ ജീ​വ​പ​ര്യ​ന്തം ത​ട​വു​ശി​ക്ഷ ശ​രി​വെ​ച്ചാ​ണ്​ ജ​സ്​​റ്റി​സ്​ കെ. ​വി​നോ​ദ്​ ച​ന്ദ്ര​ൻ, ജ​സ്​​റ്റി​സ്​ സി​യാ​ദ്​ റ​ഹ്​​മാ​ൻ എ​ന്നി​വ​ര​ട​ങ്ങു​ന്ന ഡി​വി​ഷ​ൻ​ ബെ​ഞ്ചി​െൻറ ഉ​ത്ത​ര​വ്.

നെ​യ്യാ​റ്റി​ൻ​ക​ര അ​ഡീ. സെ​ഷ​ൻ​സ്​ കോ​ട​തി ഉ​ത്ത​ര​വ്​ ചോ​ദ്യം ചെ​യ്​​ത്​ തി​രു​വ​ന​ന്ത​പു​രം പ​ത്താം​ക​ല്ല് തു​ണ്ടു​വി​ള​ക​ത്ത് പു​ത്ത​ൻ വീ​ട്ടി​ൽ ത​ങ്ക​പ്പ​ൻ ആ​ചാ​രി ന​ൽ​കി​യ അ​പ്പീ​ൽ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

സ​ഹോ​ദ​ര​നും ഭാ​ര്യ​യും ര​ണ്ട് കു​ട്ടി​ക​ളും അ​ട​ങ്ങി​യ കു​ടും​ബ​ത്തോ​ടൊ​പ്പം ഒ​രു വീ​ട്ടി​ലാ​യി​രു​ന്നു പ്ര​തി താ​മ​സി​ച്ചി​രു​ന്ന​ത്. വൈ​ദ്യു​തി ബി​ല്ല്​ പ​ങ്കു​വെ​ച്ച്​ അ​ട​ച്ചു​വ​രു​ന്ന​തി​നി​ടെ ബി​ൽ തു​ക കൂ​ടി​യ​തു​മാ​യി ബ​ന്ധ​​പ്പെ​ട്ട്​​ പ്ര​തി​യും സ​ഹോ​ദ​ര ഭാ​ര്യ​യും ത​മ്മി​ൽ 2014 ജൂ​ലൈ 16നു​ണ്ടാ​യ ത​ർ​ക്കം ​െകാ​ല​പാ​ത​ക​ത്തി​ലെ​ത്തു​ക​യാ​യി​രു​ന്നു​വെ​ന്നാ​ണ്​ പ്രോ​സി​ക്യൂ​ഷ​ൻ കേ​സ്. സ​ഹോ​ദ​ര​ഭാ​ര്യ ന​ൽ​കി​യ മ​ര​ണ​മൊ​ഴി​യു​ടെ അ​ടി​സ്​​ഥാ​ന​ത്തി​ലാ​ണ്​ സെ​ഷ​ൻ​സ്​ കോ​ട​തി ജീ​വ​പ​ര്യ​ന്തം വി​ധി​ച്ച​ത്. എ​ന്നാ​ൽ, സ​ഹോ​ദ​ര​ഭാ​ര്യ ആ​ത്​​മ​ഹ​ത്യ ചെ​യ്​​ത​താ​ണെ​ന്നും മ​ര​ണ​മൊ​ഴി ക​ള​വാ​ണെ​ന്നും സാ​ക്ഷി​ക​ളി​ല്ലാ​ത്ത​തി​നാ​ൽ വെ​റു​തെ​വി​ട​ണ​മെ​ന്നു​മാ​യി​രു​ന്നു അ​പ്പീ​ലി​ലെ വാ​ദം.

കൊ​ല്ല​പ്പെ​ട്ട യു​വ​തി മ​ക​നോ​ടും മ​ക​ളോ​ടും ഡോ​ക്ട​റോ​ടും ജു​ഡീ​ഷ്യ​ൽ മ​ജി​സ്ട്രേ​റ്റി​നോ​ടും ഒ​രേ മൊ​ഴി​യാ​ണ്​ ന​ൽ​കി​യ​തെ​ന്നും ഇ​ത്​ വി​ശ്വ​സ​നീ​യ​മാ​ണെ​ന്നും ഹൈ​കോ​ട​തി വി​ല​യി​രു​ത്തി. പ്ര​തി​ക്കെ​തി​രെ മ​റ്റ് സാ​ക്ഷി​ക​ൾ ന​ൽ​കി​യ മൊ​ഴി​ക​ൾ ശ​രി​വെ​ക്കു​ന്ന​താ​ണ്​ മ​ര​ണ​മൊ​ഴി. ഈ ​സാ​ഹ​ച​ര്യ​ത്തി​ൽ കീ​ഴ്​​കോ​ട​തി​യു​ടെ വി​ധി​യി​ൽ അ​പാ​ക​ത​യി​ല്ലെ​ന്ന്​ വി​ല​യി​രു​ത്തി​യ കോ​ട​തി അ​പ്പീ​ൽ ഹ​ര​ജി ത​ള്ളു​ക​യാ​യി​രു​ന്നു.