െപട്രോൾ പമ്പിലേക്ക് ക്രെയിൻ ഇടിച്ചു കയറി യുവാവ് മരിച്ചു

കൊച്ചി: െപട്രോൾ പമ്പിലേക്ക് ക്രെയിൻ ഇടിച്ചുകയറി യുവാവ് മരിച്ചു. എറണാകുളം നോർത്തിലെ പെട്രോൾ പമ്പിലേക്ക് നിയന്ത്രണം വിട്ട ക്രെയിൻ ഇടിച്ചുകയറി എരമല്ലൂർ സ്വദേശി റിയാസ് ഇബ്രാഹീമാണ്​ (21) മരിച്ചത്. പമ്പില്‍ പെട്രോള്‍ നിറക്കാന്‍ എത്തിയതായിരുന്നു റിയാസ്. വ്യാഴാഴ്ച രാത്രി 10.30ഓടെയാണ് സംഭവം.

കലൂര്‍ ഭാഗത്തുനിന്ന്​ വന്ന ക്രെയിൻ നോര്‍ത്ത് മേല്‍പാലം ഇറങ്ങുന്നതിനിടെ ബ്രേക്ക് നഷ്​ടപ്പെടുകയും ടൗണ്‍ഹാളിന് സമീപത്തെ പെട്രോള്‍ പമ്പിലേക്ക്​ ഇടിച്ചുകയറുകയുമായിരുന്നു. റിയാസി​​​െൻറ ശരീരത്തിൽ ക്രെയിന്‍ കയറിയതായി ദൃക്‌സാക്ഷികള്‍ പറഞ്ഞു. മൃതദേഹം എറണാകുളം മെഡിക്കല്‍ ട്രസ്​റ്റ്​ ആശുപത്രി മോർച്ചറിയില്‍.