Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവസ്​തുകച്ചവടത്തിനിടെ...

വസ്​തുകച്ചവടത്തിനിടെ ആദായ നികുതി വകുപ്പ്​ റെയ്​ഡ്:​പി.ടി. തോമസിനെതിരെ വിജിലൻസ്​ അന്വേഷണം ആവശ്യപ്പെട്ട്​ സി.പി.എം

text_fields
bookmark_border
വസ്​തുകച്ചവടത്തിനിടെ ആദായ നികുതി വകുപ്പ്​ റെയ്​ഡ്:​പി.ടി. തോമസിനെതിരെ വിജിലൻസ്​ അന്വേഷണം ആവശ്യപ്പെട്ട്​ സി.പി.എം
cancel

കൊച്ചി: ഇടപ്പള്ളി അഞ്ചുമനയിൽ പി.ടി. തോമസ്​ എം.എൽ.എയുടെ സാന്നിധ്യത്തിൽ വസ്​തുകച്ചവടത്തിനിടെ ആദായ നികുതി വകുപ്പ്​ പണം പിടികൂടിയ സംഭവം വിജിലൻസ്​ അന്വേഷിക്കണമെന്ന്​ സി.പി.എം ജില്ല സെക്രട്ടറി സി.എൻ. മോഹനൻ ആവശ്യപ്പെട്ടു. കള്ളപ്പണ ഇടപാടിൽ പങ്കാളിയായ എം.എൽ.എയുടെ രാജി ആവശ്യപ്പെട്ട്​ പാർട്ടി തൃക്കാക്കര മണ്ഡലത്തിൽ സമരം ആരംഭിക്കും. 1.03 കോടിക്ക്​ ധാരണയായ വസ്​തുകച്ചവടം എം.എൽ.എ ഇടപെട്ടാണ്​ 80 ലക്ഷമാക്കിയതെന്നും അദ്ദേഹം വാർത്തസമ്മേളനത്തിൽ ആരോപിച്ചു.

1998 ജൂലൈയിൽ രജിസ്​റ്റർ ചെയ്​ത കരാർ പ്രകാരം സ്ഥലം നാല്​ സെൻറാണ്​. ഇത്​ വാങ്ങിയ വി.എസ്​. രാമകൃഷ്​ണൻ എം.എൽ.എയുടെ സുഹൃത്താണ്​. ബാങ്കിലൂടെ പണം കൈമാറണമെന്ന കരാർ ലംഘിക്കാൻ ഒക്​ടോബർ രണ്ടിന്​ നിർദേശിച്ചത്​ എം.എൽ.എയാണെന്നും ഇക്കാര്യത്തിൽ സി.പി.എം ബ്രാഞ്ച്​ സെക്രട്ടറി ഗിരിജൻ നിഷ്​കളങ്കനാണെന്നും മോഹനൻ പറഞ്ഞു. വീട്ടിൽ കൊണ്ടുവന്ന ഒരു പെട്ടിയിലാണ്​ പണം ഉണ്ടായിരുന്നത്​. 50 ലക്ഷം രൂപ രാമകൃഷ്​ണ​െൻറ വെണ്ണലയിലെ വീട്ടിൽനിന്ന്​ പിടികൂടി. പറഞ്ഞതി​െൻറ പകുതി പണം നൽകി കരാർ ഒപ്പിടാൻ നടത്തിയ ശ്രമമാണ്​ ആദായ നികുതി വകുപ്പി​െൻറ ഇടപെടലിൽ പാളിയത്​.

എം.എൽ.എയുടെ സാന്നിധ്യത്തിൽ മേശയിലേക്ക്​ 500 രൂപ കെട്ടുകൾ അടങ്ങിയ ബാഗ്​ തുറന്നിട്ടപ്പോഴാണ്​ ഇൻകം ടാക്​സ്​ ഉദ്യോഗസ്ഥർ വന്നത്​. ഇതോടെ ഇറങ്ങിയോടിയ രാമകൃഷ്​ണനെ വീട്ടിലുണ്ടായിരുന്നവർ ചേർന്ന്​ ബലമായി തിരിച്ചുകൊണ്ടുവന്നു. എം.എൽ.എ തിടുക്കത്തിൽ സ്ഥലം വിട്ടതാണെന്നും മോഹനൻ പറഞ്ഞു.

Show Full Article
TAGS:PT Thomas CPM Vigilance enquiry 
Next Story