പെരിനാട് റെയിൽവെ പാളത്തിൽ വിള്ളൽ

പെരിനാട്: കൊല്ലം- കായംകുളം റെയിൽവെ പാതയിൽ പെരിനാട് വിള്ളൽ കണ്ടെത്തി. ചാത്തിനാം കുളത്തിനും ചപ്പേത്തടം റെയിൽവേ ഗേറ്റിനും ഇടയിലാണ് വിള്ളൽ കണ്ടെത്തിയത്. എട്ടാം തവണയാണ് ഈ ഭാഗത്ത് വിള്ളൽ കാണപ്പെടുന്നത്. സംഭവത്തെ തുടർന്ന് എറണാകുളം- കൊല്ലം പാസഞ്ചർ പെരിനാട് സ്റ്റേഷനിൽ പിടിച്ചിട്ടു. ഈ റൂട്ടിലൂടെയുള്ള ഗതാഗതം താൽക്കാലികമായി തടസപ്പെട്ടിരിക്കുകയാണ്.